PEMUYAN 2:10 - Kenyah New Testament

¹⁰ ngan Perigia, ngan Pampilia, ngan Masir, ngan diaʹ cen dale Libia iaʹ nyeng ngan Kirini. Ngan un palai milu dini cen lepoʹ Rum,

PEMUYAN 2:10 Iomraidhean Croise

MATIUS 2:15

Sulo ngelineʹ ne ida kaʹ lepoʹ Masir pa Herudis matai. Ini lepa nuyan kuʹun isiu Tuhan iaʹ ban pegawa Tuhan lepa badaʹ, pekini dau ue: “Cen lepoʹ Masir lete akeʹ ke mengin Anak keʹ.”

MATIUS 23:15

“Siʹau pe ikem diaʹ guru Katuk Adet ngan kelunan Perisi. Ikem diaʹ kelunan ngaloʹ. Tai hem pelawat banget ngan tai pelibut dale, ke cuk ca usa pupa kimet te. Uʹo ho lepa nai kaʹ dalem adet cem, kun ncem uyan ia utung ukum luten dua liwai lapa neng ʹo ikem.

MATIUS 27:32

Dalau nai re kawang, kun nte petegoʹ ngan ca kelunan nai cen lepoʹ Kirini, ngadan ne Simun. Penco re lemejen cuk ia nyuʹun kayu tecek Yesus ina.

MARKUS 15:21

Kaʹ ahang janan ina, ida taʹan ca laki, ngadan ne Simun, dalau kenai ie cen tanaʹ coʹ, nai nyabeʹ kaʹ lepoʹ ina. Kun nte mejen cuk Simun nyuʹun kayu tecek Yesus ina. (Simun ina ca kelunan lepoʹ Kirini, iaʹ ina amai Alik-sandar ngan Rupus.)

PEMUYAN 11:20

Un palai diaʹ ngelan Tuhan ban cen lepoʹ Siperus, ngan lepoʹ Kirini, tai re abeʹ kaʹ lepoʹ Antiukia. Kun nte badaʹ Denga Injil Tuhan Yesus me dulu diaʹ tahaʹ awang Yahudi.

PEMUYAN 13:1

Neng Mpun diaʹ ngelan Tuhan kaʹ lepoʹ Antiukia, un pe kudaʹ kadoʹ pegawa Tuhan ngan guru, iaʹ ina Barnabas, ngan Simiun (iaʹ dulu naʹ Saleng), ngan Lukius (lepoʹ Kirini), ngan Menahem (cenganak ca ueʹ ngan Laja Herudis iaʹ ngkang ca tulat neng iaʹ kepat dale ina), ngan Saul.

PEMUYAN 13:13

Un Paulus ngan ida diaʹ ngan ne kina, ketai re ngedung neng ca kapen iaʹ ketai puke cen Papus, tai kaʹ Perga kaʹ tanaʹ Pampilia. Un Yaya Markus, nai ie mecin ida kina, penco tai ie ngeliwet kaʹ Yerusalim.

PEMUYAN 13:43

Lepa ne mpun ina pasi, kenai kadoʹ lepoʹ Yahudi pemung ngan kadoʹ dulu diaʹ lepa alaʹ adet Yahudi dina, nai re bayaʹ Paulus de dua Barnabas. Kun nte dua penco tiraʹ mida, ngan petangen ida ke tudep dalem pengelesau iaʹ Allah lebang naʹ mida.

PEMUYAN 14:24

Pelapa ne lawa Injil dina neng tanaʹ Pisidia, abeʹ ne ida dua kaʹ tanaʹ Pampilia.

PEMUYAN 15:38

Di lareʹ abeʹ tekep tekaʹ kimet Paulus ke ngkin ia, moʹ ban lepa ne ia mecin ida dua kaʹ Pampilia ading nte are, ngan abeʹ e petuk ngan nte pa kuʹo gayeng nte are.

PEMUYAN 16:6

Ketai re pelibut tanaʹ Perigia ngan Galatia, uʹo ina Berua Buheʹ mulen nte tai badaʹ katuk Tuhan kaʹ dalem tanaʹ Asia.

PEMUYAN 17:21

(Dulu lepoʹ Atina, peging ngan dulu diaʹ nai nyakai kina, abeʹ de pesingo inu inu diaʹ ca ne, bang kepisiu ngan kengeringa inu diaʹ nai mading tuaʹ ne ida.)

PEMUYAN 18:2

Kaʹ ina ha petegoʹ ngan diaʹ lepoʹ Yahudi ngadan nte Akila ngan Periskila ida dua peto, diaʹ ban pempet kaʹ lepoʹ Puntus, iaʹ laho lepe ban nai cen lepoʹ Rum tanaʹ Italia, moʹ Laja Keludius cuk lepoʹ Yahudi mung tai kelap cen lepoʹ Rum. Un dalau ketai Paulus kaʹ lepoʹ Kurintus, tai kun ne naʹat ida dua,

PEMUYAN 18:23

Kudaʹ majan pe ia ngelineʹ kina, penco tai ie puke neliling pa tipo tanaʹ Galatia ngan Perigia, mentung nge ngepali penawai mung nte diaʹ ngelan Tuhan dina.

PEMUYAN 2:11

pekina pe lepoʹ Yahudi, ngan diaʹ ca diaʹ alaʹ adet Yahudi. Un pe lepoʹ Keriti, ngan lepoʹ Arap. Mung le kenahan dau re pisiu neng isiu le selepeʹ, ban puyan Allah iaʹ bioʹ ina.”

PEMUYAN 23:11

Neng alem iaʹ uʹo ina, nai kun Tuhan nekejeng dudo Paulus, kun dau ue: “Bawaʹ ne ading Paulus, moʹ lepa ne ikoʹ badaʹ ban ncoʹ tugen neng akeʹ kaʹ lepoʹ Yerusalim, pekina pelaʹa atek koʹ ke tai lete badaʹ ban ncoʹ tugen neng akeʹ kaʹ lepoʹ Rum laʹa ʹo.”

PEMUYAN 27:5

Uʹo meʹ pelawat banget temping tanaʹ Kilikia ngan Pampilia, penco meʹ abeʹ kaʹ lepoʹ Mira kaʹ tanaʹ Likia.

PEMUYAN 28:15

Moʹ diaʹ cenganak meʹ dalem Tuhan dina kenahan dau denga meʹ nai, kenai re kaʹ pasen Apius, ngan nai pe palai laʹa kaʹ lepoʹ iaʹ ngadan ne Telu re Kedai. Kun nte petegoʹ ngan meʹ kaʹ ina. Dalau Paulus taʹan ida, penco ho nyuaʹ tiga saheʹ palaʹ Allah, mentung nge ngepali tekaʹ penawai ie laʹa.

PEMUYAN 6:5

Un tiraʹ de sihoʹ neng pengubaʹ de dina mung, penco re lemileʹ Stipanus, ca laki iaʹ sangan kuʹun pengelan ngan Berua Buheʹ. Un pe Pilipus, ngan Pukurus, ngan Nikanur, ngan Timun, ngan Pamenas, ngan Nikulaus iaʹ ina ca laki lepoʹ Antiukia, iaʹ lepa nyaliu adet te tai Yahudi.

PEMUYAN 6:9

Naʹ pe ia pekina, un pe diaʹ nai beteʹ pesakat ngan Stipanus. Ida dina cen mpun kelunan Ulaʹ diaʹ Takau. Un pe palai Yahudi lepoʹ Kirini, un pe palai lepoʹ Alik-sandaria, un pe Yahudi diaʹ ca cen tanaʹ Kilikia ngan tanaʹ Asia, nai re ke ti ngan Stipanus.

RUM 1:15

Ina ukoʹ keʹ jaya dau kenai pedenga Denga Tiga mikem kaʹ lepoʹ Rum ne.

RUM 1:7

Pekina dau heʹ nyurat me mung ngkem diaʹ kaʹ lepoʹ Rum, diaʹ Allah malaʹ ngan mengin ke nuyan kelunan diaʹ anun ne tengen. Awaʹ pe Allah iaʹ Amai le, ngan Tuhan Yesus Keristus, ke naʹ pengelesau ue ngan udip iaʹ tadan mikem.

2 TIMUTIUS 1:17

Un sepuʹo nai Unisipurus abeʹ kaʹ lepoʹ Rum, akeʹ ne ia pesaba nai pita, pa ha petegoʹ ngan nceʹ.

PUYAN LUHA’ 11:8

Un patai re dua ʹo peterai kaʹ usun janan lepoʹ bioʹ ina. Kaʹ lepoʹ ina lete dulu lepa napek Tuhan nte neng kayu tecek are. Ilu alaʹ kata lepoʹ ina cen lepoʹ Sudum ngan lepoʹ Masir.