PEMUYAN 19:9 - Kenyah New Testament

⁹ Moʹ un palai diaʹ ban mahing kimet de, ngan abeʹ de ubaʹ ke ngelan, bang pejaʹat dau neng Janan Tuhan tuaʹ ne ida me dulu, ina ukoʹ Paulus mecin ida dina. Kun ne ngkin ida diaʹ bayaʹ katuk Tuhan dina ngan ne. Singket tau ne tai ie petiraʹ dalem amin sekula Tiranus.

PEMUYAN 19:9 Iomraidhean Croise

MATIUS 15:14

Ayen janga neng kelunan dina. Ida diaʹ ajak kelunan butaʹ dina, ida tengen pe butaʹ te. Buk ca usa iaʹ butaʹ ke ajak ca usa iaʹ butaʹ, atek de dua ke tai laboʹ lete kaʹ lubang alo.”

MATIUS 16:4

Kelunan diaʹ mudip ngajan ini un jaʹat kimet de, ngan puyan nte petaro Tuhan Allah. Seʹ kem ke cuk akeʹ uyan puyan nyingan? Naʹun. Bang ca le tedanaʹ nyingan iaʹ akeʹ ke naʹ mikem, iaʹ ina tedanaʹ nyingan pegawa Yunus.” Lepa ina sulo tai Yesus mecin ida.

MATIUS 26:55

Sulo Yesus pisiu kelunan kadoʹ dina, un dau ue: “Adeʹ kem ngkin bahing ngan petung nai dakep akeʹ tupe? Koʹ baʹan seʹ neng ca kelunan iaʹ nyakat perinta are? Singket singket tau heʹ un pekatuk kaʹ Umaʹ Palan Allah, abeʹ pe ikem dakep akeʹ dalau ina.

YAYA 12:40

“Allah lepa ngebutaʹ mata re, Ngan mekep kimet de, Apan nte abeʹ un senteng naʹat, Ngan kimet de pe abeʹ un tisen. Ngan laʹa dau Allah, abeʹ de ubaʹ mupa tahaʹ akeʹ Apan nceʹ ke paget ida.”

PEMUYAN 11:26

Dalau Barnabas petegoʹ ngan Saul, penco ho mengin ia kaʹ Antiukia. Pekina tai sukung ca uman majan ne ida dua pebulung ngan Mpun diaʹ ngelan Tuhan kina, mentung nte pekatuk dulu kina. Kaʹ Antiukia tading dulu naʹ ngadan Keristin me kelunan diaʹ bayaʹ katuk Tuhan.

PEMUYAN 14:4

Mung dulu diaʹ dalem lepoʹ ina pebese dua re. Un pe ceng bese mayo diaʹ tahaʹ lepoʹ Yahudi, un ceng bese pelaʹa mayo diaʹ lawa Injil dina.

PEMUYAN 17:4

Un palai cen ahang ida dina ubaʹ ke kanan dau ue, penco re pepanak ngan Paulus de dua Silas. Pekina pe kadoʹ kenai lepoʹ Gerika diaʹ temek lemameʹ Allah bayaʹ Katuk Adet Musa, ngan pekina pe kadoʹ leto diaʹ mencam peteneng dalem lepoʹ nai ngelan.

PEMUYAN 19:23

Dalau ina nuyan ca kasing bioʹ kaʹ lepoʹ Ipesus kuʹun Janan Tuhan.

PEMUYAN 19:30

Ubaʹ Paulus ketai pisiu ngan dulu kina, un sepuʹo diaʹ bayaʹ katuk Tuhan dina, ida mulen ne tai.

PEMUYAN 20:31

Ina ukoʹ jagaʹ ne. ngan petawai le ʹo: telu uman majan nceʹ ngan ncem, abeʹ keʹ beto pekatuk ikem singket usa hem, naʹ tau ngan ngahu, mentung ngan tange heʹ le tahaʹ palai.”

PEMUYAN 22:4

Akeʹ nyakit pe dulu diaʹ bayaʹ Janan Yesus ne pa palai matai. Ngan tai pe akeʹ dakep laki, pekina pe leto, penco meput ida kedalem amin sepin.

PEMUYAN 24:21

Bang ca tiraʹ ini le iaʹ akeʹ ngelengap dalau heʹ nekejeng kata ida dalau idai are, iaʹ pekini dau heʹ: ‘Ikem mekem salaʹ makeʹ tau ini moʹ keʹ ngelan ban kelunan matai ke numpak nai mudip.’ ”

PEMUYAN 28:22

Inu pia, ubaʹ meʹ ke ngeringa dau hoʹ, kumpin tekaʹ penisen ncoʹ. Bang tisen meʹ dau dulu kempi kempi badaʹ dau uban salaʹ puyan utun adet iaʹ ikoʹ kanan ini.”

PEMUYAN 7:51

Sulo dau Stipanus laʹa: “Ahaʹ sematu mahing penawai hem ngan mahing kimet cem, pekuaʹ dulu diaʹ are ngelan, ngan telinga hem dengen neng tiraʹ Allah. Koʹ baʹan tepun ncem are, pekina lete ikem pe. Lemuto hem nyekang Berua Buheʹ.

PEMUYAN 9:2

Saul ke ngkin surat ina kaʹ lepoʹ Damsik, me mpun sebayang Yahudi kina, idi buk ke taʹan aheʹ dulu diaʹ bayaʹ Janan Tuhan Yesus kina, inu pia laki ngan leto, ia ke dakep de ngan magang ida kaʹ Yerusalim.

RUM 11:7

Buk pekina, kumpin puyan ne laʹa tupe? Inu iaʹ lepoʹ Israil ina mita, abeʹ e nalan. Un nte diaʹ Allah ban lemileʹ ngan pelelum didai, kuʹun nte ketai ie nalan. Un diaʹ ca dina tai mahing kuʹo ke seʹ kimet de.

RUM 9:18

Moʹ ina seʹ Allah lesau neng aheʹ e ubaʹ ke lesau, ngan ia pemahing kimet neng aheʹ iaʹ ia ubaʹ.

1 KURINTUS 16:9

Moʹ lepa pesik makeʹ ca janan ke menco gayeng Tuhan, seleket ca pamen iaʹ bioʹ ngan nawa, naʹ pe un kadoʹ diaʹ nyakat kidi.

1 TIMUTIUS 6:5

Kelunan dina pekutat pesakat, moʹ abeʹ un semantet kimet de ne, moʹ abeʹ de un katuk iaʹ telit laʹa. Seʹ de kuma ha adet sebayang ne ca janan man mita ligit.

2 TIMUTIUS 1:15

Tisen ne pe ikoʹ neng puyan mung nte dalem tanaʹ Asia, lepa ne tai re kelap akeʹ. Neng ahang ida diaʹ tai kelap dina Pigelus ngan Hemuginis.

2 TIMUTIUS 3:5

Ida ngelayen usa re koʹ seʹ diaʹ mudip temek bayaʹ Allah, un sepuʹo penyukat ke mudip temek ina, lepa ne ida nyekang nge. Ngerada ne usa hoʹ neng diaʹ pekina.

2 TIMUTIUS 4:2

Pedenga ne tiraʹ Tuhan, ngan lemuto tenup tekaʹ koʹ ke penco tiraʹ ina, mele dalau kumpin kumpin pe. Tiga hoʹ peluhaʹ pemuyan dulu, ngan negun dau neng diaʹ salaʹ. Petangen ida, ngan pekatuk ida man toʹ pengedenaʹ tawai hoʹ.

IBERANI 3:13

Un sepuʹo tekep ikem pepo pekatuk ikem selepeʹ singket singket tau ne, mele kudaʹ majan isiu Kitap iaʹ pisiu “tau ini” ke sihoʹ ilu, malap puyan penyalaʹ ke panyi ikem ngan pemahing kimet cem.

2 PETERUS 2:12

Un sepuʹo kelunan dina abeʹ de un kimet. Seʹ de mudip koʹ baʹan saheʹ pun diaʹ lajam, diaʹ dulu pabat ngan lematai. Ngan tulaʹ dau re neng inu iaʹ ida petem abeʹ un tisen. Ke tasaʹ de ʹo kuʹun pemuyan nte iaʹ koʹ baʹan penyaheʹ pun are.

2 PETERUS 2:2

Naʹ pe pekina, kadoʹ dulu ke bayaʹ diseʹ puyan nte selabu ngan pemung nyelem. Kuʹun puyan nte dulu ke pejaʹat dau neng Janan Udip iaʹ lan.

YAHUDA 1:10

Ca naʹan pe kelunan dini. Ida pejaʹat dau neng puyan iaʹ ida abeʹ un tisen. Koʹ baʹan pun iaʹ abeʹ un mencam pekimet, ida un penisen cen seʹ baloʹ de, penco re ngejaʹat pengudip de man puyan ina lete.