PEMUYAN 19:22 - Kenyah New Testament

²² Ina ukoʹ o cuk dua usa diaʹ uban pegayeng ngan ne tai nekena kaʹ tanaʹ Makedunia, dua dina ne Timutius ngan Irastus. Dalau ina, ngelineʹ ne Paulus kaʹ dale. Asia majan kediʹut de.

PEMUYAN 19:22 Iomraidhean Croise

PEMUYAN 13:5

Dalau re abeʹ kaʹ lepoʹ Salamis, kun nte badaʹ tiraʹ Allah dalem amin sebayang Yahudi. Un Yaya Markus, ia mepo ida dua.

PEMUYAN 16:1

Tai Paulus de dua masat pabeʹ kaʹ lepoʹ Derbe, uʹo ina kaʹ lepoʹ Listera. Kaʹ ina te un ca laki iaʹ bayaʹ katuk Tuhan, ngadan ne Timutius, anak ca leto Yahudi iaʹ ngelan Tuhan. Un amai Timutius ca lepoʹ Gerika.

PEMUYAN 16:3

Paulus ubaʹ ke ngkin Timutius masat tugung ia, ina ukoʹ o nyunat ia. Paulus uyan puyan pekina, moʹ un lepoʹ Yahudi iaʹ mudip kaʹ dale ina tisen nte amai Timutius ca lepoʹ Gerika.

PEMUYAN 18:5

Tegoʹ kenai Silas ngan Timutius abeʹ cen tanaʹ Makedunia, un Paulus abeʹ un kelineʹ kelineʹ e penco tiraʹ Tuhan, mentung tugen dau ue badaʹ me lepoʹ Yahudi ban Yesus ina lete iaʹ atek ngkang pungu udip ne.

PEMUYAN 19:10

Pekina puyan Paulus dalem dua uman majan ne, pa mung dulu neng tanaʹ Asia kenahan tiraʹ Tuhan, inu pia Yahudi, ngan pekina pe Gerika, mung nte kenahan dau ue.

PEMUYAN 19:21

Lepa ne puyan ina uʹo, un tekaʹ kimet Paulus ubaʹ ke tai masat pa tipo tanaʹ Makedunia ngan tanaʹ Gerika. Uʹo ina ha ngimet ketai kaʹ Yerusalim. Kun dau ue: “Buk keʹ tai abeʹ kaʹ ina ʹo, atek keʹ ketai naʹat tanaʹ Rum lete.”

PEMUYAN 19:29

Tai jaʹat ne ngan kasing dau dalem lepoʹ ina. Sulo re peseket tai pempun kaʹ lasan lepoʹ, mentung nte dakep Gayus, ngan Aristakus lepoʹ Makedunia, diaʹ ban pejahi ngan Paulus masat cen kena.

PEMUYAN 20:1

Uʹo bikaʹ ina pekenaʹ, kun Paulus mengin diaʹ bayaʹ katuk Tuhan dina nai pempun. Sulo ho pekatuk ngan petangen dau mida. Uʹo ina ha badaʹ nyaheʹ mida kena ha ke puke tai kaʹ tanaʹ Makedunia.

PEMUYAN 20:34

Moʹ ikem tengen lepa tisen ban man ujoʹ keʹ ini lete akeʹ pegayeng ngan alaʹ inu inu iaʹ tepa neng akeʹ ngan diaʹ tuyang ngkeʹ.

RUM 16:23

Un Gayus, ia badaʹ tiga saheʹ e mikem. Ngan te meʹ neng amin. Kidi pe diaʹ ngelan Tuhan Pempun. Un Irastus iaʹ ngkang ligit lepoʹ, ia ca badaʹ tiga saheʹ e mikem, pekina pe cen Kuatus, cenganak le. [

2 KURINTUS 1:16

Dalau idai are, un kimet ceʹ ubaʹ ke menoʹ ikem dalau ketai heʹ kaʹ tanaʹ Makedunia are, ngan pekina pe dalau heʹ nai ngeliwet laʹa. Uʹo ina senteng ngkem pepo ngan nceʹ ke mejo asat ceʹ kaʹ tanaʹ Yudia.

2 KURINTUS 11:9

Ngajan nceʹ ngelineʹ ngan ncem are, buk keʹ tepet neng ligit, abeʹ keʹ ngesiat ikem. Moʹ diaʹ cenganak le cen Makedunia diaʹ ngkin inu iaʹ akeʹ tekep ke un. Kuaʹ baʹan puyan nceʹ dalau idai are, pekina lete puyan nceʹ bayaʹ laʹa. Nyahut ceʹ ke ngebahat mpin ncem ne.

2 KURINTUS 2:13

Un sepuʹo abeʹ keʹ petegoʹ ngan cenganak le Titus, ina ukoʹ janga laleʹ tekaʹ kimet ceʹ. Sulo heʹ nyat lesau ngan kelunan dina are, sulo mecin ida, ngan penco metuk asat ceʹ tai kaʹ tanaʹ Makedunia.

2 KURINTUS 8:1

Ahaʹ cenganak cenganak, ameʹ ubaʹ ikem tisen neng puyan iaʹ nuyan kuʹun pengelesau Allah iaʹ ia lebang naʹ milu dalem singket Mpun diaʹ ngelan Tuhan kaʹ tanaʹ Makedunia.

2 KURINTUS 8:19

Pit pelaʹa diaʹ Mpun lemileʹ ia ngan cuk ia masat serengan ameʹ telu diaʹ mejo gayeng pengelesau ini tuman serema peniga Tuhan, mentung badaʹ seʹ meʹ ubaʹ pepo ngan ncem.

1 TESALUNIKA 1:8

Moʹ denga katuk neng puyan Tuhan lepa pasi ne kuʹun ncem. Tai ie pigai pabeʹ tanaʹ Makedunia ngan kaʹ tanaʹ Gerika te. Abeʹ e pa ina tuaʹ le, un sepuʹo denga puyan pengelan ncem palaʹ Allah lepa tai tipo kempi kempi. Abeʹ titin meʹ ke badaʹ inu inu laʹa.

2 TIMUTIUS 4:20

Un Irastus lepa ngelineʹ kaʹ Kurintus. Ngan Terupimus, ina heʹ mahung ia kaʹ lepoʹ Militus, moʹ o sakit.