PEMUYAN 19:21 - Kenyah New Testament

²¹ Lepa ne puyan ina uʹo, un tekaʹ kimet Paulus ubaʹ ke tai masat pa tipo tanaʹ Makedunia ngan tanaʹ Gerika. Uʹo ina ha ngimet ketai kaʹ Yerusalim. Kun dau ue: “Buk keʹ tai abeʹ kaʹ ina ʹo, atek keʹ ketai naʹat tanaʹ Rum lete.”

PEMUYAN 19:21 Iomraidhean Croise

PEMUYAN 16:12

Cen ina ketai meʹ metik sungai kaʹ lepoʹ Pilipi. Ina ca lepoʹ iaʹ paren kaʹ tanaʹ Makedunia te. Lepoʹ ina kukoʹ lepoʹ Rum diaʹ ban nai bulak. Neng lepoʹ ini un pe kudaʹ kudaʹ tau pe majan meʹ ngelineʹ kidi.

PEMUYAN 18:12

Dalau Galio tai gebenur ngkang perinta kaʹ tanaʹ Gerika, nai kun lepoʹ Yahudi diaʹ kuaʹ ayo ban peseket ubaʹ ke nyakit Paulus. Penco re dakep ia, ngkin ia kukoʹ diaʹ lataʹ pebetep tiraʹ.

PEMUYAN 18:21

bang nyat lesau le ia, kun dau ue: “Buk un pengubaʹ Allah, nai te akeʹ ngeliwet palaʹ ikem laʹa ʹo.” Penco tai ie bayaʹ kapen, mecin Ipesus.

PEMUYAN 19:22

Ina ukoʹ o cuk dua usa diaʹ uban pegayeng ngan ne tai nekena kaʹ tanaʹ Makedunia, dua dina ne Timutius ngan Irastus. Dalau ina, ngelineʹ ne Paulus kaʹ dale. Asia majan kediʹut de.

PEMUYAN 19:29

Tai jaʹat ne ngan kasing dau dalem lepoʹ ina. Sulo re peseket tai pempun kaʹ lasan lepoʹ, mentung nte dakep Gayus, ngan Aristakus lepoʹ Makedunia, diaʹ ban pejahi ngan Paulus masat cen kena.

PEMUYAN 20:16

Betep dau kimet Paulus ubaʹ ameʹ ke tai penco pelapa Ipesus, malap ke majan kaʹ tanaʹ Asia ne. Ina ukoʹ o busek dau ue, apan ne senteng abeʹ kaʹ Yerusalim tegoʹ tau bioʹ adet Pentakusta ina.

PEMUYAN 20:22

Naʹkini un Berua Buheʹ seʹ ke mihit akeʹ ketai kaʹ Yerusalim. Abeʹ keʹ tisen inu iaʹ ke nuyan neng akeʹ kina.

PEMUYAN 21:17

Tagoʹ meʹ abeʹ kaʹ Yerusalim, mung diaʹ cenganak dalem Tuhan dina alaʹ ameʹ ngan bangen tawai re.

PEMUYAN 21:4

Kina meʹ petegoʹ ngan diaʹ ngelan Tuhan, ngan ngelineʹ meʹ ngan nte kina pa dalem tujoʹ tau. Un palai mida diaʹ pisiu kuʹun Berua Buheʹ, ida iaʹ badaʹ me Paulus mulen ia ketai kaʹ Yerusalim.

PEMUYAN 23:11

Neng alem iaʹ uʹo ina, nai kun Tuhan nekejeng dudo Paulus, kun dau ue: “Bawaʹ ne ading Paulus, moʹ lepa ne ikoʹ badaʹ ban ncoʹ tugen neng akeʹ kaʹ lepoʹ Yerusalim, pekina pelaʹa atek koʹ ke tai lete badaʹ ban ncoʹ tugen neng akeʹ kaʹ lepoʹ Rum laʹa ʹo.”

PEMUYAN 27:1

Uʹo re pebetep dau ke cuk ameʹ ketai tugung kapen kaʹ tanaʹ Italia, kun nte naʹ Paulus me Yulius, ca tuʹa sedadu Rum cen mpun sedadu Kaisar. Un pe palai dulu diaʹ ban sepin pemung ngan ne.

PEMUYAN 27:24

‘Ayen ncoʹ takut Paulus. Atek koʹ ketai nekejeng lete nyeripa Kaisar ʹo. Ban kuʹun ncoʹ, kenai peniga Allah iaʹ ke pudip mung nte diaʹ serengan ngan ncoʹ.’

PEMUYAN 28:16

Uʹo meʹ abeʹ kaʹ lepoʹ Rum, kun nte mahung Paulus, pemung ngan ca usa sedadu iaʹ jagaʹ ia, ngelineʹ neng ca amin tengen le.

RUM 1:11

Moʹ keʹ bampa tekaʹ ubaʹ ke taʹan ikem, apan nceʹ senteng naʹ pengencai udip berua mikem, idi hem tai salet.

RUM 1:13

Awaʹ pe ikem tisen cenganak keʹ, tajen ne akeʹ petenup ngan pekimet kenai menoʹ ikem. Pekutat un le diaʹ nyapet akeʹ. Moʹ un tekaʹ kimet ceʹ ubaʹ ke payo dulu ke ngelan Tuhan cen lepoʹ kem, koʹ baʹan lepoʹ diaʹ ca are.

RUM 1:15

Ina ukoʹ keʹ jaya dau kenai pedenga Denga Tiga mikem kaʹ lepoʹ Rum ne.

1 KURINTUS 16:5

Un sepuʹo ke kenai te akeʹ palaʹ ikem buk keʹ ketai pelapa tanaʹ Makedunia, moʹ keʹ ketai pelapa tanaʹ Makedunia naʹkini ʹo.

1 KURINTUS 4:19

Buk ke pengubaʹ Tuhan, kenai lete akeʹ palaʹ ikem laho. Dalau ina heʹ ke ngetisen puyan penyukat kelunan diaʹ mpau penawai dina, abeʹ e bang isiu paʹ de tuaʹ le.

2 KURINTUS 10:16

Tuman ina, ameʹ senteng pedenga Denga Injil dalem tanaʹ iaʹ ca iaʹ coʹ cen ikem. Abeʹ titin meʹ selum kuʹun gayeng ca naʹan kelunan uyan dalem tulat te.

GALATIA 2:1

Puloʹ pat uman ʹo ina, tai heʹ ngan Barnabas ngeliwet kaʹ Yerusalim. Pekina pe Titus un pemung ngan meʹ.

1 TESALUNIKA 1:7

Ngan pekina pe ikem nuyan ca kata palaʹ mung kelunan diaʹ ngelan Tuhan kaʹ tanaʹ Makedunia ngan kaʹ tanaʹ Gerika pe.