PEMUYAN 19:19 - Kenyah New Testament

¹⁹ Ban un pe kadoʹ dulu diaʹ mampin taban pucau cen kena, nai re pempun mung surat te, penco re nutung nge kata mpun dulu. Kun dulu pecap ban beli ie lema puloʹ ibu ligit pirak.

PEMUYAN 19:19 Iomraidhean Croise

LUKAS 14:33

Kun Yesus pedaʹam dau kina: “Pekina pe ikem. Naʹ pia iaʹ mpi pe neng ahang ikem, abeʹ e sukat kenai bayaʹ katuk keʹ, buk ke are pekimet tiga ading, ngan lepo ketoʹ inu iaʹ un neng ia.”

LUKAS 15:8

Ca laʹa: “Buk ca usa leto iaʹ un ligit pirak ca puloʹ liʹap, kedurat ca liʹap. Kumpin puyan ne? Atek ia ke jiget titiu, penco ho mepa amin nte, ngan tudep nitiu pa ha alaʹ a.

PEMUYAN 13:6

Dalau ketai re nipo tanaʹ ina, abeʹ ne ida kaʹ lepoʹ Papus. Kun nte petegoʹ ngan ca laki iaʹ mencam pucau, ina ca usa pegawa palo, lepoʹ Yahudi. Un ngadan Yahudi ie Bar-yesus.

PEMUYAN 13:8

Un laki iaʹ mencam pucau ina, Bar-yesus ne, (Ilimas ngadan ne neng isiu Gerika,) ia nyakat Barnabas ngan Saul, moʹ o ubaʹ ke nyalaʹ laki bioʹ gebenur ne tai coʹ neng pengelan ne neng Tuhan.

PEMUYAN 19:18

Kadoʹ de diaʹ ngelan Tuhan dina nai kaʹ mpun dulu, badaʹ ngan peluhaʹ ban pemuyan nte cen kena.

IBERANI 10:34

Ikem kuaʹ tuyen ngan kelunan diaʹ sihoʹ sepin. Tegoʹ dulu magang mung inu hem, bangen seʹ kem neng puyan pengebura hem are. Moʹ ikem tisen petem un ca puyan iaʹ pelapa tiga, iaʹ ke un pa majan.