PEMUYAN 19:17 - Kenyah New Testament

¹⁷ Tai pasi ne denga ina neng ahang mung lepoʹ Yahudi ngan lepoʹ Gerika diaʹ mudip kaʹ lepoʹ Ipesus. Tai takut ne tekaʹ de mung. Tai un pit kuʹo ke dulu diaʹ pempau ngadan Tuhan Yesus.

PEMUYAN 19:17 Iomraidhean Croise

LUKAS 1:65

Tai takut ne lepoʹ ina. Ngan puyan ina tai denga nipo lepoʹ ngalang dale mudung tanaʹ Yudia ne.

LUKAS 7:16

Salam ngan takut ne ketoʹ de mung, penco re pempau Allah, un dau re: “Ini ca pegawa iaʹ atek bioʹ nai luhaʹ kahang ilu.” Ngan: “Seʹ kenai Allah keniga udip ilu diaʹ anun ne.”

PEMUYAN 13:12

Kun laki bioʹ gebenur ina taʹan diseʹ puyan ina, ngelan ne gebenur neng Yesus, mentung nge salam laleʹ tekaʹ a neng katuk Tuhan ne.

PEMUYAN 18:19

Abeʹ ne ida telu kaʹ lepoʹ Ipesus, tai Paulus petat ngan nte dua kina. Bang Paulus tengen le iaʹ tai penco kedalem amin sebayang Yahudi. Kina ha pata petiraʹ ngan lepoʹ Yahudi.

PEMUYAN 18:21

bang nyat lesau le ia, kun dau ue: “Buk un pengubaʹ Allah, nai te akeʹ ngeliwet palaʹ ikem laʹa ʹo.” Penco tai ie bayaʹ kapen, mecin Ipesus.

PEMUYAN 19:1

Jinan Apulus un kaʹ lepoʹ Kurintus, tai kun Paulus masat pa tipo tanaʹ apau, ngan nai ie abeʹ kaʹ Ipesus. Kina ha taʹan palai diaʹ bayaʹ katuk Tuhan.

PEMUYAN 19:16

Penco laki iaʹ ban bali nelasek idai nyudup anak Sekiwa ne, mentung lemenaʹ ida ngan ngenyarem nyakit ida pa ketai re kelap cen amin ina, ugai ngan muʹo suhat ne ida.

PEMUYAN 19:18

Kadoʹ de diaʹ ngelan Tuhan dina nai kaʹ mpun dulu, badaʹ ngan peluhaʹ ban pemuyan nte cen kena.

PEMUYAN 2:43

Kadoʹ puyan nyingan ngan tedanaʹ bulen diaʹ ban nuyan kuʹun lawa Injil dina, ina iaʹ uyan dulu kina mung tai salam tekaʹ.

PEMUYAN 5:11

Mung Mpun diaʹ ngelan Tuhan dina takut laleʹ ne tekaʹ de, pekina pe mung dulu diaʹ kenahan denga puyan ina.

PEMUYAN 5:13

Dulu diaʹ ca, abeʹ de makang pekelet ngan nte kina, naʹ pe dulu pada ida.

PEMUYAN 5:5

Dalau Ananias kenahan dau tiraʹ ina, belekaʹ tai ie pengkup, penco berua ha pesau cen ia. Bioʹ laleʹ le takut neng dulu mung diaʹ kenahan dau puyan ina.

PILIPI 1:20

Kaʹ pengubaʹ ngan tebelum kimet ceʹ, peletoʹ keʹ abeʹ un ke uyan inu iaʹ ke pesaʹe akeʹ. Moʹ tangen tekaʹ keʹ ke penco tiraʹ Tuhan, mele pe midan midan, naʹ pe dalem ngkeʹ sepin naʹkini, ina tempa kimet ceʹ lete. Matai, mudip keʹ, bang Keristus iaʹ akeʹ pempau ngan pebioʹ dalem udip usa heʹ.

2 TESALUNIKA 1:12

Man janan ini ne peniga ngadan Tuhan le Yesus ina kenai nyerema cen ikem, ngan peniga hem kenai nyerema cen ia lete. Mung puyan ina iaʹ nuyan kuʹun pengelesau Allah le iaʹ ia lebang naʹ milu, ngan kuʹun Tuhan Yesus Keristus.

2 TESALUNIKA 3:1

Iaʹ kebayaʹ dau heʹ cenganak cenganak, tiga hem lemameʹ mameʹ apan puyan denga Tuhan le senteng tai libut ngan sangkit, ngan apan ne luhaʹ serema peniga ha, koʹ baʹan iaʹ lepa nuyan neng ahang ikem cen naʹaʹ are.