PEMUYAN 19:16 - Kenyah New Testament

¹⁶ Penco laki iaʹ ban bali nelasek idai nyudup anak Sekiwa ne, mentung lemenaʹ ida ngan ngenyarem nyakit ida pa ketai re kelap cen amin ina, ugai ngan muʹo suhat ne ida.

PEMUYAN 19:16 Iomraidhean Croise

MARKUS 5:15

Nai re abeʹ palaʹ Yesus, kun nte taʹan seʹ laki iaʹ bali nelasek idai. Kun nte taʹan ia denaʹ seʹ e madung ne. Ngan ia un ne pe gelam, ngan tiga ne kimet te. Muʹo tai bisau ne seʹ de dina mung.

LUKAS 8:29

Ia pekina dau ue moʹ Yesus lepa cuk bali ina tai kawang cen usa ha. Moʹ lemuto laleʹ le bali ina paleʹ neng ia. Naʹ pe dulu meput ia dalem tepap peging beka taket ngan ujoʹ o man ampit, ketoʹ ampit dina muʹo beto. Sulo bali ina pekarap ia tai kaʹ tanaʹ pulung.

LUKAS 8:35

Nai kun dulu naʹat seʹ ban puyan ina. Kenai re kata Yesus, penco re taʹan laki iaʹ ban ukoʹ kenai bali dina kelap. Seʹ e madung kata taket Yesus ngan ban un gelam ne ia, ngan tiga ne ban kimet te. Takut ne tekaʹ de mung.

PEMUYAN 19:15

Un sepuʹo un dau bali neng ida: “Tisen nceʹ Yesus ina, pekina pe Paulus. Ikem dini, aheʹ kem tupe?”

PEMUYAN 19:17

Tai pasi ne denga ina neng ahang mung lepoʹ Yahudi ngan lepoʹ Gerika diaʹ mudip kaʹ lepoʹ Ipesus. Tai takut ne tekaʹ de mung. Tai un pit kuʹo ke dulu diaʹ pempau ngadan Tuhan Yesus.

PEMUYAN 3:8

Sulo ho nepecau ngan tai masat. Uʹo ina, tai ie kedalem Umaʹ Palan Allah pemung ngan nte dua, tai masat ngan nepecau pe ia, mentung nge pempau Allah.

2 PETERUS 2:19

Kun nte petuket ke naʹ udip pejo mida, petem pe ida tengen iaʹ ulaʹ neng puyan baloʹ iaʹ jaʹat, iaʹ nasaʹ udip de. Moʹ inu inu iaʹ pesupeʹ ilu, seʹ le ulaʹ a.