PEMUYAN 19:1 - Kenyah New Testament

¹ Jinan Apulus un kaʹ lepoʹ Kurintus, tai kun Paulus masat pa tipo tanaʹ apau, ngan nai ie abeʹ kaʹ Ipesus. Kina ha taʹan palai diaʹ bayaʹ katuk Tuhan.

PEMUYAN 19:1 Iomraidhean Croise

PEMUYAN 18:1

Uʹo ina puke kun Paulus cen lepoʹ Atina, penco tai ie abeʹ kaʹ lepoʹ Kurintus.

PEMUYAN 18:8

Un Kerispus de panak, nai re ngelan Tuhan. Kerispus iaʹ tuʹa bioʹ mpun sebayang Yahudi dina. Ngan kadoʹ kenai diaʹ lepoʹ Kurintus ngeringa dau katuk Paulus, sulo nai re ngelan Tuhan ngan tai sihoʹ ngebatis.

PEMUYAN 19:17

Tai pasi ne denga ina neng ahang mung lepoʹ Yahudi ngan lepoʹ Gerika diaʹ mudip kaʹ lepoʹ Ipesus. Tai takut ne tekaʹ de mung. Tai un pit kuʹo ke dulu diaʹ pempau ngadan Tuhan Yesus.

PEMUYAN 19:26

Un te ikem taʹan ngan kenahan neng puyan Paulus ini, kadoʹ dulu tai seluk ngan payo ngan ne. Abeʹ e bang kaʹ Ipesus tuaʹ le. Pa tipo tanaʹ Asia pe tai katuk Paulus ne. Un baʹan dau Paulus: ‘Uyat iaʹ ban kelunan uyan ke sereket Tuhan Allah, abeʹ e ina iaʹ ban Tuhan Allah.’

PEMUYAN 20:16

Betep dau kimet Paulus ubaʹ ameʹ ke tai penco pelapa Ipesus, malap ke majan kaʹ tanaʹ Asia ne. Ina ukoʹ o busek dau ue, apan ne senteng abeʹ kaʹ Yerusalim tegoʹ tau bioʹ adet Pentakusta ina.

PEMUYAN 20:18

Uʹo kenai re dina palaʹ ia, kun ne pisiu mida: “Tisen ne ikem kumpin diseʹ puyan nceʹ ban pejahi ngan ncem lemuto, cen tading tau kenai heʹ cut tanaʹ Asia ini are.

PEMUYAN 21:29

(Ina ukoʹ de pekina dau, moʹ un nte taʹan Terupimus lepoʹ Ipesus ban pejahi ngan Paulus are kedalem lepoʹ ina. Tekaʹ kimet de un Paulus ban ngkin Terupimus kedalem Umaʹ Palan Allah ina.)

1 KURINTUS 1:12

Pekini kimet ceʹ ngetisen dau ina, singket usa hem un selepeʹ dau isiu hem. Un dau ca: “Akeʹ ini anun Paulus.” Un dau ca pelaʹa: “Akeʹ ini anun Apulus.” Un dau ca pelaʹa: “Akeʹ ini anun Peterus,” ngan un dau ca pelaʹa: “Akeʹ ini anun Keristus.”

1 KURINTUS 15:32

Akeʹ pekata dau, kenuen pe akeʹ payoʹ ngan “pun diaʹ minget” kaʹ Ipesus ini, koʹ baʹan kelayen kelunan, inu bang nge makeʹ tupe? Un sepuʹo buk kelunan matai abeʹ un ke numpak mudip laʹa, talan pe alaʹ dau dulu iaʹ kuma: “Baka, uman ngan nisep, moʹ nempam ke matai ne ilu ʹo.”

1 KURINTUS 16:12

Dau heʹ neng cenganak le Apulus, kudaʹ liwai pe akeʹ petangen ia tai menoʹ ikem, tai serengan cenganak diaʹ ca dina. Abeʹ e un tekaʹ a tekep kenai naʹkini, un sepuʹo kenai te ia tegoʹ un ca awang iaʹ tiga.

1 KURINTUS 16:8

Un sepuʹo ke ngelineʹ keʹ kaʹ lepoʹ Ipesus pa abeʹ neng Tau Pentakusta te.

1 KURINTUS 4:6

Tuman ikem, cenganak cenganak keʹ, ina ukoʹ keʹ ke pesihoʹ puyan dina neng ameʹ dua Apulus. Akeʹ alaʹ kata neng ameʹ dua, apan ncem senteng ke pekalai neng sen isiu iaʹ kuma ha: “Ayen tai duncau neng jo Kitap,” apan ncem are selepeʹ neng kelunan, ngan balang dau neng diaʹ ca, mentung ngkem muau dau neng diaʹ ca.

IPESUS 1:1

Cen Paulus, lawa Keristus Yesus kuʹun pengubaʹ kimet Allah: Palaʹ mung ikem diaʹ anun Allah kaʹ lepoʹ Ipesus, diaʹ tudep bayaʹ Keristus Yesus.