PEMUYAN 18:8 - Kenyah New Testament

⁸ Un Kerispus de panak, nai re ngelan Tuhan. Kerispus iaʹ tuʹa bioʹ mpun sebayang Yahudi dina. Ngan kadoʹ kenai diaʹ lepoʹ Kurintus ngeringa dau katuk Paulus, sulo nai re ngelan Tuhan ngan tai sihoʹ ngebatis.

PEMUYAN 18:8 Iomraidhean Croise

MATIUS 28:19

Tuman ina, tai ne ikem palaʹ mung puhoʹ kelunan, mele kempi kempi kusun tanaʹ ini, ngan uyan ida kelunan diaʹ bayaʹ katuk keʹ. Ngan ngebatis ida man ngadan Amai Bioʹ, ngan Anak, ngan Berua Buheʹ.

MARKUS 5:22

Nai Yairus, ca laki iaʹ tuʹa bioʹ kaʹ amin sebayang Yahudi kaʹ lepoʹ ina. Nai ie taʹan Yesus, penco ho muʹup kaʹ tanaʹ dudo taket te.

MARKUS 5:35

Dalau Yesus pisiu pekina, idi kenai kudaʹ usa lawa amin Yairus. Un dau re neng Yairus: “Amai, matai ne anak koʹ are. Inu baʹin ncoʹ pebubo guru ini laʹa?”

PEMUYAN 10:2

Ia ca laki iaʹ temek dalem Katuk Adet Musa, iaʹ tunuk neng Allah, peging ngan mung nte panak dalem amin nte. Lemuto ho lesau lepoʹ Yahudi diaʹ taru murip, ngan lemuto ho lemameʹ palaʹ Allah.

PEMUYAN 11:14

Ia ke badaʹ tiraʹ mikem iaʹ ke pudip ikem dalem Tuhan ʹo, peging ngan mung diaʹ neng pengamin ncem.’ Pekina dau melikat me Kurnilius ne.”

PEMUYAN 13:15

Uʹo lepa dulu baca Kitap Katuk Adet Musa ngan Kitap Pegawa Tuhan, kun diaʹ tuʹa neng amin sebayang Yahudi ina cuk ca usa tai kata ida dua, kedau re: “Amai, buk un ca katuk ikem dua ke petangen dau neng lepoʹ ini, badaʹ ne mameʹ.”

PEMUYAN 16:34

Kun ne ngkin Paulus de dua Silas pejakaʹ kaʹ amin nte, penco ho naʹ penguman mida dua. Bangen seʹ de panak mung dalem amin nte, moʹ de ngelan Tuhan Allah.

PEMUYAN 18:1

Uʹo ina puke kun Paulus cen lepoʹ Atina, penco tai ie abeʹ kaʹ lepoʹ Kurintus.

PEMUYAN 18:17

Sulo dulu diaʹ kadoʹ kina dakep Sustenis, tuʹa bioʹ mpun sebayang Yahudi dina, penco re lemeta ia kata diaʹ lataʹ pebetep tiraʹ dina. Abeʹ Galio pesingo ca bute neng puyan ina.

PEMUYAN 19:1

Jinan Apulus un kaʹ lepoʹ Kurintus, tai kun Paulus masat pa tipo tanaʹ apau, ngan nai ie abeʹ kaʹ Ipesus. Kina ha taʹan palai diaʹ bayaʹ katuk Tuhan.

PEMUYAN 8:12

Dalau re kenahan dau kenai Pilipus iaʹ badaʹ Denga Injil neng puyan pengaren Allah ngaren kelunan, ngan neng puyan ngadan Yesus Keristus ina, mung nte ngelan, peging ngan laki ngan leto. Sulo toʹ de sihoʹ ngebatis.

1 KURINTUS 1:2

Palaʹ Mpun iaʹ anun Allah, iaʹ un kaʹ lepoʹ Kurintus. Iaʹ ina palaʹ mung kelunan diaʹ lepa sihoʹ pengin ke tai nuyan kelunan buheʹ iaʹ Allah ke un. Allah iaʹ un ida moʹ kuʹun puyan nte pebeka tawai dalem Keristus Yesus. Ida iaʹ pebulung ngan kelunan diaʹ lemameʹ man ngadan Tuhan le Yesus Keristus ngalang kempi kempi kukoʹ de. Tuhan nte, ia lete Tuhan ne.

2 KURINTUS 1:1

Cen Paulus iaʹ nuyan lawa Keristus Yesus kuʹun pengubaʹ kimet Allah, ngan pekina pe cen cenganak le Timutius — Palaʹ Mpun diaʹ ngelan Allah kaʹ lepoʹ Kurintus, ngan palaʹ mung diaʹ anun Allah kempi kempi kaʹ tanaʹ Gerika.

2 KURINTUS 1:23

Akeʹ nyat Allah ke nugen isiu heʹ lan, moʹ ia iaʹ tisen kimet ceʹ. Kimet ceʹ abeʹ un ubaʹ tai kaʹ lepoʹ Kurintus dalau idai are, moʹ tekaʹ keʹ malap dau heʹ ke nyakit ikem.

2 KURINTUS 6:11

Ahaʹ cenganak cenganak meʹ kaʹ lepoʹ Kurintus, ameʹ lepa pisiu mikem ngan sebelang-belang dau, moʹ bioʹ lan lan tekaʹ kimet meʹ neng ikem.

2 TIMUTIUS 4:20

Un Irastus lepa ngelineʹ kaʹ Kurintus. Ngan Terupimus, ina heʹ mahung ia kaʹ lepoʹ Militus, moʹ o sakit.