PEMUYAN 18:6 - Kenyah New Testament

⁶ Kun lepoʹ Yahudi miʹa ngan pejaʹat dau neng Paulus. Kun Paulus nepap abu sapai ie, mentung dau ue neng ida: “Buk kem lingu ngan ke durat berua hem nuʹo, tiwet neng ikem tengen pesuʹun kidi. Abeʹ penyalaʹ ini kesihoʹ ake. Naʹkini ketai heʹ pala lepoʹ tahaʹ awang Yahudi ne ini.”

PEMUYAN 18:6 Iomraidhean Croise

MATIUS 10:14

Buk un ca amin, buk are ca lepoʹ pe, iaʹ abeʹ un selama diseʹ de ke alaʹ ngan pejakaʹ ikem, ngan abeʹ un ubaʹ ke ngeringa dau isiu hem, tiga hem mecin lepoʹ ina ngan nekaʹ abu cen taket cem, idi re ke tisen seʹ ban nte abeʹ un dapit neng ikem.

MATIUS 21:41

Un dau re mipa ia: “Atek ke ke lematai lete kelunan jaʹat dina, ngan naʹ banit ina kena me dulu diaʹ ca laʹa, diaʹ ubaʹ ke naʹ tulat uleʹ tanaʹ ina me ia tegoʹ tai sihoʹ un buʹan ne.”

MATIUS 21:43

Un dau Yesus laʹa: “Ini ne dau heʹ mikem, puyan pengaren Allah ke ngaren ilu kelunan ke pesau cen ikem, sulo ho naʹ a me kelunan diaʹ ke ngebuʹan buʹan iaʹ tekep seʹ. [

MATIUS 22:10

Sulo ulaʹ dina are tai kaʹ janan bioʹ ngan kelimpun mung kelunan diaʹ ida tegoʹ, mele diaʹ jaʹat, mele diaʹ tiga pe. Sangan ne amin pemung uman ina are kuʹun kelunan.

MATIUS 27:25

Un dau kelunan kadoʹ dina mung mipa ia: “Talan ne ukum ban tuman patai ie laboʹ neng usun ameʹ, ngan neng diaʹ anak meʹ.”

MATIUS 8:11

Petawai le ini, kadoʹ dulu kenai cen sek tau ngan cen tau maya, ngan ke kahum neng puyan pengaren Allah ke ngaren ilu kelunan, pemung madung ngan Ibrahim, Isak, ngan Yakup ʹo.

LUKAS 22:65

Ngan kadoʹ naʹan tiraʹ de iaʹ pejaʹat dau neng ia.

LUKAS 9:5

Buk kempi dulu diaʹ abeʹ un alaʹ dau hem. Mecin ne lepoʹ ina, ngan nekaʹ abu cen taket cem, idi re ke tisen seʹ ban nte abeʹ un dapit neng ikem.”

PEMUYAN 13:51

Kun nte dua lawa Injil dina nekaʹ abu taket de, uyan ca tedanaʹ neng lepoʹ ina, penco tai re kaʹ lepo Ikunium.

PEMUYAN 26:11

Kudaʹ liwai ne akeʹ nyakit ida kedalem singket amin sebayang Yahudi. Naten kun nceʹ cuk ida pejaʹat pengelan nte neng Keristus. Akeʹ iaʹ pasak buseʹ neng ida, ina ukoʹ o pa abeʹ lepoʹ diaʹ ca te ketai heʹ pabat ida, moʹ keʹ ke nyakit ida.”

PEMUYAN 26:20

Ading ketai heʹ badaʹ denga ina palaʹ lepoʹ Damsik, uʹo ina tai heʹ palaʹ lepoʹ Yerusalim, uʹo ina pelaʹa tai heʹ pa tipo tanaʹ Yudia nuʹo. Ngan palaʹ dulu diaʹ tahaʹ awang Yahudi pe ketai heʹ badaʹ a, apan nte nesen ngan nyepuleʹ kimet de, ngan pupa palaʹ Tuhan Allah, ngan uyan puyan tiga iaʹ ke badaʹ diseʹ ban nte nesen ngan nyepuleʹ kimet de.

PEMUYAN 28:28

Un dau Paulus pelaʹa: “Ina ukoʹ awaʹ pe ikem tisen dau Allah cuk ilu ketai ngkin tiraʹ a, iaʹ badaʹ puyan ne iaʹ ke pudip kelunan, ngkin ne palaʹ dulu diaʹ tahaʹ awang Yahudi. Ida ne iaʹ ke ngeringa ha nuʹo.” [

RUM 3:29

Un Allah ina ban anun lepoʹ Yahudi tuaʹ le mo? Naʹun. Allah ina anun mung lepoʹ, peging ngan diaʹ tahaʹ awang Yahudi.

1 TIMUTIUS 5:22

Ngan ayen ncoʹ nup napoʹ ujoʹ koʹ neng dulu ke nyalet ida neng gayeng Tuhan. Ngan ayen ncoʹ tai tabin dalem penyalaʹ dulu. Petubo ne usa hoʹ neng iaʹ buheʹ.

2 TIMUTIUS 2:25

Man lemaʹ saheʹ de negun katuk neng diaʹ peneti ngan nte. Masaʹ pe Allah ke naʹ puyan man nte nyepuleʹ kimet de, apan nte tai tisen neng katuk telit.

1 PETERUS 4:14

Buk dulu pejaʹat dau neng ikem suaʹ ngadan Keristus, bangen le saheʹ kem. Moʹ pekini ban sen puyan ina: Berua peniga, iaʹ ina Berua Allah, un ne ngelineʹ neng ikem.

1 PETERUS 4:4

Naʹkini dulu diaʹ muau neng Tuhan tai maru tekaʹ kimet de, moʹ abeʹ ne ikem tai pemung ngan nte neng udip iaʹ lajam, ngan palaʹ nta neng iaʹ jaʹat. Ina ukoʹ de ngejaʹat dau neng ikem.