PEMUYAN 18:5 - Kenyah New Testament

⁵ Tegoʹ kenai Silas ngan Timutius abeʹ cen tanaʹ Makedunia, un Paulus abeʹ un kelineʹ kelineʹ e penco tiraʹ Tuhan, mentung tugen dau ue badaʹ me lepoʹ Yahudi ban Yesus ina lete iaʹ atek ngkang pungu udip ne.

PEMUYAN 18:5 Iomraidhean Croise

LUKAS 12:50

Un ca naʹan batis iaʹ tekep ke ngebatis akeʹ ʹo. Bahat laleʹ tekaʹ kimet ceʹ pa ha ke palup.

LUKAS 16:28

moʹ lema re cenganak keʹ laki kina. Un baʹan le, ia badaʹ tugen le mida, malap ida kenai kaʹ ukoʹ iaʹ tuyen ini tegoʹ de matai ʹo.’

YAYA 1:41

Pelapa Anderias tegoʹ diaʹ cenganak ke simun, kun ne badaʹ mia: “Un meʹ taʹan Mesias.” (Sen ngadan ina Keristus, Laki iaʹ ngkang pungu udip.)

YAYA 10:24

Tegoʹ ina, kelunan Yahudi kelimpun neliling Yesus, ngan lemutu ia: “Kudaʹ majan ncoʹ ke piduk ameʹ? Badaʹ ne lan mameʹ: Ikoʹ Keristus iaʹ ngkang pungu udip mo?”

YAYA 15:27

ngan ikem lete ke badaʹ puyan nceʹ, uban ikem iaʹ lepa un ngan nceʹ cen kena re.

YAYA 3:28

Usa hem tengen senteng nugen kumpin dau heʹ lepa badaʹ mikem: ‘Abeʹ keʹ Keristus iaʹ ngkang pungu udip, un sepuʹo Allah iaʹ cuk akeʹ nai tahaʹ tena neng ia.’

PEMUYAN 10:42

Kun Yesus cuk ameʹ nai badaʹ Denga Injil ina me dulu mung, ngan tugen uban ia iaʹ Allah ban peteneng Pebetep Ukum neng mung kelunan diaʹ mudip, pekina pe diaʹ matai.

PEMUYAN 15:22

Uʹo ina, mung diaʹ lawa Injil ngan diaʹ tuʹa neng Mpun, peging ngan mung Mpun diaʹ ngelan Tuhan ina, pebetep kimet ke lemileʹ palai neng ahang ida dina ngan cuk ida tai kaʹ Antiukia serengan ngan Paulus de dua Barnabas. Kun nte lemileʹ Yudas, iaʹ dulu naʹ Barsabas ina, ngan Silas. Mung diaʹ cenganak dalem Tuhan dina selum nte neng ida dua.

PEMUYAN 16:1

Tai Paulus de dua masat pabeʹ kaʹ lepoʹ Derbe, uʹo ina kaʹ lepoʹ Listera. Kaʹ ina te un ca laki iaʹ bayaʹ katuk Tuhan, ngadan ne Timutius, anak ca leto Yahudi iaʹ ngelan Tuhan. Un amai Timutius ca lepoʹ Gerika.

PEMUYAN 16:12

Cen ina ketai meʹ metik sungai kaʹ lepoʹ Pilipi. Ina ca lepoʹ iaʹ paren kaʹ tanaʹ Makedunia te. Lepoʹ ina kukoʹ lepoʹ Rum diaʹ ban nai bulak. Neng lepoʹ ini un pe kudaʹ kudaʹ tau pe majan meʹ ngelineʹ kidi.

PEMUYAN 16:9

Alem ina Paulus taʹan neng penaʹat te, idi diseʹ ca usa lepoʹ Makedunia nekejeng, naten mengin ia kuma: “Baka, nai ne pelawat, nai mepo ameʹ ading.”

PEMUYAN 17:3

Kun Paulus peluhaʹ sen ngan peluhaʹ katuk cen Kitap ina iaʹ badaʹ kumpin ban Laki iaʹ ngkang pungu udip tekep ke sihoʹ tuyen, ngan numpak mudip cen patai. Un dau ue laʹa: “Yesus ia akeʹ badaʹ mikem ne, ia lete Laki iaʹ ngkang pungu udip.”

PEMUYAN 18:28

Moʹ kuʹun penisen Apulus, ina ukoʹ lepoʹ Yahudi supeʹ pesakat ngan ne neng mpun dulu, mentung nge badaʹ cen isiu dalem Kitap Tuhan ban Yesus ina, ia lete iaʹ ngkang pungu udip.

PEMUYAN 2:36

Un dau Peterus metuk isiu ue: “Ban atek Yesus lete ini, iaʹ ikem lepa napek neng kayu tecek are. Yesus lete iaʹ Allah lepa uyan Tuhan, Laki iaʹ ngkang pungu udip. Awaʹ ne mung diaʹ lepoʹ Israil ke tisen lan.”

PEMUYAN 20:21

Palaʹ lepoʹ Yahudi, pekina pe palaʹ lepoʹ Gerika, akeʹ nyebelang badaʹ ngan tugen dau neng puyan nyepuleʹ cen penyalaʹ tai palaʹ Allah, ngan puyan ngelan Tuhan le Yesus.

PEMUYAN 20:23

Bang iaʹ akeʹ tisen ke un puyan meput ngan taru iaʹ mabang akeʹ ʹo, moʹ kaʹ singket singket lepoʹ un Berua Buheʹ iaʹ ban nugen badaʹ puyan iaʹ pekina makeʹ.

PEMUYAN 20:24

Naʹ pia pekina, abeʹ keʹ mawaʹ udip keʹ pe. Ahaʹ akeʹ senteng pelepa tulat gayeng ngkeʹ neng jo udip keʹ, iaʹ akeʹ ban alaʹ cen Tuhan Yesus are, ina ne ke badaʹ tugen puyan Denga Injil neng pengelesau Allah iaʹ ia lebang naʹ milu.

PEMUYAN 4:20

Moʹ un meʹ dini, abeʹ meʹ senteng are ke badaʹ a inu iaʹ ameʹ lepa taʹan, ngan iaʹ ameʹ lepa kenahan ina.”

PEMUYAN 9:22

Un Saul pali kuʹo ke diseʹ e badaʹ katuk kina. Un dau ue: “Atek ban Yesus ina, ia lete iaʹ ngkang pungu udip.” Un lepoʹ Yahudi diaʹ mudip kaʹ lepoʹ Damsik dina tai benaʹa ne ida, supeʹ de mipa ia.”

2 KURINTUS 1:19

Moʹ ameʹ telu Silas ngan Timutius lepa pedenga Yesus Keristus Anak Allah neng ahang ikem. Abeʹ e Yesus iaʹ kuma ha “ahaʹ ngan naʹun” are. Di lareʹ ia ne seleket isiu Allah iaʹ pisiu “ahaʹ” milu.

2 KURINTUS 11:9

Ngajan nceʹ ngelineʹ ngan ncem are, buk keʹ tepet neng ligit, abeʹ keʹ ngesiat ikem. Moʹ diaʹ cenganak le cen Makedunia diaʹ ngkin inu iaʹ akeʹ tekep ke un. Kuaʹ baʹan puyan nceʹ dalau idai are, pekina lete puyan nceʹ bayaʹ laʹa. Nyahut ceʹ ke ngebahat mpin ncem ne.

2 KURINTUS 5:14

Mele inu pemuyan meʹ, abeʹ e tuman ban usa meʹ tengen. Moʹ Keristus malaʹ ameʹ, puyan pengemalaʹ a ina iaʹ ngaren usa meʹ, moʹ ameʹ lepa tisen ban ca usa iaʹ matai tuman ilu mung. Un sen ne, ilu mung kahum dalem puyan patai ie ina.

PILIPI 1:23

Miat laleʹ ne tekaʹ keʹ neng ahang nte dua. Keloʹ laleʹ pe tekaʹ keʹ ke mecin udip ini ketai pemung ngan Keristus, moʹ ina ne iaʹ atek tiga laleʹ.

1 TESALUNIKA 3:2

ngan cuk cenganak meʹ Timutius tai palaʹ ikem. Timutius iaʹ pemung ngan meʹ pegayeng me Allah ke badaʹ Denga Injil Keristus ina. Ameʹ cuk Timutius nai petangen ikem, ngan nyalet pengelan ncem,

1 TESALUNIKA 3:6

Naʹkini lepa ne Timutius nai ngeliwet cen ikem, nai ie palaʹ ameʹ. Ia ngkin denga iaʹ tiga dau, iaʹ badaʹ puyan pengelan ngan puyan pengemalaʹ kem. Un pe ia badaʹ mameʹ ban lemuto hem petawai ameʹ, ngan ubaʹ ke petegoʹ ngan meʹ, koʹ baʹan tekaʹ meʹ ubaʹ ke petegoʹ ngan ncem lete.

1 PETERUS 5:12

Akeʹ uyan surat iaʹ buʹet ini palaʹ ikem man ujoʹ Suanus, moʹ keʹ kuma ia ca cenganak le iaʹ semamet. Kimet ceʹ ubaʹ ke petangen ikem, ngan badaʹ ban ini iaʹ lan lan ne pengelesau Allah. Tiga hem salet nekejeng kidi.