PEMUYAN 18:27 - Kenyah New Testament

²⁷ Un Apulus ubaʹ ke tai tahaʹ dipa kaʹ tana Gerika. Mung diaʹ ngelan Tuhan kaʹ lepoʹ Ipesus dina pebioʹ saheʹ e tai, mentung nte naʹ surat palaʹ cenganak de dalem Tuhan kaʹ tanaʹ Gerika, apan nte nyelama kenai ie. Uʹo ho abeʹ, bioʹ laleʹ seʹ e mepo pekatuk dulu diaʹ ban ngelan kuʹun pengelesau Allah.

PEMUYAN 18:27 Iomraidhean Croise

PEMUYAN 1:15

Kudaʹ tau pe ʹo ina, kenai re pempun mung diaʹ ngelan Tuhan, kihoʹ kihoʹ ca ato dua puloʹ usa kadoʹ de. Dalau ina kenai Peterus nekejeng. Un dau ue:

PEMUYAN 11:26

Dalau Barnabas petegoʹ ngan Saul, penco ho mengin ia kaʹ Antiukia. Pekina tai sukung ca uman majan ne ida dua pebulung ngan Mpun diaʹ ngelan Tuhan kina, mentung nte pekatuk dulu kina. Kaʹ Antiukia tading dulu naʹ ngadan Keristin me kelunan diaʹ bayaʹ katuk Tuhan.

PEMUYAN 15:34

Un sepuʹo Silas, ubaʹ a ke ngelineʹ kaʹ lepoʹ Antiukia, sulo ho ngelineʹ kina nuʹo.]

PEMUYAN 18:12

Dalau Galio tai gebenur ngkang perinta kaʹ tanaʹ Gerika, nai kun lepoʹ Yahudi diaʹ kuaʹ ayo ban peseket ubaʹ ke nyakit Paulus. Penco re dakep ia, ngkin ia kukoʹ diaʹ lataʹ pebetep tiraʹ.

PEMUYAN 18:18

Kun Paulus ngelineʹ kaʹ Kurintus majan ne ngan diaʹ cenganak dalem Tuhan kina. Uʹo ina tai ie puke bayaʹ kapen tai kaʹ tanaʹ Siria pemung ngan Periskila re dua Akila. Kena ina Paulus nguluk ulu ue kaʹ lepoʹ Kengkeria, moʹ o lepa ban patek tuket ngan Allah.

PEMUYAN 19:1

Jinan Apulus un kaʹ lepoʹ Kurintus, tai kun Paulus masat pa tipo tanaʹ apau, ngan nai ie abeʹ kaʹ Ipesus. Kina ha taʹan palai diaʹ bayaʹ katuk Tuhan.

PEMUYAN 9:27

Sulo Barnabas mepo ia, ngan tai ngkin ia palaʹ diaʹ lawa Injil dina. Barnabas badaʹ diseʹ Saul lepa taʹan Tuhan kaʹ janan Damsik, ngan badaʹ diseʹ puyan Tuhan pisiu ia. Kun Barnabas badaʹ diseʹ Saul pedenga ngadan Yesus kaʹ lepoʹ Damsik ngan tempa lan pe dau ue.

RUM 1:5

Moʹ kuʹun Yesus, bioʹ ban pengelesau Allah naʹ gayeng makeʹ ketai ca diaʹ lawa Injil ban tuman Keristus ne. Ina ukoʹ keʹ ke payo kelunan singket lepoʹ ne, ke ngelan Tuhan ngan tudep bayaʹ a.

1 KURINTUS 15:10

Un sepuʹo puyan iaʹ nuyan neng akeʹ naʹkini un nuyan kuʹun pengelesau Allah iaʹ ia lebang naʹ milu. Ngan pengelesau iaʹ ia naʹ makeʹ, abeʹ e tai bura tuaʹ le, di lareʹ akeʹ iaʹ tangen pegayeng lapa neng ʹo puyan lawa Injil diaʹ ca. Iaʹ lan ne, abeʹ e puyan pemuyan nceʹ tengen, di lareʹ pengelesau Allah iaʹ ia lebang naʹ milu iaʹ pegayeng ngan nceʹ.

1 KURINTUS 16:3

Dalau lepa heʹ abeʹ ʹo, kimet ceʹ ubaʹ ke cuk kelunan, diaʹ ikem lepa ngelan ke ngkang gayeng ini, ketai ngkin pencai hem ina peging surat iaʹ ke badaʹ ngadan nte kaʹ Yerusalim.

1 KURINTUS 3:6

Akeʹ iaʹ nai mula beneʹ dalem kimet cem. Ngan Apulus iaʹ mesup pe. Un sepuʹo Allah iaʹ ke pudip pe.

2 KURINTUS 1:24

Abeʹ meʹ ubaʹ ke lemejen ikem neng inu iaʹ tekep ikem ke ngelan, moʹ ikem iaʹ lepa salet dalem pengelan. Di lareʹ ameʹ pegayeng pemung ngan ncem, apan ke un pit bangen ncem.

PILIPI 1:25

Pekina tekaʹ kimet ceʹ, ngan tisen te akeʹ, akeʹ ke ngelineʹ mudip ngan ncem mung ʹo, idi hem tai telicuk ngan bangen dalem pengelan ncem ʹo.

PILIPI 1:29

Bioʹ lesau Allah iaʹ ban pebeka ikem dalem Keristus. Abeʹ e bang ngelan tuaʹ le, un sepuʹo ke sihoʹ tuyen pe ikem moʹ kuʹun Keristus ina.

KULUSE 2:12

Ban ne midan ncem lepa sihoʹ batis, dalau ina lete ikem tai tanem pemung ngan Keristus. Ngan kaʹ dalem batis ina pe ikem nai beteʹ pemung ngan Keristus, ban tuman pengelan ncem iaʹ pedapit ikem palaʹ penyukat Allah iaʹ pebeteʹ Keristus cen patai ie.

KULUSE 4:10

Aristakus iaʹ pemung ngan nceʹ dalem amin sepin, badaʹ tiga saheʹ e palaʹ ikem, ngan pekina pe Markus iaʹ pepadeʹ pesak ngan Barnabas. (Ameʹ lepa badaʹ mikem apan ncem alaʹ ia ngan selama dau, buk ke nai palaʹ ikem.)