PEMUYAN 18:26 - Kenyah New Testament

²⁶ Kun ne pisiu dalem amin sebayang Yahudi ngan tempa dau ue. Dalau Periskila ngan Akila kenahan dau ue, kun nte dau ngkin ia tai kaʹ amin nte, ngan nemek dau re dua badaʹ Janan Tuhan Allah mia ngan peluhaʹ iaʹ teneng pelaʹa.

PEMUYAN 18:26 Iomraidhean Croise

MARKUS 10:15

Nawai tiga le neng ini aheʹ diaʹ abeʹ un ubaʹ ke alaʹ puyan pengaren Allah ke ngaren ida koʹ baʹan seʹ puyan anak dumit dini are, nyahut de senteng ketai kaʹ dalem pengaren ina ne.”

LUKAS 19:26

“Un dau laki paren ina: ‘Lan dau heʹ mikem, aheʹ iaʹ mencam petubo inu, atek ke un pit te pelaʹa. Un sepuʹo aheʹ iaʹ are mencam petubo inu, atek ke pesau inu iaʹ ban un neng ia.

LUKAS 24:27

Sulo Yesus badaʹ mida dua mung dau katuk iaʹ sihoʹ neng ia tengen dalem isiu Kitap Tuhan. Kun ne nading nge cen Kitap Musa ngan mung surat pegawa ne.

YAYA 7:17

Aheʹ iaʹ un tekaʹ kimet ubaʹ ke ti pengubaʹ Allah, kelunan ina iaʹ ke tisen cen mpi kenai katuk keʹ, atek cen Allah buk ke are cen penyukat ceʹ tengen.

PEMUYAN 14:3

Majan diaʹ lawa Injil dina ngelineʹ kaʹ Ikunium ne, ngan tempa dau re badaʹ tiraʹ Tuhan. Tuhan iaʹ peluhaʹ ban lan dau katuk de neng pengelesau ue, ina ukoʹ Tuhan naʹ penyukat man nte uyan puyan nyingan ngan tedanaʹ bulen.

PEMUYAN 18:18

Kun Paulus ngelineʹ kaʹ Kurintus majan ne ngan diaʹ cenganak dalem Tuhan kina. Uʹo ina tai ie puke bayaʹ kapen tai kaʹ tanaʹ Siria pemung ngan Periskila re dua Akila. Kena ina Paulus nguluk ulu ue kaʹ lepoʹ Kengkeria, moʹ o lepa ban patek tuket ngan Allah.

PEMUYAN 18:25

Un ban laki ini lepa ne ia pekalai katuk neng Janan Tuhan. Ia ca laki iaʹ jaya pisiu, ngan teneng dau katuk ke neng pemuyan Yesus. Naʹ pia pekina, bang neng batis Yaya tuaʹ le ia tisen.

PEMUYAN 19:8

Un Paulus, tai kun ne kaʹ amin sebayang Yahudi, mentung nge pisiu ngan tempa dau ue. Telu bulan majan ne pata petiraʹ ngan petisen ida neng puyan pengaren Allah ngaren kelunan.

PEMUYAN 28:23

Ina ukoʹ de nengangan uyan tebuku ngan Paulus, tau re kenai pempun kata ia. Kadoʹ kenai lepoʹ Yahudi neng tau idi. Cen mempam pa ketai ie tahup, Paulus nyituk badaʹ dau katuk ke mida neng puyan pengaren Allah ngaren ilu kelunan. Kun ne badaʹ cen Kitap Katuk Adet Musa, pekina pelaʹa cen Kitap diaʹ Pegawa. Man dina ha ten ke payo ida ke ngelan neng Yesus.

PEMUYAN 8:31

Un dau laki bioʹ ina neng ia: “Kumpin nceʹ ketisen ne buk abeʹ un aheʹ iaʹ badaʹ a makeʹ?” Penco ho mengin Pilipus nai kempau neng usun kerita ha, pata madung ngan ne.

1 KURINTUS 12:21

Ban ne pekina, abeʹ senteng mata kuma ha neng ujoʹ: “Abeʹ keʹ pesingo neng ikoʹ.” Pekina pe abeʹ senteng ulu kuma ha neng taket: “Abeʹ keʹ pesingo neng ikoʹ.”

1 KURINTUS 3:18

Ayen ca kelunan ke pelingu usa ha tengen. Buk aheʹ neng ahang ikem iaʹ ke pata kimet te bayaʹ layan dulu kusun tanaʹ ini, sulo ho kuma ha ia ca kelunan iaʹ tudi, iaʹ tekep pe kelunan ina ke alaʹ kimet iaʹ apaʹ, apan ne ke tudi lan.

1 KURINTUS 8:2

Buk ca kelunan kuma ha ia tengen le lepa un penisen neng ca inu, abeʹ lepe ia tisen ngan puyan iaʹ tekep kelunan ke tisen.

IBERANI 6:1

Moʹ ina, tai teto tuaʹ ne ilu palaʹ katuk iaʹ ke pesukung ilu. Mahung ne puʹun katuk iaʹ ikem lepa malai cen kena are. Ayen nesep nyalet puʹun katuk, koʹ baʹan katuk nyepuleʹ kimet cen pemuyan iaʹ abeʹ un tuman, pekina pe katuk ngelan palaʹ Allah,

2 PETERUS 3:18

Di lareʹ tiga hem tudep le, ngan nai un pit un pit dalem pengelesau ngan penisen neng Tuhan le, Laki iaʹ Keniga Udip le, Yesus Keristus. Palaʹ ia ne ketai mung serema peniga cen naʹkini pa pa majan. Amin. 8