PEMUYAN 18:24 - Kenyah New Testament

²⁴ Un ca laki lepoʹ Yahudi, ngadan ne Apulus, iaʹ nai kaʹ lepoʹ Ipesus. Kaʹ lepoʹ Alik-sandar ban nai ie pempet. Ia ca laki iaʹ mencam pisiu, ngan tisen neng sen isiu dalem Kitap Tuhan.

PEMUYAN 18:24 Iomraidhean Croise

MATIUS 13:52

Sulo dau Yesus pelaʹa: “Uban pekina ne singket guru Katuk Adet Musa diaʹ nai pekalai bayaʹ katuk puyan pengaren Allah ini, un pekuaʹ ngan ca kelunan iaʹ un amin. Cen lepubung nge ia mencam ke peluhaʹ inu ue diaʹ mading ngan diaʹ puʹun.”

LUKAS 24:19

Un dau Yesus neng ida: “Puyan inu ne tupe?” Un dau re dua mipa ia: “Puyan neng Yesus lepoʹ Nasarit idai. Ban ca pegawa bioʹ laki ina, ngan bioʹ ban penyukat te neng tiraʹ a, pekina pe neng pemuyan ne, sihoʹ neng penaʹat Allah, ngan pekina pe neng kelunan.

PEMUYAN 18:19

Abeʹ ne ida telu kaʹ lepoʹ Ipesus, tai Paulus petat ngan nte dua kina. Bang Paulus tengen le iaʹ tai penco kedalem amin sebayang Yahudi. Kina ha pata petiraʹ ngan lepoʹ Yahudi.

PEMUYAN 18:21

bang nyat lesau le ia, kun dau ue: “Buk un pengubaʹ Allah, nai te akeʹ ngeliwet palaʹ ikem laʹa ʹo.” Penco tai ie bayaʹ kapen, mecin Ipesus.

PEMUYAN 18:28

Moʹ kuʹun penisen Apulus, ina ukoʹ lepoʹ Yahudi supeʹ pesakat ngan ne neng mpun dulu, mentung nge badaʹ cen isiu dalem Kitap Tuhan ban Yesus ina, ia lete iaʹ ngkang pungu udip.

PEMUYAN 19:1

Jinan Apulus un kaʹ lepoʹ Kurintus, tai kun Paulus masat pa tipo tanaʹ apau, ngan nai ie abeʹ kaʹ Ipesus. Kina ha taʹan palai diaʹ bayaʹ katuk Tuhan.

PEMUYAN 27:6

Kina tuʹa sedadu ina alaʹ ca kapen iaʹ ban cen lepoʹ Alik-sandaria, iaʹ ubaʹ ketai tahaʹ tanaʹ Italia. Penco ho cuk ameʹ tai paso ngedung neng kapen ina.

PEMUYAN 6:9

Naʹ pe ia pekina, un pe diaʹ nai beteʹ pesakat ngan Stipanus. Ida dina cen mpun kelunan Ulaʹ diaʹ Takau. Un pe palai Yahudi lepoʹ Kirini, un pe palai lepoʹ Alik-sandaria, un pe Yahudi diaʹ ca cen tanaʹ Kilikia ngan tanaʹ Asia, nai re ke ti ngan Stipanus.

PEMUYAN 7:22

Kun dulu pekatuk Musa neng ketoʹ tudi ngan penisen lepoʹ Masir, pa dulu mejung ia ca kelunan bioʹ, moʹ o mencam laleʹ petiraʹ, ngan mencam pekimet gayeng.

1 KURINTUS 1:12

Pekini kimet ceʹ ngetisen dau ina, singket usa hem un selepeʹ dau isiu hem. Un dau ca: “Akeʹ ini anun Paulus.” Un dau ca pelaʹa: “Akeʹ ini anun Apulus.” Un dau ca pelaʹa: “Akeʹ ini anun Peterus,” ngan un dau ca pelaʹa: “Akeʹ ini anun Keristus.”

1 KURINTUS 16:12

Dau heʹ neng cenganak le Apulus, kudaʹ liwai pe akeʹ petangen ia tai menoʹ ikem, tai serengan cenganak diaʹ ca dina. Abeʹ e un tekaʹ a tekep kenai naʹkini, un sepuʹo kenai te ia tegoʹ un ca awang iaʹ tiga.

1 KURINTUS 4:6

Tuman ikem, cenganak cenganak keʹ, ina ukoʹ keʹ ke pesihoʹ puyan dina neng ameʹ dua Apulus. Akeʹ alaʹ kata neng ameʹ dua, apan ncem senteng ke pekalai neng sen isiu iaʹ kuma ha: “Ayen tai duncau neng jo Kitap,” apan ncem are selepeʹ neng kelunan, ngan balang dau neng diaʹ ca, mentung ngkem muau dau neng diaʹ ca.

2 KURINTUS 10:10

Dau palai kuma ha: “Surat Paulus un nyarem ngan pali dau, un sepuʹo tegoʹ usa ha un ngan le, lemaʹ seʹ e ne, ngan tiraʹ a pe abeʹ un ateng nte.”

KULUSE 3:16

Tekep lete tiraʹ Keristus ina ngan mung peniga ha ke mudip dalem penawai hem. Pekalai ne ngan pekatuk ne ikem selepeʹ, man toʹ tekaʹ penudi hem. Ngentau ne man kentau Masmur, ngan kentau sebayang, ngan ngentau iaʹ nai cen berua hem. Ngentau ne palaʹ Allah, mentung ngkem nyuaʹ tiga saheʹ iaʹ nai cen penawai hem.

TITUS 3:13

Tiga ne ikoʹ nengayet mepo Sinas iaʹ tudi man adet perinta ina, ngan pekina pe Apulus diaʹ ke nading pengasat de. Nawai ida dua tiga tiga apan nte un mung inu penenup de ke tai menco asat de ʹo.