PEMUYAN 18:22 - Kenyah New Testament

²² Uʹo Paulus abeʹ kaʹ lepoʹ Kaisaria, penco tai ie pukat kaʹ Yerusalim, badaʹ tiga saheʹ e palaʹ Mpun diaʹ ngelan Tuhan kina. Sulo tai ie puno kaʹ Antiukia pelaʹa.

PEMUYAN 18:22 Iomraidhean Croise

PEMUYAN 10:1

Kaʹ lepoʹ Kaisaria un ca laki ngadan ne Kurnilius, ca kaptin sedadu Rum, iaʹ cen mpun sedadu iaʹ dulu naʹ “Mpun Sedadu Italia.”

PEMUYAN 10:24

Neng kenempam me nuʹo, abeʹ ne ida pat kaʹ lepoʹ Kaisaria. Un Kurnilius mengaʹ kenai sabeʹ Peterus te. Lepa ne ia pempun ida panak, ngan diaʹ malai ngan ne.

PEMUYAN 11:11

Dalau ina lete un telu usa nekejeng kaʹ juma amin, kukoʹ keʹ ina. Ban nai re cen Kaisaria mita akeʹ.

PEMUYAN 13:1

Neng Mpun diaʹ ngelan Tuhan kaʹ lepoʹ Antiukia, un pe kudaʹ kadoʹ pegawa Tuhan ngan guru, iaʹ ina Barnabas, ngan Simiun (iaʹ dulu naʹ Saleng), ngan Lukius (lepoʹ Kirini), ngan Menahem (cenganak ca ueʹ ngan Laja Herudis iaʹ ngkang ca tulat neng iaʹ kepat dale ina), ngan Saul.

PEMUYAN 14:26

Cen ina re dua ngedung neng kapen, penco re puke tai kaʹ lepoʹ Antiukia tanaʹ Siria are, kukoʹ Mpun diaʹ ngelan Tuhan iaʹ ban pelek ida dua palaʹ pengelesau Allah tuman gayeng iaʹ ida dua lepa ban pesukung ina.

PEMUYAN 15:23

Kun nte naʹ ca surat katu tugung ida, pekini dau ue: “Ameʹ diaʹ lawa Injil, peging ngan diaʹ tuʹa Mpun diaʹ ngelan Tuhan, ameʹ diaʹ cenganak kem ke badaʹ selama tawai meʹ palaʹ diaʹ cenganak meʹ dalem Tuhan neng ahang ikem diaʹ tahaʹ awang lepoʹ Yahudi kaʹ lepoʹ Antiukia, ngan dale Siria, ngan Kilikia.

PEMUYAN 15:30

Sulo re pawang ida diaʹ ngkin surat idai tai puke. Tai re puno kaʹ Antiukia. Kaʹ ina re pempun ketoʹ kadoʹ de diaʹ ngelan Tuhan, kun nte badaʹ surat ina mida.

PEMUYAN 15:35

Paulus ngan Barnabas ngelineʹ pelaʹa kaʹ Antiukia pemung ngan kadoʹ dulu diaʹ ca pe, mentung nte dua pekatuk ngan badaʹ tiraʹ Tuhan.

PEMUYAN 15:4

Abeʹ ne ida kaʹ Yerusalim, kenai Mpun diaʹ ngelan Tuhan kina, peging diaʹ tuʹa Mpun, ngan diaʹ lawa Injil dina, nyelalang ngan nyelama ida pat. Kun nte badaʹ mung ban pemuyan Allah kanan ida.

PEMUYAN 23:23

Penco mayur sedadu ina mengin dua usa kaptin dina, un dau ue: “Petenup ne dua ato sedadu iaʹ ke tai kaʹ Kaisaria, ngan tujoʹ puloʹ usa diaʹ ngedung neng kuda, ngan dua ato usa diaʹ ngkang nyatap, petenup ne tai puke jam piʹen alem ini.

PEMUYAN 25:1

Telu tau uʹo kenai Pistus abeʹ kaʹ dale ina, tai ie puke cen Kaisaria, penco tai pukat kaʹ Yerusalim.

PEMUYAN 25:9

Moʹ Pistus ubaʹ ke pebioʹ saheʹ lepoʹ Yahudi, ina ukoʹ o mipa Paulus pekina dau ue: “Ubaʹ koʹ ketai kusun kaʹ Yerusalim tupe? Kina te akeʹ ke pebetep mung puyan tiraʹ koʹ ini ʹo.”

PEMUYAN 8:40

Un Pilipus, nai pe ia luhaʹ laʹa kaʹ lepoʹ Asdut. Tai ie masat uban ke pedenga Denga Injil pa tipo singket lepoʹ, pa ha abeʹ kaʹ lepoʹ Kaisaria.