PEMUYAN 18:2 - Kenyah New Testament

² Kaʹ ina ha petegoʹ ngan diaʹ lepoʹ Yahudi ngadan nte Akila ngan Periskila ida dua peto, diaʹ ban pempet kaʹ lepoʹ Puntus, iaʹ laho lepe ban nai cen lepoʹ Rum tanaʹ Italia, moʹ Laja Keludius cuk lepoʹ Yahudi mung tai kelap cen lepoʹ Rum. Un dalau ketai Paulus kaʹ lepoʹ Kurintus, tai kun ne naʹat ida dua,

PEMUYAN 18:2 Iomraidhean Croise

PEMUYAN 11:28

Nai kun ca usa pegawa dina beteʹ, ngadan ne Agabus, iaʹ ban un penyukat Berua Tuhan neng ia. Ia badaʹ kenai ca penaru lien bioʹ pa tipo usun tanaʹ ini. (Uʹo ina dalau udip Laja Keludius, kenai lien ina palup ʹo.)

PEMUYAN 18:18

Kun Paulus ngelineʹ kaʹ Kurintus majan ne ngan diaʹ cenganak dalem Tuhan kina. Uʹo ina tai ie puke bayaʹ kapen tai kaʹ tanaʹ Siria pemung ngan Periskila re dua Akila. Kena ina Paulus nguluk ulu ue kaʹ lepoʹ Kengkeria, moʹ o lepa ban patek tuket ngan Allah.

PEMUYAN 18:26

Kun ne pisiu dalem amin sebayang Yahudi ngan tempa dau ue. Dalau Periskila ngan Akila kenahan dau ue, kun nte dau ngkin ia tai kaʹ amin nte, ngan nemek dau re dua badaʹ Janan Tuhan Allah mia ngan peluhaʹ iaʹ teneng pelaʹa.

PEMUYAN 2:9

Ilu dini cen lepoʹ Partia, ngan Media, lepoʹ Ilam, ngan dulu diaʹ cen Mesuputami, ngan Yudia, ngan Kapadukia, ngan Puntus, ngan Asia,

PEMUYAN 27:1

Uʹo re pebetep dau ke cuk ameʹ ketai tugung kapen kaʹ tanaʹ Italia, kun nte naʹ Paulus me Yulius, ca tuʹa sedadu Rum cen mpun sedadu Kaisar. Un pe palai dulu diaʹ ban sepin pemung ngan ne.

PEMUYAN 27:6

Kina tuʹa sedadu ina alaʹ ca kapen iaʹ ban cen lepoʹ Alik-sandaria, iaʹ ubaʹ ketai tahaʹ tanaʹ Italia. Penco ho cuk ameʹ tai paso ngedung neng kapen ina.

1 KURINTUS 16:19

Mung Mpun Tuhan diaʹ kaʹ tanaʹ Asia ngatu tiga saheʹ palaʹ ikem. Akila ngan Periskila, peging ngan Mpun iaʹ pempun dalem amin nte dina, ngatu bioʹ tekaʹ tiga saheʹ palaʹ ikem.

2 TIMUTIUS 4:19

Badaʹ tiga saheʹ keʹ me Periskila ngan Akila, pekina pe me mung diaʹ amin Unisipurus.

IBERANI 13:24

Badaʹ tiga saheʹ meʹ palaʹ mung diaʹ tuʹa Mpun ncem, pekina pe me mung kelunan diaʹ anun Allah. Cenganak le diaʹ cen tanaʹ Italia ngatu tiga saheʹ de palaʹ ikem.

1 PETERUS 1:1

Cen Peterus, lawa Yesus Keristus: Palaʹ mung diaʹ Allah ban lemileʹ, diaʹ mudip tutang, diaʹ muʹo tai purat petat kaʹ tanaʹ Puntus, ngan kaʹ Galatia, ngan kaʹ Kapadukia, ngan kaʹ Asia, ngan kaʹ Bitinia.