PEMUYAN 18:18 - Kenyah New Testament

¹⁸ Kun Paulus ngelineʹ kaʹ Kurintus majan ne ngan diaʹ cenganak dalem Tuhan kina. Uʹo ina tai ie puke bayaʹ kapen tai kaʹ tanaʹ Siria pemung ngan Periskila re dua Akila. Kena ina Paulus nguluk ulu ue kaʹ lepoʹ Kengkeria, moʹ o lepa ban patek tuket ngan Allah.

PEMUYAN 18:18 Iomraidhean Croise

MATIUS 4:24

Purat ne denga Yesus pa libut tanaʹ Siria, pabeʹ kenai dulu ngkin kadoʹ kelunan diaʹ sihoʹ kadoʹ naʹan penyakit palaʹ ia. Un palai diaʹ keta ngan tuyen. Un palai diaʹ bali nelasek. Un palai sepen. Un palai diaʹ sakit uhat. Sulo Yesus paget ida mung.

MARKUS 6:46

Kun ne nyat nyaheʹ neng ida, sulo tai ie kusun ca mudung, moʹ o ubaʹ ke lemameʹ.

PEMUYAN 1:15

Kudaʹ tau pe ʹo ina, kenai re pempun mung diaʹ ngelan Tuhan, kihoʹ kihoʹ ca ato dua puloʹ usa kadoʹ de. Dalau ina kenai Peterus nekejeng. Un dau ue:

PEMUYAN 15:23

Kun nte naʹ ca surat katu tugung ida, pekini dau ue: “Ameʹ diaʹ lawa Injil, peging ngan diaʹ tuʹa Mpun diaʹ ngelan Tuhan, ameʹ diaʹ cenganak kem ke badaʹ selama tawai meʹ palaʹ diaʹ cenganak meʹ dalem Tuhan neng ahang ikem diaʹ tahaʹ awang lepoʹ Yahudi kaʹ lepoʹ Antiukia, ngan dale Siria, ngan Kilikia.

PEMUYAN 15:41

Sulo tai re dua pa tipo dale Siria ngan kilikia, mentung nte dua petangen singket Mpun diaʹ ngelan Tuhan kina.

PEMUYAN 18:2

Kaʹ ina ha petegoʹ ngan diaʹ lepoʹ Yahudi ngadan nte Akila ngan Periskila ida dua peto, diaʹ ban pempet kaʹ lepoʹ Puntus, iaʹ laho lepe ban nai cen lepoʹ Rum tanaʹ Italia, moʹ Laja Keludius cuk lepoʹ Yahudi mung tai kelap cen lepoʹ Rum. Un dalau ketai Paulus kaʹ lepoʹ Kurintus, tai kun ne naʹat ida dua,

PEMUYAN 18:26

Kun ne pisiu dalem amin sebayang Yahudi ngan tempa dau ue. Dalau Periskila ngan Akila kenahan dau ue, kun nte dau ngkin ia tai kaʹ amin nte, ngan nemek dau re dua badaʹ Janan Tuhan Allah mia ngan peluhaʹ iaʹ teneng pelaʹa.

PEMUYAN 18:27

Un Apulus ubaʹ ke tai tahaʹ dipa kaʹ tana Gerika. Mung diaʹ ngelan Tuhan kaʹ lepoʹ Ipesus dina pebioʹ saheʹ e tai, mentung nte naʹ surat palaʹ cenganak de dalem Tuhan kaʹ tanaʹ Gerika, apan nte nyelama kenai ie. Uʹo ho abeʹ, bioʹ laleʹ seʹ e mepo pekatuk dulu diaʹ ban ngelan kuʹun pengelesau Allah.

PEMUYAN 21:23

Tiga hoʹ bayaʹ dau meʹ iaʹ ameʹ ke badaʹ mikoʹ ini. Un pat usa diaʹ ngan meʹ kini, iaʹ lepa ban sebayang patek tuket ngan Allah.

PEMUYAN 21:24

Tai ne ikoʹ ngan nte te, uyan ne adet man ncoʹ muheʹ usa hoʹ pemung ngan nte. Ngan ikoʹ naʹ beli ie man nte nguluk ulu re peging ngan ncoʹ. Idi dulu mung ke tisen ban neng puyan ncoʹ iaʹ ban ida kenahan, toʹ o abeʹ e ban lan, moʹ ikoʹ tengen pe bayaʹ Katuk Adet Musa ne.

PEMUYAN 21:3

Ameʹ taʹan tanaʹ Siperus tahaʹ kabing ameʹ, penco tai meʹ kaʹ tanaʹ Siria, pejakaʹ kaʹ lepoʹ tirus. Moʹ kina kapen ina ke muai galen ne.

RUM 16:1

Kanan surat ini akeʹ cuk ikem alaʹ Pibi, cenganak leto le iaʹ ban petubo Mpun diaʹ ngelan Tuhan kaʹ lepoʹ Kengkeria.

1 KURINTUS 9:20

Dalau heʹ un neng ahang kelunan Yahudi, akeʹ mudip koʹ baʹan seʹ kelunan Yahudi are lete, apan nceʹ sukat ke alaʹ kelunan Yahudi ne. Naʹ pe usa heʹ tengen abeʹ un tahaʹ ntaʹ Katuk Adet Musa, dalau heʹ pegayeng neng ahang kelunan diaʹ pekina, akeʹ mudip koʹ baʹan seʹ keʹ un tahaʹ ntaʹ Katuk Adet Musa lete, apan nceʹ sukat ke alaʹ kelunan dina.

GALATIA 1:21

Lepa ina tai heʹ kaʹ dale Siria ngan Kilikia.