PEMUYAN 18:12 - Kenyah New Testament

¹² Dalau Galio tai gebenur ngkang perinta kaʹ tanaʹ Gerika, nai kun lepoʹ Yahudi diaʹ kuaʹ ayo ban peseket ubaʹ ke nyakit Paulus. Penco re dakep ia, ngkin ia kukoʹ diaʹ lataʹ pebetep tiraʹ.

PEMUYAN 18:12 Iomraidhean Croise

MATIUS 27:19

Dalau Pilatus madung neng use kukoʹ dulu pebetep tiraʹ ina, sulo kenai ca denga cen leto ho, un dau ue: “Ayen ncoʹ pemung ngan dulu idaʹ ke ngejaʹat kelunan iaʹ abeʹ un salaʹ ina, ban ne dalem kenupi heʹ tahup de akeʹ tisen tekaʹ tuyen laleʹ ban tuman laki ina.”

YAYA 19:13

Tegoʹ Pilatus kenahan dau isiu ini, kun ne ngkin Yesus kawang, penco madung kempau adan batu iaʹ kukoʹ metep tiraʹ, iaʹ dulu kuma “Lasan Batu.” (Ngadan ne kuʹun Iberani, “Gabata.”)

PEMUYAN 13:12

Kun laki bioʹ gebenur ina taʹan diseʹ puyan ina, ngelan ne gebenur neng Yesus, mentung nge salam laleʹ tekaʹ a neng katuk Tuhan ne.

PEMUYAN 13:50

Un palai lepoʹ Yahudi pekana neng diaʹ lataʹ lepoʹ ina, peging ngan leto diaʹ paren lepoʹ ina diaʹ sebayang palaʹ Allah dina. Pekina seʹ tading nte ubaʹ ke nyakit Paulus ngan Barnabas, penco re muyung ida dua tai kelap cen lepoʹ de.

PEMUYAN 13:7

Ia malai ngan Sergius Paulus, laki bioʹ gebenur tanaʹ ina. Ca laki iaʹ mencam pekimet gebenur ina. Ia mengin Barnabas ngan Saul nai palaʹ ia, moʹ o ubaʹ ke kenahan dau tiraʹ Allah.

PEMUYAN 13:8

Un laki iaʹ mencam pucau ina, Bar-yesus ne, (Ilimas ngadan ne neng isiu Gerika,) ia nyakat Barnabas ngan Saul, moʹ o ubaʹ ke nyalaʹ laki bioʹ gebenur ne tai coʹ neng pengelan ne neng Tuhan.

PEMUYAN 14:19

Nai pelaʹa lepoʹ Yahudi cen Antiukia iaʹ kaʹ tanaʹ Pisidia are, abeʹ kaʹ ina. Penco re pekana dulu kina ke lemulo Paulus, sulo re mihit ia kawang lepoʹ. Ida kenaʹ matai ne ia.

PEMUYAN 14:2

Un palai lepoʹ Yahudi diaʹ abeʹ un ubaʹ ke ngelan dina, kun nte pekana dulu diaʹ ca, ngan pesakit kimet de, apan nte ke nyakat diaʹ cenganak le dalem Tuhan dina.

PEMUYAN 17:13

Un sepuʹo dalau lepoʹ Yahudi iaʹ kaʹ Tisalunika ne tisen ban Paulus iaʹ badaʹ tiraʹ Allah kaʹ Beria, nai kun nte kaʹ ina. Penco re ngasing kimet dulu ngan pebingaʹ lepoʹ ina.

PEMUYAN 17:5

Un sepuʹo, miʹi tekaʹ lepoʹ Yahudi. Kun nte mengin palai dulu diaʹ jaʹat diaʹ mukoʹ bareng ngalang pasen dina, sulo re pepeng ida nuʹo. Kun nte pebingaʹ lepoʹ ina, mentung nte nyudup amin Yasun ke mita Paulus ngan Silas, moʹ de ubaʹ ke ngkin ida kawang palaʹ mpun lepoʹ.

PEMUYAN 18:11

Ina ukoʹ o ca uman nem bulan majan Paulus ngelineʹ kina, pekatuk tiraʹ Allah mida kina.

PEMUYAN 18:27

Un Apulus ubaʹ ke tai tahaʹ dipa kaʹ tana Gerika. Mung diaʹ ngelan Tuhan kaʹ lepoʹ Ipesus dina pebioʹ saheʹ e tai, mentung nte naʹ surat palaʹ cenganak de dalem Tuhan kaʹ tanaʹ Gerika, apan nte nyelama kenai ie. Uʹo ho abeʹ, bioʹ laleʹ seʹ e mepo pekatuk dulu diaʹ ban ngelan kuʹun pengelesau Allah.

PEMUYAN 19:21

Lepa ne puyan ina uʹo, un tekaʹ kimet Paulus ubaʹ ke tai masat pa tipo tanaʹ Makedunia ngan tanaʹ Gerika. Uʹo ina ha ngimet ketai kaʹ Yerusalim. Kun dau ue: “Buk keʹ tai abeʹ kaʹ ina ʹo, atek keʹ ketai naʹat tanaʹ Rum lete.”

PEMUYAN 25:10

Un dau Paulus: “Akeʹ ne nekejeng neng amin kelayan kukoʹ diaʹ ngkang perinta Kaisar pebetep tiraʹ. Kini hoʹ tekep ke pebetep pe makeʹ. Abeʹ un penyalaʹ keʹ neng lepoʹ Yahudi. Ikem amai, tisen te ikem kidi.

RUM 15:26

Moʹ lepoʹ Makedunia, ngan Gerika ne, ban ca le diseʹ tawai re pempun ligit man nte mepo diaʹ taru mudip neng ahang diaʹ cenganak le dalem Tuhan kaʹ Yerusalim te.

RUM 16:5

Laʹa akeʹ badaʹ tiga saheʹ keʹ me Mpun diaʹ ngelan Tuhan diaʹ nai pempun dalem amin nte dua. Badaʹ tiga saheʹ keʹ me Ipinitus iaʹ akeʹ malaʹ. Ia iaʹ ading ading ban ngelan neng Keristus kaʹ tanaʹ Asia.

1 KURINTUS 16:15

Ikem tisen Stipanus de telu pemanak, kumpin ban puyan nte ading ngelan Tuhan kaʹ tanaʹ Gerika are. Ida diaʹ nyuluk usa re tai pubo kelunan diaʹ anun Allah.

2 KURINTUS 1:1

Cen Paulus iaʹ nuyan lawa Keristus Yesus kuʹun pengubaʹ kimet Allah, ngan pekina pe cen cenganak le Timutius — Palaʹ Mpun diaʹ ngelan Allah kaʹ lepoʹ Kurintus, ngan palaʹ mung diaʹ anun Allah kempi kempi kaʹ tanaʹ Gerika.

2 KURINTUS 11:10

Moʹ katuk Keristus iaʹ telit un dalem akeʹ, ina ukoʹ keʹ selum tekaʹ, abeʹ keʹ dayo ho tai penceng mele kempi kempi pa tipo tanaʹ Gerika pe.

2 KURINTUS 11:26

Dalem pengaset ceʹ un kudaʹ liwai heʹ taru kuʹun sungai lempam, pekina pe taru kuʹun kejamun, pekina pe taru kuʹun kelunan, kuaʹ Yahudi pekina pe kuʹun dulu diaʹ ca lete. Un pe taru kaʹ lepoʹ bioʹ, un pe taru kaʹ dalau baʹi, un pe taru kaʹ banget, un pe taru kuʹun cenganak palo lete.

2 KURINTUS 9:2

Akeʹ tisen ban ikem iaʹ ubaʹ pepo ngan le. Lepa heʹ badaʹ me kelunan kaʹ tanaʹ Makedunia kumpin ngkeʹ selum tuman ikem. Pekini dau heʹ neng ida: “Cenganak le kaʹ tanaʹ Gerika lepa ca uman un tenup ke pepo ngan le.” Kadoʹ de tai sanget kuʹun denga penyanget cem.

1 TESALUNIKA 2:14

Ahaʹ cenganak cenganak, puyan iaʹ sihoʹ ikem are, puyan kuaʹ ina lete iaʹ sihoʹ singket Mpun diaʹ ngelan Allah kaʹ tanaʹ Yudia, ida diaʹ anun Keristus Yesus ina. Ikem lete iaʹ sihoʹ tuyen kuʹun diaʹ lepoʹ kem tengen, kuaʹ baʹan ida lepa sihoʹ tuyen kuʹun lepoʹ Yahudi are.

1 TESALUNIKA 2:16

Pit laʹa ida ten ke mempeng ameʹ, mulen ameʹ badaʹ denga ini palaʹ lepoʹ diaʹ ca, denga katuk ini iaʹ senteng ke pudip ida dalem Tuhan. Ini ne iaʹ kuʹo bioʹ neng mung penyalaʹ diaʹ ida lemuto uyan ne. Ngan naʹkini lepa ne kenca Allah mencit ida.

YAKUP 2:6

Un sepuʹo ikem abeʹ un selama seʹ neng kelunan kasip! Aheʹ diaʹ nyemenaʹ ikem ngan menat ikem palaʹ diaʹ pebetep ukum tupe? Kelunan kayaʹ lete.