PEMUYAN 18:1 - Kenyah New Testament

¹ Uʹo ina puke kun Paulus cen lepoʹ Atina, penco tai ie abeʹ kaʹ lepoʹ Kurintus.

PEMUYAN 18:1 Iomraidhean Croise

PEMUYAN 17:15

Ida diaʹ tai matet Paulus dina, tai ngan ne pa abeʹ lepoʹ Atina. Uʹo ina kenai re uleʹ kaʹ lepoʹ Beria ngkin tiraʹ Paulus iaʹ ke cuk Silas ngan Timutius sangkit tai ngan ne.

PEMUYAN 17:16

Jinan Paulus pekena kenai Silas de dua Timutius kaʹ Atina, janga kaʹ penawai ie taʹan lepoʹ ina kadoʹ de ban ngelan neng uyat.

PEMUYAN 18:8

Un Kerispus de panak, nai re ngelan Tuhan. Kerispus iaʹ tuʹa bioʹ mpun sebayang Yahudi dina. Ngan kadoʹ kenai diaʹ lepoʹ Kurintus ngeringa dau katuk Paulus, sulo nai re ngelan Tuhan ngan tai sihoʹ ngebatis.

PEMUYAN 19:1

Jinan Apulus un kaʹ lepoʹ Kurintus, tai kun Paulus masat pa tipo tanaʹ apau, ngan nai ie abeʹ kaʹ Ipesus. Kina ha taʹan palai diaʹ bayaʹ katuk Tuhan.

1 KURINTUS 1:2

Palaʹ Mpun iaʹ anun Allah, iaʹ un kaʹ lepoʹ Kurintus. Iaʹ ina palaʹ mung kelunan diaʹ lepa sihoʹ pengin ke tai nuyan kelunan buheʹ iaʹ Allah ke un. Allah iaʹ un ida moʹ kuʹun puyan nte pebeka tawai dalem Keristus Yesus. Ida iaʹ pebulung ngan kelunan diaʹ lemameʹ man ngadan Tuhan le Yesus Keristus ngalang kempi kempi kukoʹ de. Tuhan nte, ia lete Tuhan ne.

2 KURINTUS 1:1

Cen Paulus iaʹ nuyan lawa Keristus Yesus kuʹun pengubaʹ kimet Allah, ngan pekina pe cen cenganak le Timutius — Palaʹ Mpun diaʹ ngelan Allah kaʹ lepoʹ Kurintus, ngan palaʹ mung diaʹ anun Allah kempi kempi kaʹ tanaʹ Gerika.

2 KURINTUS 1:23

Akeʹ nyat Allah ke nugen isiu heʹ lan, moʹ ia iaʹ tisen kimet ceʹ. Kimet ceʹ abeʹ un ubaʹ tai kaʹ lepoʹ Kurintus dalau idai are, moʹ tekaʹ keʹ malap dau heʹ ke nyakit ikem.

2 KURINTUS 6:11

Ahaʹ cenganak cenganak meʹ kaʹ lepoʹ Kurintus, ameʹ lepa pisiu mikem ngan sebelang-belang dau, moʹ bioʹ lan lan tekaʹ kimet meʹ neng ikem.

2 TIMUTIUS 4:20

Un Irastus lepa ngelineʹ kaʹ Kurintus. Ngan Terupimus, ina heʹ mahung ia kaʹ lepoʹ Militus, moʹ o sakit.