PEMUYAN 17:4 - Kenyah New Testament

⁴ Un palai cen ahang ida dina ubaʹ ke kanan dau ue, penco re pepanak ngan Paulus de dua Silas. Pekina pe kadoʹ kenai lepoʹ Gerika diaʹ temek lemameʹ Allah bayaʹ Katuk Adet Musa, ngan pekina pe kadoʹ leto diaʹ mencam peteneng dalem lepoʹ nai ngelan.

PEMUYAN 17:4 Iomraidhean Croise

YAYA 7:35

Kelunan lataʹ lepoʹ Yahudi pisiu kahang ida selepeʹ: “Kempi ia ketai iaʹ ukoʹ le abeʹ un senteng ke taʹan ia tupe? Un ne ubaʹ tai ngan lepoʹ ilu Yahudi diaʹ mudip kaʹ lepoʹ Gerika taʹin, ngan penco pekatuk dulu kaʹ lepoʹ Gerika?

PEMUYAN 13:43

Lepa ne mpun ina pasi, kenai kadoʹ lepoʹ Yahudi pemung ngan kadoʹ dulu diaʹ lepa alaʹ adet Yahudi dina, nai re bayaʹ Paulus de dua Barnabas. Kun nte dua penco tiraʹ mida, ngan petangen ida ke tudep dalem pengelesau iaʹ Allah lebang naʹ mida.

PEMUYAN 13:50

Un palai lepoʹ Yahudi pekana neng diaʹ lataʹ lepoʹ ina, peging ngan leto diaʹ paren lepoʹ ina diaʹ sebayang palaʹ Allah dina. Pekina seʹ tading nte ubaʹ ke nyakit Paulus ngan Barnabas, penco re muyung ida dua tai kelap cen lepoʹ de.

PEMUYAN 14:1

Kuaʹ koʹ baʹan puyan ina are pelaʹa kaʹ lepoʹ Ikunium. Tai Paulus de dua Barnabas kedalem amin sebayang Yahudi. Kun nte dua penco pekatuk kidi. Kadoʹ dulu nai ngelan Tuhan, un pe Yahudi, pekina pe lepoʹ diaʹ ca.

PEMUYAN 14:4

Mung dulu diaʹ dalem lepoʹ ina pebese dua re. Un pe ceng bese mayo diaʹ tahaʹ lepoʹ Yahudi, un ceng bese pelaʹa mayo diaʹ lawa Injil dina.

PEMUYAN 15:22

Uʹo ina, mung diaʹ lawa Injil ngan diaʹ tuʹa neng Mpun, peging ngan mung Mpun diaʹ ngelan Tuhan ina, pebetep kimet ke lemileʹ palai neng ahang ida dina ngan cuk ida tai kaʹ Antiukia serengan ngan Paulus de dua Barnabas. Kun nte lemileʹ Yudas, iaʹ dulu naʹ Barsabas ina, ngan Silas. Mung diaʹ cenganak dalem Tuhan dina selum nte neng ida dua.

PEMUYAN 15:27

Ina ukoʹ meʹ cuk Yudas ngan Silas nai naʹat ikem, apan ida dua ke badaʹ sen surat meʹ ini.

PEMUYAN 15:32

Un Yudas ngan Silas, pegawa Tuhan nte dua. Majan nte pekatuk diaʹ cenganak dalem Tuhan kina, mentung nte dua petangen ngan ngepali pengelan nte.

PEMUYAN 15:40

Kun Paulus mengin Silas. Kena re ke puke, un diaʹ cenganak dalem Tuhan dina lemameʹ pelek ida dua palaʹ pengelesau Allah iaʹ ke petubo ida dua.

PEMUYAN 16:3

Paulus ubaʹ ke ngkin Timutius masat tugung ia, ina ukoʹ o nyunat ia. Paulus uyan puyan pekina, moʹ un lepoʹ Yahudi iaʹ mudip kaʹ dale ina tisen nte amai Timutius ca lepoʹ Gerika.

PEMUYAN 17:10

Kiʹan ketai tahup kun diaʹ cenganak le dalem Tuhan dina cuk Paulus ngan Silas tai kaʹ lepoʹ Beria. Dalau tai re abeʹ kaʹ Beria, penco ketai re kedalem amin sebayang Yahudi.

PEMUYAN 17:12

Kadoʹ de nai ngelan, un pe leto Gerika iaʹ kayaʹ, ngan kadoʹ pe laki re nai.

PEMUYAN 17:14

Nyangkit kun diaʹ cenganak le dalem Tuhan dina cuk Paulus puke, tai kaʹ sada bahi banget. Un Silas ngan Timutius, ngelineʹ de dua kaʹ Beria.

PEMUYAN 17:17

Ina ukoʹ Paulus pata petira dalem amin sebayang Yahudi me lepoʹ Yahudi ngan dulu diaʹ ca diaʹ temek lemameʹ palaʹ Allah bayaʹ Katuk Adet Musa. Pekina pe kenai ie petiraʹ kaʹ pasen, singket tau ne tai ie ngejahi dulu, mele aheʹ nai ngan ne.

PEMUYAN 17:34

Un pe palai dina nai ngejahi Paulus, sulo re ngelan Tuhan. Neng ahang ida dina, un Dunisius ca diaʹ lataʹ Arupagus. Un pe ca usa leto, ngadan ne Damaris. Un palai diaʹ ca laʹa nai ngelan.

PEMUYAN 18:4

Singket Tau Kelineʹ ne tai Paulus pata petiraʹ dalem amin sebayang Yahudi, moʹ o ubaʹ lepoʹ Yahudi ngan lepoʹ Gerika ke mayo nai ngelan.

PEMUYAN 19:10

Pekina puyan Paulus dalem dua uman majan ne, pa mung dulu neng tanaʹ Asia kenahan tiraʹ Tuhan, inu pia Yahudi, ngan pekina pe Gerika, mung nte kenahan dau ue.

PEMUYAN 2:44

Mung diaʹ ngelan Tuhan dina tudep seʹ de neng udip de, tai pebulung ne ida, ngan mung inu re ida un pemung.

PEMUYAN 21:28

mentung nte lemikaʹ kuma ha: “E mung lepoʹ Israil, baka, mepo meʹ ading. Ini ie iaʹ pekatuk mung dulu kempi kempi, iaʹ pejaʹat lepoʹ Israil ini peging ngan Katuk Adet Musa, pekina pe Umaʹ Palan Allah ini. Un naʹkni, un pe ia ngkin palai lepoʹ Gerika kedalem Umaʹ Palan ini, nai ngederam kukoʹ iaʹ buheʹ ini.”

PEMUYAN 28:24

Un te palai mida kina diaʹ ngelan dau tiraʹ a. Un pe palai diaʹ abeʹ un ubaʹ ke ngelan.

PEMUYAN 4:23

Lepa ne Peterus ngan Yaya nai mecin cen ina, tai re uleʹ palaʹ diaʹ cenganak de dalem Tuhan. Sulo re badaʹ a mida mung ban puyan dau isiu diaʹ detaʹu lataʹ dina, ngan dau diaʹ lataʹ lepoʹ.

2 KURINTUS 8:5

Puyan ina iaʹ tai lapa neng tebelum meʹ are. Ading ading nge un puyan nte mencai usa re tengen palaʹ Tuhan mentung palaʹ ameʹ lete, bayaʹ ban pengubaʹ kimet Allah mida.