PEMUYAN 17:32 - Kenyah New Testament

³² Dalau re kenahan dau Paulus badaʹ neng puyan kelunan matai ban nai numpak mudip ne, un palai petawa ngetepet ia. Ngan un palai diaʹ ca pelaʹa kuma ha: “Ubaʹ meʹ ke kenahan dau hoʹ badaʹ puyan ini ca liwai laʹa ʹo.”

PEMUYAN 17:32 Iomraidhean Croise

LUKAS 14:18

Mung dulu dina kukan kukan ke dau re neng ulaʹ ina are. Un dau ukan iaʹ ading: ‘Lepa ne akeʹ lemeli ca uma, ubaʹ keʹ ketai naʹat te naʹkini ʹo. Bang nyat lesau ne akeʹ.’

LUKAS 22:63

Mung nte diaʹ mengau Yesus dina ngelunyeʹ ngan lemeta ia.

LUKAS 23:11

Kun Herudis ngan diaʹ sedadu ue nekaheʹ dau neng Yesus, ngan taro dau re neng ia puʹo. Kun nte cuk ia un sapai diaʹ maren diseʹ, sulo re ngkin ia ngeliwet palaʹ Pilatus.

LUKAS 23:36

Un pelaʹa sedadu kina pelunyeʹ Yesus, mentung nte naʹ telang anggur mesem mia.

PEMUYAN 13:41

‘Pekimet cem ading mung ngkem diaʹ ngetepet, tai hem meba kena hem ketai matai. Un gayeng iaʹ akeʹ pegayeng dalau pengudip kem in, abeʹ pe ikem ubaʹ ke ngelan kidi, naʹ pe dulu ke badaʹ a mikem.’ Pekina dau Kitap Pegawa.”

PEMUYAN 17:18

Un palai diaʹ guru katuk Ipikuri ngan diaʹ guru katuk Stuiki nai paseʹ ngan Paulus, kun dau re: “Inu baʹan dau laki iaʹ tipan petiraʹ ini nuran nuran dau pisiu tupe?” Un dau diaʹ ca pelaʹa: “Masaʹ kenai ie pelibut denga bali uyat dulu diaʹ cen coʹ taʹin.” Ida pekina dau moʹ Paulus pedenga Yesus ngan puyan kelunan diaʹ matai nai numpak mudip.

PEMUYAN 17:31

Moʹ lepa ne Allah petuket ca tau kukoʹ o ke pebetep ukum bayaʹ ban peneneng nge neng mung kelunan kusun tanaʹ ini. Allah ke kanan ca kelunan iaʹ lepa ia lemileʹ. Allah peluhaʹ milu mung ban lan ne lepa lemileʹ ia, moʹ o pudip ia cen ban patai ie are.”

PEMUYAN 17:33

Ngan puyan pekina, sulo kenai Paulus mecin ida.

PEMUYAN 2:13

Un dau palai diaʹ ca ngetepet dau neng diaʹ ngelan Tuhan dina kuma: “Seʹ kelunan dini mabuk pekele.”

PEMUYAN 24:25

Dalau Paulus badaʹ neng puyan peneneng, ngan puyan mulen pengubaʹ usa, ngan neng Tau Ukum iaʹ ke nai uʹo, tai takut ne Pilik, un dau ue: “Sukat ne ina Paulus. Naʹkini tai ne ikoʹ uleʹ kaʹ amin sepin te laʹa. Buk un biʹen le laʹa, akeʹ mengin te ikoʹ ʹo.”

PEMUYAN 25:19

Bang iaʹ ukoʹ de ban pesakat ngan Paulus neng palai adet de tengen, laʹa neng ca kelunan ngadan ne Yesus, iaʹ ban matai ina, iaʹ numpak nai mudip, baʹan dau Paulus.

PEMUYAN 26:8

Moʹ inu hem lepoʹ Yahudi abeʹ un kimet ke ngelan ban Allah iaʹ pudip kelunan matai?

1 KURINTUS 1:23

Un sepe ilu dini ke pedenga Keristus iaʹ lepa ngediding neng usun kayu tecek, iaʹ ina ca puyan iaʹ mpeng me kelunan Yahudi, ngan ca apaʹ me kelunan diaʹ ca.

1 KURINTUS 15:12

Lan ne ilu pedenga puyan Keristus numpak mudip cen patai. Moʹ inu palai mikem kuma ha abeʹ un puyan diaʹ lepa matai ke numpak mudip laʹa?

1 KURINTUS 4:10

Ameʹ dini seleket kelunan diaʹ apaʹ ban tuman Keristus, un sepuʹo ikem diaʹ kelunan tudi dalem Keristus. Ameʹ dini iaʹ lemaʹ, ngan ikem iaʹ pali. Muau dulu neng ameʹ, un sepuʹo ikem iaʹ dulu ke nyelama.

2 KURINTUS 6:2

Ngeringa dau Allah cen Kitap iaʹ kuma ha: “Jakaʹ un tekaʹ pengelesau heʹ, akeʹ kenahan dau hem. Tegoʹ tau iaʹ akeʹ pudip kelunan, akeʹ lesau ikem.” Ngeringa tiga, moʹ tegoʹ naʹkini un iaʹ marung ke alaʹ pengelesau Tuhan Allah. Tau ini iaʹ tau marung ke alaʹ udip dalem Tuhan.

IBERANI 11:36

Dulu nyepuhoʹ ngan lemeta palai. Un pelaʹa dulu ngaput ngan nyepin palai.

IBERANI 13:13

Uban ne pekina, tiga ne ilu tai palaʹ Yesus tahaʹ awang lepoʹ, ngan kahum ngan ne dalem puyan penyaʹe he tegoʹ dulu lemanyaʹ ilu.