PEMUYAN 17:31 - Kenyah New Testament

³¹ Moʹ lepa ne Allah petuket ca tau kukoʹ o ke pebetep ukum bayaʹ ban peneneng nge neng mung kelunan kusun tanaʹ ini. Allah ke kanan ca kelunan iaʹ lepa ia lemileʹ. Allah peluhaʹ milu mung ban lan ne lepa lemileʹ ia, moʹ o pudip ia cen ban patai ie are.”

PEMUYAN 17:31 Iomraidhean Croise

MATIUS 10:15

Ikem nawai le, tegoʹ Tau Bioʹ Allah ke metep ukum kusun tanaʹ ini, bio pengelesau Allah neng lepo Sudum ngan lepo Gumura neng ʹo pengelesau ue neng lepoʹ dina are.”

MATIUS 24:14

Ngan Denga Injil neng puyan pengaren Allah ke ngaren ilu kelunan, atek ke tai denga pa tipo usun tanaʹ ini, apan mung kelunan ke tisen tugen neng idi. Uʹo ina le kenai pengelepa ha.”

LUKAS 22:22

Moʹ akeʹ iaʹ Anak Sio ini ke matai bayaʹ tengangan tuket ceʹ kuʹun Allah. Un sepuʹo, siʹau pe laki iaʹ tai nyelem pebeli akeʹ ne.”

YAYA 12:48

Aheʹ iaʹ nyekang akeʹ ngan abeʹ un alaʹ dau katuk keʹ, un lete ca iaʹ ke metep ukum neng ia. Isiu iaʹ akeʹ lepa badaʹ, ina iaʹ ke metep ukum neng ia tegoʹ tau iaʹ ke bayaʹ ʹo.

YAYA 16:10

Ngan ida salaʹ pekimet puyan iaʹ teneng, uban akeʹ ketai palaʹ Amai Bioʹ, ngan abeʹ kem ke taʹan akeʹ laʹa.

YAYA 5:27

Ngan ia lepa naʹ me Anak ke penyukat iaʹ ke pebetep ukum, uban ia iaʹ Anak Sio.

PEMUYAN 17:18

Un palai diaʹ guru katuk Ipikuri ngan diaʹ guru katuk Stuiki nai paseʹ ngan Paulus, kun dau re: “Inu baʹan dau laki iaʹ tipan petiraʹ ini nuran nuran dau pisiu tupe?” Un dau diaʹ ca pelaʹa: “Masaʹ kenai ie pelibut denga bali uyat dulu diaʹ cen coʹ taʹin.” Ida pekina dau moʹ Paulus pedenga Yesus ngan puyan kelunan diaʹ matai nai numpak mudip.

PEMUYAN 17:32

Dalau re kenahan dau Paulus badaʹ neng puyan kelunan matai ban nai numpak mudip ne, un palai petawa ngetepet ia. Ngan un palai diaʹ ca pelaʹa kuma ha: “Ubaʹ meʹ ke kenahan dau hoʹ badaʹ puyan ini ca liwai laʹa ʹo.”

PEMUYAN 17:6

Naʹ pe pekina, abeʹ de petegoʹ ngan Paulus de dua Silas. Kun nte mihit Yasun pemung ngan palai cenganak le dalem Tuhan tai nyeripa perinta lepoʹ ina, mentung nte ngelengap, kun dau re: “Dini kelunan diaʹ lepa ngasing usun tanaʹ ini, un pe kenai re abeʹ kaʹ lepoʹ ilu ne.

PEMUYAN 2:32

Atek Yesus ina lete iaʹ ban Allah lepa pudip neng ca udip iaʹ tumpak laʹa. Neng puyan ne, mung meʹ dini diaʹ badaʹ tugen kidi.

PEMUYAN 4:10

tiga hem mung tisen kidi. Tekep ketoʹ lepoʹ Israil tai tisen, ban laki iaʹ nai nekejeng kata ikem ini, lepa maget lan ne ia kuʹun penyukat dalem Yesus Keristus, lepoʹ Nasarit, iaʹ ikem ban lematai neng kayu tecek idai, ngan Allah iaʹ ban pudip ia cen patai ie.

RUM 2:16

Pekina lete tegoʹ Tau Bioʹ ʹo, Allah ke kanan Yesus Keristus ngan ke pebetep dau neng mung kimet selem kelunan ʹo. Pekuaʹ ngan dina lete dau Denga Injil iaʹ akeʹ badaʹ ini.

RUM 2:5

Un sepuʹo caʹ mahing ngan sepati seʹ kimet cem. Neng puyan iaʹ pekina, seʹ kem mepit ukum neng usa hem tegoʹ Tau ia, ke peluhaʹ kenca Allah ngan ukum me iaʹ teneng ina.

1 KURINTUS 4:5

Tuman ina, abeʹ kem tekep ke pebetep dau neng kelunan aheʹ aheʹ pe nekena neng tau ue iaʹ tekep. Puyan iaʹ ke pebetep dau neng kebayaʹ a ʹo, abeʹ e nai luhaʹ pa ke kenai Tuhan ʹo. Puyan iaʹ kelunan nyuhuk dalau ntem, idi Tuhan ke peluhaʹ palaʹ iaʹ dema. Tuhan ke pungkaʹ puyan sedep iaʹ un suhuk dalem kimet kelunan. Dalau ina Tuhan Allah ke pada kelunan, singket usa re, bayaʹ ban puyan nte iaʹ tekep.

2 KURINTUS 5:10

Moʹ mung le lete iaʹ atek ke ngejuma Keristus, apan ia ke metep tiraʹ iaʹ marung neng ilu. Singket usa le ke alaʹ suaʹ iaʹ tekep bayaʹ ban pemuyan le ngajan pengudip le neng usa le, mele pemuyan ne tiga, mele pemuyan ne jaʹat pe.

2 TIMUTIUS 4:1

Lan lan dau heʹ pisiu ikoʹ neng juma Allah ngan Keristus Yesus, iaʹ ke pebetep dau neng mung kelunan diaʹ mudip, ngan diaʹ lepa matai. Ngan dalem puyan kenai Yesus, ngan dalem puyan pengaren ne ke ngaren ilu kelunan, dau heʹ cuk ikoʹ:

IBERANI 6:2

ngan naʹan naʹan batis, ngan puyan napoʹ ujoʹ, ngan puyan diaʹ lepa matai nai beteʹ, ngan puyan ukum iaʹ pa majan ʹo.

2 PETERUS 3:7

Un sepuʹo langit ngan tanaʹ iaʹ un naʹkini, Allah petenup ke nasaʹ a man luten bayaʹ ʹo, kuʹun dau tiraʹ a lete. Seʹ tanaʹ ini lelum kena, pa kenai tau iaʹ ke pebetep ukum ngan ke nasaʹ mung kelunan diaʹ muau Allah.