PEMUYAN 17:30 - Kenyah New Testament

³⁰ Toʹ ngajan kelunan turan mudip are, abeʹ Allah un situk kidi. Un sepuʹo, naʹkini Allah cuk mung kelunan kempi kempi ke nesen ngan nyepuleʹ kimet de cen puyan jaʹat de.

PEMUYAN 17:30 Iomraidhean Croise

MATIUS 20:7

Un dau re mipa ia: ‘Moʹ abeʹ un aheʹ iaʹ alaʹ ameʹ pegayeng.’ Un dau laki bioʹ ina neng ida: ‘Buk ke pekina, tai ne ikem pegayeng kaʹ banit anggur nceʹ te.’

MATIUS 3:2

Un dau Yaya: “Nyepuleʹ ne kimet cem cen penyalaʹ kem. Abeʹ e majan laʹa kenai luhaʹ ne puyan pengaren Tuhan Allah ke ngaren ilu kelunan.”

MATIUS 4:17

Cen dalau ina Yesus nading ke penco badaʹ katuk ke, pekini dau ue: “Nyepuleʹ ne kimet cem cen penyalaʹ kem, ban abeʹ majan laʹa kenai luhaʹ ne puyan pengaren Tuhan Allah ke ngaren ilu kelunan.”

MARKUS 1:15

Un dau Yesus: “Lepa abeʹ ne tau ue, ngan nyeng ne puyan pengaren Allah ke ngaren ilu kelunan. Nesen ne ngan nyepuleʹ kimet cem cen penyalaʹ kem, sulo ngelan Denga Injil ini.”

MARKUS 6:12

Sulo tai re penco katuk ke payo kimet kelunan, apan nte ke nyepuleʹ kimet de cen penyalaʹ de.

LUKAS 13:5

Abeʹ e pekina. Lan dau heʹ mikem, buk kem abeʹ un nyepuleʹ kimet cen penyalaʹ kem, ngan nai bayaʹ Allah, atek kem mung ke matai pekina ʹo.”

LUKAS 15:10

Un dau Yesus laʹa: “Dau heʹ mikem, pekina lete bangen laleʹ diaʹ melikat Allah, moʹ ban kuʹun ca le usa kelunan penyalaʹ iaʹ nesen ngan nyepuleʹ kimet te.”

LUKAS 24:47

Moʹ kuʹun ngadan ne, atek le ke menco katuk neng puyan nesen ngan nyepuleʹ kimet, pekina pe neng puyan sau penyalaʹ me ketoʹ lepoʹ kusun tanaʹ ne, tading nge cen Yerusalim.

PEMUYAN 11:18

Uʹo re kenahan dau Peterus pekina, tai benaʹa ne ida, penco tai re pempau Allah, mentung dau re: “Buk pekina, seʹ Allah mawang ca janan me dulu diaʹ tahaʹ awang Yahudi, ukoʹ de nesen ngan nyepuleʹ kimet de, iaʹ tai palaʹ udip dalem Tuhan.”

PEMUYAN 14:16

Cen naʹaʹ Allah pedayo mung dulu tai bayaʹ pengubaʹ de tengen.

PEMUYAN 17:23

Moʹ dalau ketai heʹ masat ngalang lepoʹ kem are, akeʹ taʹan mung inu iaʹ ukoʹ kem ban naʹ temameʹ kem. Un pe akeʹ tegoʹ ca padung liwa iaʹ un surat pekini dau ue: ‘Palaʹ Allah iaʹ ilu abeʹ un tisen.’ Inu iaʹ ikem lemameʹ ngan abeʹ un tisen ina, idi iaʹ akeʹ ubaʹ ke penco badaʹ mikem.

PEMUYAN 20:21

Palaʹ lepoʹ Yahudi, pekina pe palaʹ lepoʹ Gerika, akeʹ nyebelang badaʹ ngan tugen dau neng puyan nyepuleʹ cen penyalaʹ tai palaʹ Allah, ngan puyan ngelan Tuhan le Yesus.

PEMUYAN 3:19

Moʹ ina, nesen ne, ngan nyepuleʹ kimet cem palaʹ Allah, idi ie ke musoʹ sau penyalaʹ kem. Laʹa idi hem ke un ca iaʹ ke nyengim udip kem, iaʹ ban nai cen juma Tuhan.

RUM 1:28

Moʹ de abeʹ un ubaʹ kanan tiraʹ iaʹ lan, iaʹ badaʹ ban puyan Allah, kun Allah pedayo ida tai bayaʹ kimet de iaʹ pejugau ngan iaʹ jaʹat, ina ukoʹ de uyan puyan iaʹ abeʹ un tekep.

RUM 2:4

Pamoʹ pe ikem pesingo neng pengelesau iaʹ Allah lebang naʹ milu, ngan dadoʹ saheʹ e, ngan denaʹ tawai ie. Tekep kem tisen inu ukoʹ Allah ban lesau ikem, moʹ o ten ke ngkin ikem nyepuleʹ kimet cem cen penyalaʹ kem.

RUM 3:23

moʹ mung le ban uyan penyalaʹ ngan tai coʹ tepa le neng serema peniga Allah.

RUM 3:25

Allah ban mencai Yesus ca ncai petutung, iaʹ ukoʹ ke uyan udip iaʹ ke menting kenca Allah ke nai sihoʹ ilu kelunan, bayaʹ ban pengelan nte neng ia. Pekina Allah mencai Yesus, idi ie peluhaʹ janan ne ke peteneng ilu tai teneng ngan ne. Cen naʹaʹ kena kenai Yesus, Allah ban mekep penyalaʹ kelunan ngan denaʹ tawai ie.

2 KURINTUS 7:10

Moʹ pengebampa iaʹ Allah kanan senteng uyan kimet le tai pekaliu, sulo ngkin ilu palaʹ udip dalem Tuhan. Abeʹ le nesen kuʹun puyan ina. Di lareʹ puyan pengebampa kusun tanaʹ ini iaʹ ngkin kelunan palaʹ patai.

1 PETERUS 4:3

Moʹ sukat majan ne ikem lepa penco pemuyan adet dulu diaʹ muau Tuhan, udip kem dalau hem ban mudip dalem puyan pemung nyelem, ngan asam pengubaʹ usa, mabuk, ngan penta neng iaʹ jaʹat, ngan betisep, ngan ngelan palaʹ uyat.