PEMUYAN 17:28 - Kenyah New Testament

²⁸ Koʹ baʹan dau palai mikem iaʹ mencam mipet are: ‘Dalem Allah lete ilu mudip, ngan ngala, ngan un.’ Un pelaʹa dau re: ‘Moʹ ilu iaʹ uban mela cen Allah lete.’

PEMUYAN 17:28 Iomraidhean Croise

KULUSE 1:17

Kena inu inu un, Keristus lepa un. Ngan ban tuman gaham Keristus, mung inu un neng ukoʹ de.

IBERANI 1:3

Ia iaʹ nyerema serema peniga Allah lete. Ia iaʹ seleket uban peluhaʹ layen Allah lan, ngan ia lete iaʹ ngkang mung inu kusun langit ngan tanaʹ man isiu nyingan ne. Lepa ha uyan puheʹ man muheʹ penyalaʹ kelunan, sulo ho madung kaʹ surga tahaʹ taʹu Allah iaʹ atek Bioʹ Nyingan.

LUKAS 20:38

Un sen dau ina badaʹ ban ia atek Allah neng kelunan iaʹ mudip. Abeʹ e Allah neng kelunan iaʹ matai, moʹ ketoʹ de telu mudip me Allah.”

YAYA 5:26

Ukoʹ baʹan Amai ina tengen iaʹ puʹun udip, kuaʹ ina lete ia uyan Anak ke iaʹ puʹun udip.

YAYA 11:25

Dau Yesus neng Marta: “Akeʹ iaʹ pudip kelunan diaʹ matai, ngan akeʹ pe ngkin udip mida. Buk aheʹ diaʹ ngelan neng akeʹ, kenuen pe ia matai, atek ke nai mudip lete.

IBERANI 12:9

Buk le pekimet amai le neng puyan le kelunan, ida ngenca pekatuk ilu, ngan ilu nyelumuk ida. Moʹ ina nco tekep pe laʹa ilu tunuk palaʹ Amai le neng puyan udip berua le, idi le ke mudip.

LUKAS 3:38

anak Inus, anak Set, anak Adem, anak Allah.

TITUS 1:12

Un dau ca pegawa diaʹ cen tanaʹ Keriti lete, iaʹ lepa kuma ha: “Kelunan diaʹ kaʹ tanaʹ Keriti puto laleʹ le ida lemalo. Ida ne iaʹ koʹ baʹan pun jaʹat, ngan kelunan leko ngan tutun.”

IBERANI 2:11

Yesus iaʹ muheʹ kelunan cen penyalaʹ de. Ngan ia, pemung ngan kelunan diaʹ tai buheʹ dina, mung nte un ca le Amai re. Ina ukoʹ Yesus abeʹ un saʹe ke ngahaʹ ida diaʹ cenganak ke.