PEMUYAN 17:24 - Kenyah New Testament

²⁴ Tuhan Allah iaʹ uyan tanaʹ ini ngan mung inu iaʹ un dalem me. Ia ne iaʹ Tuʹa neng usun langit ngan tanaʹ. Abeʹ e ngelineʹ neng umaʹ palan uyat iaʹ ban kelunan uyan.

PEMUYAN 17:24 Iomraidhean Croise

MATIUS 11:25

Dalau ina, un dau Yesus: “Ahaʹ Amai, Tuhan iaʹ ngkang langit ngan tanaʹ, akeʹ nyuaʹ tiga saheʹ palaʹ ikoʹ ban inu iaʹ ikoʹ nyuhuk neng kelunan diaʹ tudi ngan diaʹ mencam, idi iaʹ ikoʹ ban peluhaʹ me kelunan diaʹ are un pengencam.

MATIUS 5:34

Un sepuʹo iaʹ akeʹ ke badaʹ mikem naʹkini, ayen peletoʹ uyan santet neng inu inu buk kem ke patek isiu hem. Ayen ncem nyantet man ngadan langit, ban langit ina adan pengaren Allah;

LUKAS 10:21

Dalau laho ina lete, Berua Buheʹ nyangan bangen neng penawai Yesus, kun dau ue: “Ahaʹ Amai, ikoʹ iaʹ Tuʹa Bioʹ neng usun langit ngan tanaʹ. Akeʹ nyuaʹ tiga saheʹ neng ikoʹ Amai, moʹ un puyan iaʹ ikoʹ nyuhuk neng diaʹ penudi ngan pengencam lepoʹ, seʹ koʹ peluhaʹ a keneng diaʹ un tebelum, koʹ baʹan anak dumit neng amai. Ahaʹ Amai, moʹ puyan diaʹ pekina marung neng pengubaʹ koʹ, ngan dengkep neng penaʹat coʹ.

YAYA 1:1

Kena Allah nyelung uyan tanaʹ ini, un ca Laki iaʹ koʹ baʹan Tiraʹ cen kimet Allah. Tiraʹ ini un pemung ngan Allah. Atek kuaʹ Allah lete Tiraʹ ini pe.

PEMUYAN 14:15

Kun dau re dua: “Ahaʹ amai amai, inu adeʹ kem uyan puyan ini tupe? Kelunan tuaʹ lete ameʹ dini, koʹ baʹan ikem ne. Nai meʹ badaʹ Denga Injil mikem, apan ncem ke lepo puyan iaʹ abeʹ un tuman tuman ini ʹo, ngan nai piwaʹ palaʹ Allah iaʹ atek mudip, iaʹ uyan langit, ngan tanaʹ, ngan banget, ngan ketoʹ diaʹ kedalem me.

PEMUYAN 4:24

Tegoʹ cenganak de dalem Tuhan dina kenahan dau ina, penco re pemung lemameʹ palaʹ Allah ngan ca le penawai re: “Ahaʹ Tuhan, ikoʹ lete iaʹ uyan langit, ngan tanaʹ, ngan banget, ngan mung iaʹ un dalem mo.

PEMUYAN 7:48

“Un Allah iaʹ Atek Mpau ina, abeʹ pe ia ngelineʹ neng amin iaʹ ban nuyan man ujoʹ kelunan. Koʹ baʹan tiraʹ pegawa iaʹ pekini dau ue:

RUM 1:19

Allah ke ngukum ida dina moʹ de nyekang penisen iaʹ Allah ban mencai milu mung, moʹ lepa ne Allah peluhaʹ a mida.

IBERANI 1:2

Un sepuʹo ngajan ini, dalau ketai kuʹo udip ini, Allah lepa pisiu me ilu man Anak ke. Ia lete iaʹ Allah lepa kanan man uyan mung langit ngan tanaʹ ini. Ia lete iaʹ Allah lemileʹ apan ne ke un mung inu tegoʹ ketai kuʹo udip ini ʹo.

IBERANI 3:4

Tisen te ilu ban singket amin tai pedeng kuʹun ca kelunan, un sepuʹo Allah iaʹ lepa medeng mung inu.

PUYAN LUHA’ 20:11

Uʹo ina akeʹ taʹan ca padung pengaren iaʹ bioʹ ngan puteʹ. Un ca usa madung kidi. Un tanaʹ ngan langit tai pesau kata ia. Abeʹ le taʹan ne laʹa.