PEMUYAN 17:2 - Kenyah New Testament

² Koʹ baʹan kelayan ne, tai Paulus kedalem pemung ngan nte kina. Dalem telu mingku, singket Tau Kelineʹ, Paulus pata petiraʹ ngan nte, mentung nge badaʹ katuk cen isiu dalem Kitap Tuhan.

PEMUYAN 17:2 Iomraidhean Croise

MATIUS 26:24

Anak Sio ini ke matai bayaʹ ban dau Kitap, un sepuʹo siʹau pe kelunan iaʹ ke mencai Anak Sio ini ʹo. Pulang tiga kelunan ina abeʹ un nai pempet cen kena are.”

LUKAS 4:16

Uʹo ina tai kun Yesus abeʹ kaʹ lepoʹ Nasarit, kukoʹ o ban mudip cen dalau ue iʹut te. Tegoʹ Tau Kelineʹ, tai ie kedalem amin sebayang Yahudi, koʹ baʹan kelayan ne. Kun ne nekejeng ke baca surat.

YAYA 18:20

Dau Yesus mipa: “Lemuto te akeʹ lepa pisiu neng peng dulu mung. Ketoʹ katuk keʹ lepa nuyan dalem amin sebayang, ngan dalem Umaʹ Palan, kukoʹ ketoʹ kelunan Yahudi malai nai pepeng are. Abeʹ keʹ un pisiu inu inu ne neng iaʹ suhuk.

PEMUYAN 13:14

Ketai Paulus ngan Barnabas penco masat cen Perga pa abeʹ kaʹ Antiukia kaʹ tanaʹ Pisidia. Sulo ketai re madung kedalem amin sebayang Yahudi tegoʹ Tau Kelineʹ.

PEMUYAN 13:5

Dalau re abeʹ kaʹ lepoʹ Salamis, kun nte badaʹ tiraʹ Allah dalem amin sebayang Yahudi. Un Yaya Markus, ia mepo ida dua.

PEMUYAN 14:1

Kuaʹ koʹ baʹan puyan ina are pelaʹa kaʹ lepoʹ Ikunium. Tai Paulus de dua Barnabas kedalem amin sebayang Yahudi. Kun nte dua penco pekatuk kidi. Kadoʹ dulu nai ngelan Tuhan, un pe Yahudi, pekina pe lepoʹ diaʹ ca.

PEMUYAN 17:10

Kiʹan ketai tahup kun diaʹ cenganak le dalem Tuhan dina cuk Paulus ngan Silas tai kaʹ lepoʹ Beria. Dalau tai re abeʹ kaʹ Beria, penco ketai re kedalem amin sebayang Yahudi.

PEMUYAN 17:17

Ina ukoʹ Paulus pata petira dalem amin sebayang Yahudi me lepoʹ Yahudi ngan dulu diaʹ ca diaʹ temek lemameʹ palaʹ Allah bayaʹ Katuk Adet Musa. Pekina pe kenai ie petiraʹ kaʹ pasen, singket tau ne tai ie ngejahi dulu, mele aheʹ nai ngan ne.

PEMUYAN 18:4

Singket Tau Kelineʹ ne tai Paulus pata petiraʹ dalem amin sebayang Yahudi, moʹ o ubaʹ lepoʹ Yahudi ngan lepoʹ Gerika ke mayo nai ngelan.

PEMUYAN 19:8

Un Paulus, tai kun ne kaʹ amin sebayang Yahudi, mentung nge pisiu ngan tempa dau ue. Telu bulan majan ne pata petiraʹ ngan petisen ida neng puyan pengaren Allah ngaren kelunan.

PEMUYAN 24:25

Dalau Paulus badaʹ neng puyan peneneng, ngan puyan mulen pengubaʹ usa, ngan neng Tau Ukum iaʹ ke nai uʹo, tai takut ne Pilik, un dau ue: “Sukat ne ina Paulus. Naʹkini tai ne ikoʹ uleʹ kaʹ amin sepin te laʹa. Buk un biʹen le laʹa, akeʹ mengin te ikoʹ ʹo.”

PEMUYAN 28:23

Ina ukoʹ de nengangan uyan tebuku ngan Paulus, tau re kenai pempun kata ia. Kadoʹ kenai lepoʹ Yahudi neng tau idi. Cen mempam pa ketai ie tahup, Paulus nyituk badaʹ dau katuk ke mida neng puyan pengaren Allah ngaren ilu kelunan. Kun ne badaʹ cen Kitap Katuk Adet Musa, pekina pelaʹa cen Kitap diaʹ Pegawa. Man dina ha ten ke payo ida ke ngelan neng Yesus.

PEMUYAN 8:35

Sulo Pilipus badaʹ mia cen tading jo isiu dalem Kitap ina are, kun ne badaʹ Denga Injil neng puyan Yesus.

PEMUYAN 9:20

Tegoʹ ina pe, ketai ie kedalem amin sebayang Yahudi. Kina Saul badaʹ denga Yesus iaʹ atek Anak Allah.

1 KURINTUS 15:3

Dau iaʹ akeʹ pelawa mikem are, ia ne iaʹ akeʹ lepa alaʹ lete, ca puyan iaʹ atek bioʹ, iaʹ ina Keristus ban matai tuman penyalaʹ le, bayaʹ dau Kitap.