PEMUYAN 17:12 - Kenyah New Testament

¹² Kadoʹ de nai ngelan, un pe leto Gerika iaʹ kayaʹ, ngan kadoʹ pe laki re nai.

PEMUYAN 17:12 Iomraidhean Croise

YAYA 7:17

Aheʹ iaʹ un tekaʹ kimet ubaʹ ke ti pengubaʹ Allah, kelunan ina iaʹ ke tisen cen mpi kenai katuk keʹ, atek cen Allah buk ke are cen penyukat ceʹ tengen.

PEMUYAN 13:46

Un Paulus ngan Barnabas makang kuʹo ke dau re dua pisiu. Kun dau re dua: “Tekep ne ameʹ nekena badaʹ tiraʹ Allah ini mikem. Un sepuʹo ikem nyekang tiraʹ Allah. Dalem puyan ina, seʹ kem ubaʹ ngukum usa hem tengen ne ina. Tepa ne ikem neng udip saheʹ keline iaʹ ngeriman. Ina iaʹ ukoʹ meʹ lepo ikem. Tai kun meʹ palaʹ dulu diaʹ tahaʹ awang Yahudi.

PEMUYAN 13:50

Un palai lepoʹ Yahudi pekana neng diaʹ lataʹ lepoʹ ina, peging ngan leto diaʹ paren lepoʹ ina diaʹ sebayang palaʹ Allah dina. Pekina seʹ tading nte ubaʹ ke nyakit Paulus ngan Barnabas, penco re muyung ida dua tai kelap cen lepoʹ de.

PEMUYAN 14:1

Kuaʹ koʹ baʹan puyan ina are pelaʹa kaʹ lepoʹ Ikunium. Tai Paulus de dua Barnabas kedalem amin sebayang Yahudi. Kun nte dua penco pekatuk kidi. Kadoʹ dulu nai ngelan Tuhan, un pe Yahudi, pekina pe lepoʹ diaʹ ca.

PEMUYAN 2:47

mentung nte pempau Allah, ngan sihoʹ neng pengubaʹ lepoʹ ina mung. Singket tau ne Tuhan ngepit Mpun nte kuʹun dulu diaʹ tisen puyan iaʹ pudip ida dalem Tuhan.

1 KURINTUS 1:26

Ahaʹ cenganak cenganak keʹ, nawai tiga neng puyan ngadan ncem cen kena are, cen tading Allah mengin ikem are. Abeʹ pia kadoʹ kelunan neng ahang ikem iaʹ dulu kuma ha tudi ngan mencam kusun tanaʹ ini, ngan diaʹ ngkang penyukat, ngan diaʹ paren pe.

IPESUS 5:14

Buk de tai tisen ban salaʹ de moʹ kuʹun dema, ina iaʹ menat ida nai tabin neng dema. Ina ukoʹ pekini dau katuk: “Taga ne ikem diaʹ luntoʹ, beteʹ ne cen ahang diaʹ matai. Ngan Keristus iaʹ ke ngedema ikem.”

YAKUP 1:10

ngan pekina lete cenganak le diaʹ kayaʹ, tegoʹ Allah ke pelibaʹ ia. Uban diaʹ kayaʹ ketai salai koʹ baʹan piu udu kaʹ baʹi.

YAKUP 1:21

Tuman ina, ngerada ne usa hem cen singket naʹan puyan iaʹ jameng, ngan singket naʹan puyan adet jaʹat iaʹ petem nyalit neng ikem. Tunuk ne palaʹ Allah, ngan alaʹ tiraʹ iaʹ ia ke mula dalem penawai hem. Tiraʹ ina iaʹ senteng ke pudip ikem.