PEMUYAN 17:11 - Kenyah New Testament

¹¹ Un dulu diaʹ kina, tiga ban saheʹ de neng ʹo ida diaʹ kaʹ Tisalunika didai are, moʹ pesik ban penawai re. Ida ngeringa ngan alaʹ tiraʹ Tuhan ngan bangen tawai re. Singket tau ne ida nudep baca isiu dalem Kitap Tuhan, nugen buk lan dau ban Paulus ne.

PEMUYAN 17:11 Iomraidhean Croise

MATIUS 13:23

Un sepe beneʹ diaʹ laboʹ kaʹ tanaʹ iaʹ tiga, koʹ baʹan kelunan diaʹ ngeringa katuk ina ngan mentung nte ngetisen sen ne. Penco re un buʹan. Un pe diaʹ tai mato, ngan un pe diaʹ nem puloʹ, ngan un pe diaʹ telu puloʹ.”

LUKAS 1:2

Lepa ne ida nyurat te koʹ baʹan dau iaʹ dulu nai badaʹ milu are. Moʹ diaʹ badaʹ a dina, lepa ne ida taʹan puyan Yesus man mata re tengen, dina, lepa ne ida taʹan puyan Yesus man mata re tengen, cen penading nge. Ida lete diaʹ ban penco katuk ina.

LUKAS 11:3

Naʹ mameʹ, singket tau ne, penguman iaʹ sukat ke penguman meʹ.

LUKAS 16:29

“Un dau Ibrahim: ‘Un te Kitap Musa ngan Kitap Pegawa Tuhan kata ida, ina iaʹ senteng ke mulen diaʹ cenganak koʹ dina. Tiga pe buk de kanan dau ue.’

LUKAS 24:44

Uʹo ina un dau Yesus mida: “Puyan ini lete iaʹ akeʹ badaʹ mikem dalau heʹ pemung ngan ncem are. Pekini dau heʹ are: Ketoʹ tiraʹ iaʹ ida badaʹ ke sihoʹ akeʹ dalem Katuk Adet Musa, pekina pe dalem Kitap Pegawa Tuhan, pekina pe dalem Kitap Kentau Masmur, atek ke palup mung.”

YAYA 3:21

Un sepuʹo aheʹ iaʹ ti puyan iaʹ telit lan, ia ubaʹ nai palaʹ dema apan dema ina ke peluhaʹ diseʹ pemuyan ne telit bayaʹ dau Allah.

YAYA 5:39

Ikem pekalai Kitap uban ncem kuma dalem surat dina hem ke alaʹ udip saheʹ kelineʹ iaʹ ngeriman, ngan surat dina tengen ke badaʹ tugen neng akeʹ.

PEMUYAN 10:33

Dalau ina heʹ cuk dulu nai mengin ikoʹ. Tiga ha puʹo moʹ koʹ ban nai. Ina ukoʹ meʹ mung un pempun naʹkini ngejuma Tuhan Allah, moʹ meʹ ke ngeringa mung tiraʹ iaʹ Tuhan lepa cuk ikoʹ nai badaʹ mameʹ.”

PEMUYAN 11:1

Kun diaʹ lawa Injil ngan mung cenganak dalem Tuhan diaʹ tipo tanaʹ Yudia kenahan dau denga lepoʹ tahaʹ awang Yahudi ban nai ngelan tiraʹ Allah.

PEMUYAN 17:1

Ketai Paulus de dua Silas pelapa dalau lepoʹ Apipulis, ngan lepoʹ Apulunia, abeʹ ne ida dua kaʹ lepoʹ Tesalunika. Kaʹ ina un amin sebayang Yahudi.

PEMUYAN 2:41

Kadoʹ de kina diaʹ ngelan dau katuk ke, sulo re alaʹ batis nuʹo. Tegoʹ tau ina, kadoʹ de, kihoʹ kihoʹ telu ibu usa, iaʹ nai ngepit neng mpun nte.

1 TESALUNIKA 1:6

Lepa ne ikem katap puyan meʹ ngan puyan Tuhan le. Kenuen pe ikem tuyen laleʹ, ikem alaʹ Denga Injil peging ngan bangen iaʹ nai cen Berua Buheʹ.

1 TESALUNIKA 2:13

Ca laʹa pukoʹ meʹ lemuto pempau Allah, moʹ dalau meʹ nai badaʹ katuk Allah palaʹ ikem are, ikem ngeringa ha, sulo alaʹ a. Abeʹ kem alaʹ a kuaʹ baʹan katuk kelunan are, di lareʹ katuk Allah idi lan lete ina. Moʹ lan lete Allah iaʹ pegayeng dalem ikem diaʹ ngelan katuk ina.

2 TESALUNIKA 2:10

Ia ke pelingu kelunan diaʹ ketai tasaʹ kuʹun aken ne iaʹ jaʹat ina. Kelunan dina ke tasaʹ, moʹ de leko ke alaʹ katuk iaʹ telit, ngan leko ke malaʹ a, apan nte ke tisen puyan iaʹ ke pudip ida dalem Tuhan.

YAKUP 1:21

Tuman ina, ngerada ne usa hem cen singket naʹan puyan iaʹ jameng, ngan singket naʹan puyan adet jaʹat iaʹ petem nyalit neng ikem. Tunuk ne palaʹ Allah, ngan alaʹ tiraʹ iaʹ ia ke mula dalem penawai hem. Tiraʹ ina iaʹ senteng ke pudip ikem.

1 PETERUS 2:2

Koʹ baʹan anak bala iaʹ ngebaʹan iteʹ, tiga hem muhang tekaʹ ke ngebaʹan tiraʹ iaʹ seleket telang iteʹ iaʹ buheʹ me berua hem, apan cen puyan ncem nisep ina kenai telancek pengudip kem, idi hem tisen puyan iaʹ ke pudip ikem dalem Tuhan.