PEMUYAN 16:9 - Kenyah New Testament

⁹ Alem ina Paulus taʹan neng penaʹat te, idi diseʹ ca usa lepoʹ Makedunia nekejeng, naten mengin ia kuma: “Baka, nai ne pelawat, nai mepo ameʹ ading.”

PEMUYAN 16:9 Iomraidhean Croise

PEMUYAN 10:3

Un ca tau ue, kihoʹ kihoʹ jam telu tai tahup, kun ne taʹan dalem penaʹat te ca usa melikat Allah nai palaʹ ia, mentung dau ue neng ia: “Kurnilius.”

PEMUYAN 10:30

Un dau Kurnilius: “Ini ne kepat tau ue uʹo heʹ lemameʹ Tuhan kaʹ amin nceʹ ne, dalau jam telu tai tahup. Belekaʹ nai ca usa kelunan nekejeng nyeripa akeʹ, ngan to serema seʹ gelam me.

PEMUYAN 16:10

Lepa Paulus taʹan neng penaʹat ina are, un tekaʹ meʹ lan ban Allah iaʹ mengin ameʹ kaʹ ina ke badaʹ Denga Injil palaʹ lepoʹ Makedunia. Penco meʹ petenup ketai kaʹ tanaʹ Makedunia.

PEMUYAN 16:12

Cen ina ketai meʹ metik sungai kaʹ lepoʹ Pilipi. Ina ca lepoʹ iaʹ paren kaʹ tanaʹ Makedunia te. Lepoʹ ina kukoʹ lepoʹ Rum diaʹ ban nai bulak. Neng lepoʹ ini un pe kudaʹ kudaʹ tau pe majan meʹ ngelineʹ kidi.

PEMUYAN 18:5

Tegoʹ kenai Silas ngan Timutius abeʹ cen tanaʹ Makedunia, un Paulus abeʹ un kelineʹ kelineʹ e penco tiraʹ Tuhan, mentung tugen dau ue badaʹ me lepoʹ Yahudi ban Yesus ina lete iaʹ atek ngkang pungu udip ne.

PEMUYAN 19:21

Lepa ne puyan ina uʹo, un tekaʹ kimet Paulus ubaʹ ke tai masat pa tipo tanaʹ Makedunia ngan tanaʹ Gerika. Uʹo ina ha ngimet ketai kaʹ Yerusalim. Kun dau ue: “Buk keʹ tai abeʹ kaʹ ina ʹo, atek keʹ ketai naʹat tanaʹ Rum lete.”

PEMUYAN 19:22

Ina ukoʹ o cuk dua usa diaʹ uban pegayeng ngan ne tai nekena kaʹ tanaʹ Makedunia, dua dina ne Timutius ngan Irastus. Dalau ina, ngelineʹ ne Paulus kaʹ dale. Asia majan kediʹut de.

PEMUYAN 19:29

Tai jaʹat ne ngan kasing dau dalem lepoʹ ina. Sulo re peseket tai pempun kaʹ lasan lepoʹ, mentung nte dakep Gayus, ngan Aristakus lepoʹ Makedunia, diaʹ ban pejahi ngan Paulus masat cen kena.

PEMUYAN 20:1

Uʹo bikaʹ ina pekenaʹ, kun Paulus mengin diaʹ bayaʹ katuk Tuhan dina nai pempun. Sulo ho pekatuk ngan petangen dau mida. Uʹo ina ha badaʹ nyaheʹ mida kena ha ke puke tai kaʹ tanaʹ Makedunia.

PEMUYAN 20:3

Telu bulan ne kina. Dalau ue pedaʹam inu ue ngimet ketai bayaʹ kapen sungai kaʹ tanaʹ Siria, tecu tekaʹ a tisen ban lepoʹ Yahudi peseket ubaʹ ke nyakit ia. Sulo teto kaʹ kimet te ubaʹ ke ngeliwet tai cen tanaʹ Makedunia pelaʹa.

PEMUYAN 27:2

Tai kun meʹ puke, ngedung neng ca kapen iaʹ cen Adamitium, iaʹ ketai masat tahaʹ tanaʹ Asia. Un Aristakus, ca usa Makedunia cen lepoʹ Tesalunika, ia iaʹ nai serengan ameʹ.

PEMUYAN 9:38

Moʹ lepoʹ Lida ina nyeng kata lepoʹ Yupe, ina ukoʹ de diaʹ bayaʹ katuk Tuhan kaʹ Yupe kenahan dau denga Peterus un kaʹ Lida. Penco re cuk dua usa tai mengin ia, pekini dau re: “Kudaʹ pe ikoʹ nyelarai nai naʹat ameʹ ading.”

RUM 15:26

Moʹ lepoʹ Makedunia, ngan Gerika ne, ban ca le diseʹ tawai re pempun ligit man nte mepo diaʹ taru mudip neng ahang diaʹ cenganak le dalem Tuhan kaʹ Yerusalim te.

2 KURINTUS 11:9

Ngajan nceʹ ngelineʹ ngan ncem are, buk keʹ tepet neng ligit, abeʹ keʹ ngesiat ikem. Moʹ diaʹ cenganak le cen Makedunia diaʹ ngkin inu iaʹ akeʹ tekep ke un. Kuaʹ baʹan puyan nceʹ dalau idai are, pekina lete puyan nceʹ bayaʹ laʹa. Nyahut ceʹ ke ngebahat mpin ncem ne.

2 KURINTUS 12:7

Malap mpau tekaʹ penawai heʹ kuʹun puyan penaʹat iaʹ tiga laleʹ are, Tuhan naʹ ca puyan iaʹ petuyen akeʹ, seleket ca teman suhaʹ iaʹ kalen dalem sin usa heʹ, seʹ e nuyan ca puyan man petawai akeʹ neng Sitan, ngan nyakit akeʹ malap tai mpau penawai heʹ.

2 KURINTUS 7:5

Dalau meʹ telu lepa abeʹ kaʹ tanaʹ Makedunia are, abeʹ meʹ un biʹen ke penteng jengan. Kempi kempi pe ameʹ sihoʹ puyan taru, un pe puyan pesakat ngan kelunan, un pe tekaʹ bisau dalem kimet meʹ.

2 KURINTUS 8:1

Ahaʹ cenganak cenganak, ameʹ ubaʹ ikem tisen neng puyan iaʹ nuyan kuʹun pengelesau Allah iaʹ ia lebang naʹ milu dalem singket Mpun diaʹ ngelan Tuhan kaʹ tanaʹ Makedunia.

2 KURINTUS 9:2

Akeʹ tisen ban ikem iaʹ ubaʹ pepo ngan le. Lepa heʹ badaʹ me kelunan kaʹ tanaʹ Makedunia kumpin ngkeʹ selum tuman ikem. Pekini dau heʹ neng ida: “Cenganak le kaʹ tanaʹ Gerika lepa ca uman un tenup ke pepo ngan le.” Kadoʹ de tai sanget kuʹun denga penyanget cem.

1 TESALUNIKA 4:10

Lan te puyan ncem pekina lepa luhaʹ palaʹ mung cenganak kem pa tipo tanaʹ Makedunia. Tuman ina, ameʹ ngelapen nyat ikem cenganak cenganak, ngepit puyan ina laʹa.