PEMUYAN 16:6 - Kenyah New Testament

⁶ Ketai re pelibut tanaʹ Perigia ngan Galatia, uʹo ina Berua Buheʹ mulen nte tai badaʹ katuk Tuhan kaʹ dalem tanaʹ Asia.

PEMUYAN 16:6 Iomraidhean Croise

LUKAS 1:2

Lepa ne ida nyurat te koʹ baʹan dau iaʹ dulu nai badaʹ milu are. Moʹ diaʹ badaʹ a dina, lepa ne ida taʹan puyan Yesus man mata re tengen, dina, lepa ne ida taʹan puyan Yesus man mata re tengen, cen penading nge. Ida lete diaʹ ban penco katuk ina.

PEMUYAN 10:19

Dalau Peterus caʹ miat tekaʹ pekimet inu sen penaʹat te are, un dau Berua Tuhan neng ia: “Ina kenai telu usa mita ikoʹ.

PEMUYAN 11:12

Un dau Berua Tuhan: ‘Ayen babak tai tugung ida, moʹ akeʹ iaʹ cuk.’ Un nem usa cenganak dalem Tuhan dini nai jahi akeʹ tai masat kaʹ lepoʹ Kaisaria. Mung meʹ tai kedalem amin laki bioʹ Kurnilius.

PEMUYAN 16:7

Tegoʹ de abeʹ seripa neng dale Misia, kun nte ten ketai kaʹ dalem dale Bitinia, un ʹo abeʹ Berua Yesus pedayo ida ketai kina.

PEMUYAN 18:23

Kudaʹ majan pe ia ngelineʹ kina, penco tai ie puke neliling pa tipo tanaʹ Galatia ngan Perigia, mentung nge ngepali penawai mung nte diaʹ ngelan Tuhan dina.

PEMUYAN 19:10

Pekina puyan Paulus dalem dua uman majan ne, pa mung dulu neng tanaʹ Asia kenahan tiraʹ Tuhan, inu pia Yahudi, ngan pekina pe Gerika, mung nte kenahan dau ue.

PEMUYAN 20:16

Betep dau kimet Paulus ubaʹ ameʹ ke tai penco pelapa Ipesus, malap ke majan kaʹ tanaʹ Asia ne. Ina ukoʹ o busek dau ue, apan ne senteng abeʹ kaʹ Yerusalim tegoʹ tau bioʹ adet Pentakusta ina.

PEMUYAN 20:28

Petubo ne tiga tiga neng usa ngan kimet cem tengen, pekina pe petubo ne mung aba dumba, moʹ Berua Buheʹ ban cuk ikem ke tuʹa re. Manan ne Mpun diaʹ anun Allah. Allah ban un ne, moʹ tuman dahaʹ patai ie tengen.

PEMUYAN 20:4

Diaʹ serengan Paulus, un Supatar anak Pirus lepoʹ Beria, ngan Aristakus, ngan Sekundus lepoʹ Tisalunika, ngan Gayus lepoʹ Derbe, ngan Timutius. Un pe Tikikus ngan Terupimus lepoʹ apau Asia pelaʹa.

PEMUYAN 21:27

Dalau ketai nyeng kesukung tujoʹ tau majan Paulus muheʹ usa ha, nai kun diaʹ lepoʹ Yahudi cen Asia. Ida taʹan Paulus un kedalem Umaʹ Palan Allah ina. Kun nte pebingaʹ dulu, penco re dakep Paulus,

PEMUYAN 6:9

Naʹ pe ia pekina, un pe diaʹ nai beteʹ pesakat ngan Stipanus. Ida dina cen mpun kelunan Ulaʹ diaʹ Takau. Un pe palai Yahudi lepoʹ Kirini, un pe palai lepoʹ Alik-sandaria, un pe Yahudi diaʹ ca cen tanaʹ Kilikia ngan tanaʹ Asia, nai re ke ti ngan Stipanus.

PEMUYAN 8:29

Kun Berua Buheʹ pisiu Pilipus: “Tai ne ikoʹ ngenyeng laki bioʹ lepoʹ Itiupia ina, tai pemung ngan ne neng kerita haʹ.”

RUM 16:5

Laʹa akeʹ badaʹ tiga saheʹ keʹ me Mpun diaʹ ngelan Tuhan diaʹ nai pempun dalem amin nte dua. Badaʹ tiga saheʹ keʹ me Ipinitus iaʹ akeʹ malaʹ. Ia iaʹ ading ading ban ngelan neng Keristus kaʹ tanaʹ Asia.

1 KURINTUS 12:11

Un sepuʹo mung puyan ina iaʹ nuyan kuʹun Berua iaʹ bang ca le ina. Ca naʹan pencai ia naʹ me singket usa le bayaʹ ban pengubaʹ a tengen.

1 KURINTUS 16:1

Un dau heʹ neng puyan pempun ligit man le ke mepo cenganak le diaʹ anun Allah kaʹ tanaʹ Yudia. Koʹ baʹan dau heʹ lepa cuk mung Mpun Tuhan kaʹ tanaʹ Galatia are, pekina lete ikem uyan bayaʹ dau ina.

1 KURINTUS 16:19

Mung Mpun Tuhan diaʹ kaʹ tanaʹ Asia ngatu tiga saheʹ palaʹ ikem. Akila ngan Periskila, peging ngan Mpun iaʹ pempun dalem amin nte dina, ngatu bioʹ tekaʹ tiga saheʹ palaʹ ikem.

2 KURINTUS 1:8

Ahaʹ cenganak cenganak, tekep lete ameʹ petawai ikem neng puyan taru iaʹ ameʹ lepa sihoʹ kaʹ dale Asia are. Puyan penuyen iaʹ sihoʹ ameʹ un baran laleʹ ngan bahat laleʹ pa ketai iʹut tawai meʹ ke mudip.

GALATIA 1:2

Mung cenganak le diaʹ pemung ngan nceʹ kini badaʹ tiga saheʹ de palaʹ Mpun diaʹ ngelan Tuhan kaʹ dale Galatia.

GALATIA 3:1

E kelunan Galatia diaʹ mapaʹ! Aheʹ iaʹ ban pelingu ikem tupe? Sen neng puyan patai Yesus Keristus neng usun kayu tecek are, lepa ne akeʹ badaʹ a mikem pa ha besut dau.

2 TIMUTIUS 1:15

Tisen ne pe ikoʹ neng puyan mung nte dalem tanaʹ Asia, lepa ne tai re kelap akeʹ. Neng ahang ida diaʹ tai kelap dina Pigelus ngan Hemuginis.

2 TIMUTIUS 4:10

moʹ lepa ne tai Dimas kelap akeʹ, moʹ o malaʹ neng usun tanaʹ ini. Tai ie kaʹ Tesalunika. Un Keriskis tai kaʹ Galatia, pekina pe tai Titus kaʹ Dalmatia.

IBERANI 11:8

Kuʹun pengelan ne Ibrahim bayaʹ dau tegoʹ Allah mengin ia are. Penco Ibrahim tai palaʹ ca tanaʹ iaʹ Allah petuket ke naʹ mia. Kun ne mecin tanaʹ a tengen, mentung nge abeʹ un tisen kempi ia ukoʹ o ketai.

1 PETERUS 1:1

Cen Peterus, lawa Yesus Keristus: Palaʹ mung diaʹ Allah ban lemileʹ, diaʹ mudip tutang, diaʹ muʹo tai purat petat kaʹ tanaʹ Puntus, ngan kaʹ Galatia, ngan kaʹ Kapadukia, ngan kaʹ Asia, ngan kaʹ Bitinia.

PUYAN LUHA’ 1:11

Un dau ue: “Inu iaʹ ikoʹ taʹan, nyurat ne dalem ca Kitap. Ikoʹ ngatu ue me diaʹ tujoʹ Mpun diaʹ ngelan Tuhan, kaʹ lepoʹ Ipesus, ngan kaʹ Semirna, ngan kaʹ Pegamus, ngan kaʹ Tatira, ngan kaʹ Sardis, ngan kaʹ Piladipia, ngan kaʹ Ludikia ʹo.”

PUYAN LUHA’ 1:4

Cen Yaya me diaʹ tujoʹ Mpun diaʹ ngelan Tuhan kaʹ tanaʹ Asia: Tebelum ngkeʹ pengelesau ngan denaʹ tawai cen Allah iaʹ un ngan ncem: Allah iaʹ lemuto un, ngan iaʹ lepa ban un, ngan iaʹ ke nai ʹo. Pekina pe cen diaʹ tujoʹ berua iaʹ nyeripa padung pengaren ne.