PEMUYAN 16:4 - Kenyah New Testament

⁴ Jinan nte telu masat singket singket lepoʹ, kun nte badaʹ me diaʹ ngelan Tuhan dina tiraʹ diaʹ lawa Injil ngan diaʹ tuʹa Mpun ban pebetep kaʹ Yerusalim are, cuk ida kanan dau tiraʹ ina.

PEMUYAN 16:4 Iomraidhean Croise

PEMUYAN 11:30

Pekina pe ida pempun inu re, sulo re katu ligit de tugung Barnabas ngan Saul me diaʹ tuʹa Mpun diaʹ ngelan Tuhan kaʹ tanaʹ Yudia.

PEMUYAN 15:2

Nai luhaʹ ne tekajaʹ tiraʹ neng puyan ini. Tai paseʹ ngan pesakat dau re ngan Paulus de dua Barnabas dalau ina. Ina ukoʹ dulu mung tai payo cuk Paulus de dua Barnabas, pemung ngan palai dulu diaʹ cen lepoʹ Antiukia ne, tai kaʹ Yerusalim, tai palaʹ diaʹ lawa Injil ngan diaʹ tuʹa Mpun kina, lemutu neng puyan ina.

PEMUYAN 15:4

Abeʹ ne ida kaʹ Yerusalim, kenai Mpun diaʹ ngelan Tuhan kina, peging diaʹ tuʹa Mpun, ngan diaʹ lawa Injil dina, nyelalang ngan nyelama ida pat. Kun nte badaʹ mung ban pemuyan Allah kanan ida.

PEMUYAN 15:6

Un diaʹ lawa Injil dina, ngan diaʹ tuʹa Mpun, tai re pempun ke pekimet puyan ina.