PEMUYAN 16:34 - Kenyah New Testament

³⁴ Kun ne ngkin Paulus de dua Silas pejakaʹ kaʹ amin nte, penco ho naʹ penguman mida dua. Bangen seʹ de panak mung dalem amin nte, moʹ de ngelan Tuhan Allah.

PEMUYAN 16:34 Iomraidhean Croise

LUKAS 15:32

Tekep te ilu tiga saheʹ ngan bangen tawai, moʹ sadin ncoʹ ini seleket ban matai, ngan nai ie ngeliwet mudip pe ini laʹa. Lepa tutang ne ia are, belekaʹ nai ie luhaʹ pe ini laʹa.’ ”

LUKAS 19:6

Sangkit kenai Sakius kentaʹ, selama dau ue alaʹ Yesus ngan bangen tawai.

LUKAS 5:29

Lepa ina nuʹo, kun Liwi uyan ca pemung mana iaʹ bioʹ dalem amin ne, moʹ o nyelama Yesus ne. Kina kadoʹ nai re diaʹ nemo pupu. Un pe dulu diaʹ ca diaʹ nai jahi ida kina.

PEMUYAN 11:14

Ia ke badaʹ tiraʹ mikem iaʹ ke pudip ikem dalem Tuhan ʹo, peging ngan mung diaʹ neng pengamin ncem.’ Pekina dau melikat me Kurnilius ne.”

PEMUYAN 16:15

Un Lidia ne, kun nte ngebatis ia peging ngan diaʹ amin ne. Kun ne mengin ameʹ: “Nai ne ikem telu, tudo kaʹ amin nceʹ buk betep tekaʹ kimet cem kuma akeʹ ca iaʹ lan ngelan neng Tuhan.” Naten dau ue mengin ameʹ telu ne.

PEMUYAN 16:35

Neng kenempam me, kun diaʹ pengelataʹ lepoʹ Rum ina cuk pulis, kun dau re: “Nakau ne kelunan dua dina.”

PEMUYAN 2:46

Singket tau ne, tudep seʹ de tai pempun kaʹ Umaʹ Palan Allah, ngan ca le penawai re. Kun nte pemung uman kedalem amin nte, mentung nte uman ngan bangen saheʹ ngan libaʹ seʹ kimet de,

PEMUYAN 8:39

Dalau kenai re dua pejakaʹ cen dalem sungai ina, sulo Berua Tuhan ngkin Pilipus mecin cen ina nuʹo. Un laki bioʹ ina, abeʹ e taʹan ia laʹa. Penco ketai ie uleʹ ngan bangen tawai ie bayaʹ toʹ dadoʹ janan ina.

RUM 15:13

Awaʹ pe Allah iaʹ puʹun tebelum ina ke nyangan mung bangen ngan udip iaʹ tadan neng ikem, moʹ kuʹun pengelan ncem neng ia. Idi tebelum ngkem ketai un pit un pit pengali ie moʹ kuʹun penyukat Berua Buheʹ ne.

RUM 5:11

Abeʹ e pa ina tuaʹ le, un pelaʹa atek bangen le kedalem Allah kuʹun Tuhan le Yesus Keristus ne, moʹ ia iaʹ uyan udip le senteng ketai pemung ngan Allah.

RUM 5:2

Ban kuʹun pengelan le, ia ngkin ilu tai kedalem pengelesau Allah iaʹ ia lebang naʹ milu ina, iaʹ ukoʹ le mudip naʹ kini. Bangen pe tekaʹ le laʹa moʹ le nebelum ke kahum neng serema peniga Allah ʹo.

GALATIA 5:22

Di lareʹ ca naʹan buaʹ ilu ke majau kuʹun Berua Tuhan, iaʹ ina puyan malaʹ kelunan, bangen tawai, udip iaʹ tadan, denaʹ tawai, puyan pengelesau, pemuyan tiga, pejo kimet,

PILIPI 4:17

Abeʹ keʹ mita seʹ kem bang ke mencai makeʹ tuaʹ le. Iaʹ lan ne un tekaʹ kimet ceʹ ubaʹ ke taʹan diseʹ kem ke un pit un pit dalem puyan ncem kata Allah.

PILIPI 4:4

Awaʹ pe ikem lemuto bangen tekaʹ neng pengudip kem dalem Tuhan. Ca liwai dau heʹ laʹa: Bangen ne ikem!

PILIMUN 1:7

Ahaʹ cenganak keʹ iaʹ penyelum ngkeʹ, puyan pengemalaʹ koʹ lepa uyan ca bangen iaʹ bioʹ neng kimet ceʹ, ngan petangen penawai heʹ. Moʹ puyan ncoʹ lepa pebangen tawai mung kelunan diaʹ anun Allah.

1 YAYA 3:18

Ahaʹ anak anak keʹ, ayen le malaʹ kelunan bang man dau isiu ngan dau paʹ tuaʹ le, di lareʹ tekep le peluhaʹ seʹ le malaʹ lan neng kelunan man ban pemuyan ne iaʹ telit.