PEMUYAN 16:31 - Kenyah New Testament

³¹ Un dau re dua: “Ngelan ne ikoʹ neng Tuhan Yesus, peging ngan diaʹ neng pengamin ncoʹ mung, ina le ikem ke un udip dalem Tuhan.”

PEMUYAN 16:31 Iomraidhean Croise

MARKUS 16:16

Aheʹ iaʹ ngelan, ngan alaʹ batis, ia lete iaʹ atek ke tisen puyan iaʹ ke pudip ia dalem Tuhan. Aheʹ iaʹ abeʹ un ngelan, atek penyalaʹ a iaʹ ke mekem ngkin ia neng penaru.

YAYA 1:12

Un te palai diaʹ alaʹ ia, penco ngelan ia. Ina ukoʹ o naʹ penyukat mida sukat uyan ida diaʹ anak Allah.

YAYA 20:31

Un sepuʹo dini diaʹ lepa senurat apan ncem ke ngelan Yesus iaʹ atek Keristus iaʹ ngkang pungu udip, ngan iaʹ atek Anak Allah. Ngan kuʹun pengelan ncem ini pe ikem ke alaʹ udip dalem ngadan ne.

YAYA 3:36

Aheʹ iaʹ ngelan neng Anak ina, ia lete iaʹ un udip saheʹ kelineʹ iaʹ ngeriman. Aheʹ iaʹ muau bayaʹ dau Anak ina, nyahut te senteng ke alaʹ udip ne, bang kenca Allah iaʹ ke pencit neng ia pabeʹ bayaʹ.

YAYA 6:40

Pekini ne puyan Amai heʹ ubaʹ apan mung aheʹ kelunan diaʹ taʹan ngan ngelan Anak ini, ida iaʹ senteng alaʹ udip saheʹ kelineʹ iaʹ ngeriman, ngan akeʹ ke pebeteʹ ida neng udip tegoʹ tau iaʹ ke kuʹo ho ʹo.”

YAYA 6:47

“Lan dau heʹ mikem, aheʹ diaʹ ngelan, ida iaʹ un udip saheʹ kelineʹ iaʹ ngeriman.

PEMUYAN 15:11

Abeʹ nyatan ne ke pekina. Moʹ le ngelan Tuhan Yesus, penco ho pudip ilu ban kuʹun pengelesau ue iaʹ ia lebang naʹ milu, pekina pe mida.”

PEMUYAN 16:15

Un Lidia ne, kun nte ngebatis ia peging ngan diaʹ amin ne. Kun ne mengin ameʹ: “Nai ne ikem telu, tudo kaʹ amin nceʹ buk betep tekaʹ kimet cem kuma akeʹ ca iaʹ lan ngelan neng Tuhan.” Naten dau ue mengin ameʹ telu ne.

PEMUYAN 16:32

Penco re dua badaʹ tiraʹ Tuhan me mung dulu diaʹ dalem amin ina.

PEMUYAN 18:8

Un Kerispus de panak, nai re ngelan Tuhan. Kerispus iaʹ tuʹa bioʹ mpun sebayang Yahudi dina. Ngan kadoʹ kenai diaʹ lepoʹ Kurintus ngeringa dau katuk Paulus, sulo nai re ngelan Tuhan ngan tai sihoʹ ngebatis.

PEMUYAN 4:12

Abeʹ un ca kelunan kentaʹ langit ne iaʹ senteng pudip ilu, bang Yesus le, iaʹ Allah ban mencai me kelunan, moʹ dalem Yesus un iaʹ ke pudip ilu.”

PEMUYAN 8:36

Ngajan ketai re dua masat ngalang janan kina, abeʹ ne ida dua neng ca alo sungai. Un dau laki bioʹ ina neng Pilipus: “Un sungai kina. Inu iaʹ ukoʹ keʹ abeʹ un senteng ke siho ngebatis tupe?” [

RUM 11:16

Buk le mencai ca gaham untat iaʹ ading ading me Allah, mung untat dina anun ne lete. Buk le mencai pakat ca inan kayu me Allah, mung sangat inan kayu ina anun ne lete.

GALATIA 3:14

Keristus uyan diaʹ pekina, apan mung peniga iaʹ Allah lepa petuket ke naʹ me Ibrahim ina senteng ke tai palaʹ kelunan diaʹ tahaʹ awang lepoʹ Yahudi, ban kuʹun Keristus Yesus. Iaʹ ina apan man pengelan le, ilu senteng ke alaʹ Berua iaʹ Allah lepa petuket ke naʹ milu ina.

GALATIA 3:22

Iaʹ lan ne, Kitap lepa badaʹ kuma ha mung kelunan kusun tanaʹ ini lepa peput kuʹun penyukat penyalaʹ. Ina ukoʹ pengencai Allah, iaʹ ia lepa petuket kuʹun pengelan le palaʹ Yesus Keristus ina, sukat te naʹ a me mung kelunan diaʹ ngelan ia.

GALATIA 3:26

Moʹ kuʹun pengelan ncem, ina ukoʹ mung ngkem sukat tai nuyan diaʹ anak Allah ban tuman pebeka tawai hem ngan Keristus Yesus.