PEMUYAN 16:25 - Kenyah New Testament

²⁵ Kena beluaʹ alem, kun Paulus ngan Silas lemameʹ, mentung nte dua dayung pempau Allah. Mung diaʹ dalem amin sepin ina ngeringa dau re dua.

PEMUYAN 16:25 Iomraidhean Croise

LUKAS 22:44

Tai pali kuʹo ke Yesus lemameʹ dalem penuyen ne, pa nidoʹ sana ha koʹ baʹan seʹ dahaʹ nite kaʹ tanaʹ.

PEMUYAN 15:22

Uʹo ina, mung diaʹ lawa Injil ngan diaʹ tuʹa neng Mpun, peging ngan mung Mpun diaʹ ngelan Tuhan ina, pebetep kimet ke lemileʹ palai neng ahang ida dina ngan cuk ida tai kaʹ Antiukia serengan ngan Paulus de dua Barnabas. Kun nte lemileʹ Yudas, iaʹ dulu naʹ Barsabas ina, ngan Silas. Mung diaʹ cenganak dalem Tuhan dina selum nte neng ida dua.

PEMUYAN 16:19

Tisen kun dulu diaʹ ban alaʹ leto ina ulaʹ are, ban pesau ne bali neng leto idai cen ukoʹ tebelum nte alaʹ ligit are. Penco re dakep Paulus de dua Silas, mihit ida dua kaʹ beluaʹ lepoʹ tai ngejuma diaʹ paren.

PEMUYAN 16:33

Neng alem ina, kun laki bioʹ amin sepin ina ngkin ida dua tai muheʹ suhat de dua. Dalau ina pe laki bioʹ sihoʹ ngebatis, peging ngan mung nte panak neng amin nte.

PEMUYAN 5:41

Kenai diaʹ lawa Injil dina mecin kukoʹ Mpun diaʹ Lataʹ dina ngan bangen tawai re, moʹ Tuhan kuma ha tekep de sihoʹ saʹe kuʹun ngadan Yesus ne.

RUM 12:12

Tiga pe ikem bangen lemuto kuʹun tebelum ngkem. Pedenaʹ tawai hem dalem penaru, ngan ayen beto lemameʹ.

RUM 5:3

Ca ukoʹ le bangen laʹa, neng penaru le, moʹ le tisen penaru ina ke cuk ilu nengayet.

2 KURINTUS 6:10

Naʹ pe dulu pebampa ameʹ, lemuto meʹ un bangen. Un seʹ meʹ kasip, di lareʹ kadoʹ kelunan tai kayaʹ kuʹun meʹ. Un seʹ meʹ abeʹ un mampin ca inu pe, di lareʹ ameʹ diaʹ mampin mung inu ne.

IPESUS 5:19

Mentung ngkem pisiu neng ahang ikem selepeʹ man Kentau Masmur, ngan dayung sebayang, ngan dayung cen Berua Buheʹ. Tiga mung dayung ngan kentau hem tai palaʹ Tuhan, mentung ngan bangen tawai pempau ia.

PILIPI 2:17

Naʹ pe dahaʹ keʹ ke musa nuyan koʹ baʹan telang iaʹ pubeʹ kempau liwa, ina seleket pengencai hem. Ngan un pengelan ncem pemung ngan dahaʹ keʹ ina ketai nuyan pengencai liwa palaʹ Allah. Buk keʹ matai pekina ʹo, bangen tekaʹ keʹ, ngan pemung le ikem ke tisen kaʹ bangen nceʹ.

KULUSE 1:24

Naʹkini bangen tekaʹ kimet ceʹ kuʹun penuyen iaʹ un neng akeʹ ban tuman ikem. Ban ne man penuyen usa heʹ ini, akeʹ sukat ke mepo ngan pesukung penuyen Keristus iaʹ caʹ lelum ban tuman usa ha, iaʹ ina Mpun diaʹ ngelan ia.

IBERANI 5:7

Dalau Yesus mudip kusun tanaʹ ini, ia lemameʹ ngan nyat palaʹ Allah, mentung nge bioʹ dau lengap ngan tange, moʹ Allah iaʹ senteng pubo udip pe malap pe matai laho. Allah iaʹ ngeringa dau ue uban ne tunuk ngan libaʹ kimet palaʹ ia.

YAKUP 1:2

Cenganak cenganak keʹ, tegoʹ kenai naʹan naʹan puyan iaʹ ke ten ikem, tekep kem ke kuma tiga ukun,

YAKUP 5:13

Un aheʹ neng ahang ikem iaʹ un penaru tupe? Tekep pe ke lemameʹ. Un aheʹ iaʹ bangen tawai tupe? Tekep pe ke nyanyi pempau Tuhan.

1 PETERUS 4:14

Buk dulu pejaʹat dau neng ikem suaʹ ngadan Keristus, bangen le saheʹ kem. Moʹ pekini ban sen puyan ina: Berua peniga, iaʹ ina Berua Allah, un ne ngelineʹ neng ikem.