PEMUYAN 16:23 - Kenyah New Testament

²³ Lepa ne ida dina lemeta ida dua pa kumpin, kun nte nyuntung ida dua kedalem amin sepin, mentung nte cuk laki bioʹ iaʹ ngkang amin sepin ina jagaʹ ida tiga tiga.

PEMUYAN 16:23 Iomraidhean Croise

MATIUS 26:48

Kelunan iaʹ ke mencai Yesus ina lepa badaʹ ca tedanaʹ palaʹ kelunan kadoʹ dina, un dau ue: “Aheʹ iaʹ akeʹ ke maoʹoʹ ʹo, ina ne kelunan iaʹ ikem mita idi. Dakep ne ia.”

LUKAS 21:12

“Kenaʹ ke kenai luhaʹ puyan ina, dulu ke dakep ngan peketa ikem. Dulu ke mekem salaʹ mikem kaʹ amin sebayang Yahudi, ngan ke nyepin ikem ʹo. Dulu ke ngkin ncem kata diaʹ paren ngan perinta moʹ suaʹ ngadan nceʹ.

PEMUYAN 12:18

Uʹo kenai dema, maho laleʹ le dau sedadu didai neng puyan ban ketai Peterus ne kelap.

PEMUYAN 12:4

Lepa re mapo Peterus, kun nte naʹ ia kedalem amin sepin, kun nte cuk puloʹ nem usa sedadu keliwa jagaʹ ia, tahaʹ pat usa, tahaʹ pat usa re. Un kimet Herudis ubaʹ ke ngkin Peterus ngejuma lepoʹ ina tegoʹ ketai kuʹo adet Paska ina.

PEMUYAN 16:27

Laki bioʹ iaʹ ngkang amin sepin ina kecet te cen ken ne, kun ne naʹat mung pamen ban pesik ne. Un tekaʹ a ngihoʹ ida diaʹ dalem amin sepin ina muʹo tai kelap ne ida. Sulo ho menat bahing nge, ubaʹ ke lemueng.

PEMUYAN 16:36

Penco laki bioʹ ina badaʹ tiraʹ ina me Paulus, kuma ha: “Ina pengelataʹ lepoʹ ini cuk ke nakau ikem dua Silas cen sepin. Tiga hem dua nai kawang, ngan nyaheʹ ne ikem dua tai masat ʹo.”

PEMUYAN 5:18

Sulo re dakep diaʹ lawa Injil dina, penco naʹ ida dalem amin sepin lepoʹ ina.

PEMUYAN 5:23

“Ameʹ taʹan amin sepin ina un alet ngan salet. Diaʹ jagaʹ amin sepin ina, un te ida nekejeng tahaʹ awang pamen ina, un sepuʹo lepa meʹ mesik ke, abeʹ meʹ taʹan ca kelunan kedalem me laʹa.”

PEMUYAN 8:3

Un Saul ne ubaʹ ke ngasing Mpun diaʹ ngelan Tuhan. Tai ie kaʹ dalem singket amin, mentung nge mihit dulu kawang, toʹ de diaʹ ngelan, inu pia laki, pekina pe leto, penco naʹ ida dalem amin sepin.

PEMUYAN 9:2

Saul ke ngkin surat ina kaʹ lepoʹ Damsik, me mpun sebayang Yahudi kina, idi buk ke taʹan aheʹ dulu diaʹ bayaʹ Janan Tuhan Yesus kina, inu pia laki ngan leto, ia ke dakep de ngan magang ida kaʹ Yerusalim.

2 KURINTUS 11:23

Ida diaʹ ulaʹ Keristus mo? Naʹ pe akeʹ koʹ baʹan dau kelunan buling are, di lareʹ akeʹ ini pe ulaʹ iaʹ tiga neng ʹo ida. Buk le pekimet gayeng, akeʹ iaʹ pelapa sanget pegayeng. Ngan puyan le sihoʹ sepin, akeʹ iaʹ kadoʹ liwai sihoʹ o. Ngan puyan dulu lemeta ilu, akeʹ iaʹ kadoʹ liwai sihoʹ o, ngan akeʹ iaʹ kadoʹ liwai nyeng nyeng ke matai.

2 KURINTUS 6:5

Dulu lepa lemeta ameʹ, ngan nyepin ameʹ, ngan pampo ameʹ. Ameʹ lepa nyara pegayeng, tepet luntoʹ, ngan laʹu pe.

IPESUS 3:1

Cen diaʹ pekina, ina ukoʹ keʹ lemameʹ palaʹ Allah. Akeʹ iaʹ Paulus, iaʹ ban tai sihoʹ sepin kuʹun Keristus Yesus moʹ tuman ikem diaʹ tahaʹ awang Yahudi.

IPESUS 4:1

Cen diaʹ pekina, taten dau heʹ mikem. Akeʹ iaʹ sihoʹ sepin dalem gayeng Tuhan. Tekep kem uyan puyan pengudip kem kuaʹ puyan pengudip iaʹ Allah nguaʹ neng ikem, dalau ue mengin ikem are.

2 TIMUTIUS 2:9

Suaʹ keʹ ban pedenga Denga Injil ini, koʹ keʹ sihoʹ tuyen pa heʹ sihoʹ beka ampit malat, koʹ baʹan ca usa diaʹ ban pepuk kuʹun penyalaʹ are. Un sepuʹo tiraʹ Tuhan, abeʹ e tisen beka ampit malat.

PILIMUN 1:9

Un sepuʹo moʹ keʹ pekimet puyan pengemalaʹ le, ina tuman nceʹ nyat lesau neng ikoʹ. Akeʹ pekina dau inu pia akeʹ Paulus iaʹ tuʹa lawa Keristus Yesus, ngan akeʹ iaʹ un dalem amin sepin ban tuman ia naʹkini.

PUYAN LUHA’ 1:9

Akeʹ ne Yaya iaʹ cenganak kem. Moʹ le pebeka ngan Yesus, akeʹ iaʹ pebulung ngan ncem neng tuyen. Pekina pe ilu pebulung dalem gaham pengaren ne, ngan pekina pe puyan le nengayet neng penaru. Lepa ne dulu nyepin akeʹ kaʹ tanaʹ ia dulu pisiu Patmus moʹ suaʹ keʹ ban badaʹ tiraʹ Allah ngan katuk telit, iaʹ Yesus peluhaʹ milu.

PUYAN LUHA’ 2:10

Ayen ncem takut neng penaru iaʹ kenai nantaʹ ikem uʹo. Nawai dau heʹ, ban Bali Jaʹat ina ke ten ikem, ngan ia ke naʹ palai mikem kedalem sepin. Puloʹ tau pengemajan ncem ke sihoʹ taru uʹo. Semamet ne bayaʹ akeʹ. Naʹ pia seʹ ketai pesen neng patai, atek keʹ ke naʹ ca tapung keriman mikem uʹo.