PEMUYAN 16:22 - Kenyah New Testament

²² Kadoʹ kenai dulu pampo ngenca ida dua. Kun diaʹ lataʹ lepoʹ dina lemerit sapai re dua, penco cuk dulu lemeta ida.

PEMUYAN 16:22 Iomraidhean Croise

MATIUS 10:17

Tiga hem jagaʹ, ban ne un dulu kenai dakep ikem, ngan ketai ngadu ikem palaʹ ukoʹ diaʹ lataʹ pebetep tiraʹ, ngan dulu ke lemeta ikem dalem amin sebayang nte.

MATIUS 27:26

Sulo Pilatus nakau Barabas me ida, ngan cuk ida sedadu dina lemeta Yesus, ngan mencai ia me dulu diaʹ ke napek ia neng kayu tecek.

LUKAS 12:11

“Buk dulu tai ngkin ikem kaʹ amin sebayang Yahudi, mele kempi tai re ngkin ikem ke mekem salaʹ mikem, kata gebenur pe, ngan kata diaʹ lataʹ lepoʹ pe, ayen janga pekimet kumpin dau hem ke mipa ida, ngan inu iaʹ ikem ke pisiu ngan nte,

PEMUYAN 16:37

Un dau Paulus neng pulis ina: “Abeʹ de badaʹ inu penyalaʹ meʹ lepe, belekaʹ penco re lemeta ameʹ taʹan dulu mung, petem lepoʹ Rum lete ameʹ dua ne. Sulo re nyepin ameʹ. Naʹkini seʹ de cuk ameʹ ketai kelap nyelem le nuʹo. Nyahut meʹ ubaʹ ia ke pekina ne. Iaʹ ke tekep pe, pengelataʹ Rum tengen nai nakau ameʹ.”

PEMUYAN 17:5

Un sepuʹo, miʹi tekaʹ lepoʹ Yahudi. Kun nte mengin palai dulu diaʹ jaʹat diaʹ mukoʹ bareng ngalang pasen dina, sulo re pepeng ida nuʹo. Kun nte pebingaʹ lepoʹ ina, mentung nte nyudup amin Yasun ke mita Paulus ngan Silas, moʹ de ubaʹ ke ngkin ida kawang palaʹ mpun lepoʹ.

PEMUYAN 18:12

Dalau Galio tai gebenur ngkang perinta kaʹ tanaʹ Gerika, nai kun lepoʹ Yahudi diaʹ kuaʹ ayo ban peseket ubaʹ ke nyakit Paulus. Penco re dakep ia, ngkin ia kukoʹ diaʹ lataʹ pebetep tiraʹ.

PEMUYAN 5:40

Mung Mpun diaʹ Lataʹ dina ngahaʹ dau Gamalil. Penco re mengin diaʹ lawa Injil dina nai kedalem laʹa. Kun nte lemeta ida, mentung nte mulen ida ayen peletoʹ ke pisiu man ngadan Yesus laʹa. Uʹo ina kun nte pawang ida tai.

2 KURINTUS 6:5

Dulu lepa lemeta ameʹ, ngan nyepin ameʹ, ngan pampo ameʹ. Ameʹ lepa nyara pegayeng, tepet luntoʹ, ngan laʹu pe.

1 TESALUNIKA 2:2

Tisen te ikem kumpin puyan dulu nyakit ameʹ ngan panyi ameʹ kaʹ lepoʹ Pilipi, kena kenai meʹ palaʹ ikem kaʹ Tesalunika. Naʹ pe ia pekina, Allah le iaʹ naʹ akang mameʹ, man meʹ badaʹ Denga Injil iaʹ nai cen ia, kenuen pe kadoʹ diaʹ ke nyekang nge.

IBERANI 11:36

Dulu nyepuhoʹ ngan lemeta palai. Un pelaʹa dulu ngaput ngan nyepin palai.

1 PETERUS 2:24

Moʹ Keristus tengen iaʹ pesuʹun neng penyalaʹ le kedalem usa ha neng kayu tecek, apan le senteng matai cen penyalaʹ ngan mudip neng iaʹ teneng. Moʹ ban kuʹun suhat te, ina ukoʹ kem un maget.