PEMUYAN 16:15 - Kenyah New Testament

¹⁵ Un Lidia ne, kun nte ngebatis ia peging ngan diaʹ amin ne. Kun ne mengin ameʹ: “Nai ne ikem telu, tudo kaʹ amin nceʹ buk betep tekaʹ kimet cem kuma akeʹ ca iaʹ lan ngelan neng Tuhan.” Naten dau ue mengin ameʹ telu ne.

PEMUYAN 16:15 Iomraidhean Croise

MATIUS 10:41

Aheʹ iaʹ ke alaʹ lawa Allah ngan selama dau, ban ne ia ca lawa cen Allah, kelunan ina ne iaʹ ke un tulat bang nge pekuaʹ ngan diaʹ lawa Allah dina are. Ngan aheʹ iaʹ nyelama alaʹ ca kelunan iaʹ teneng pemuyan, ban ne tisen kelunan ina teneng pemuyan, ia iaʹ ke un tulat bang nge pekuaʹ ngan kelunan iaʹ teneng pemuyan ina are.

MATIUS 3:6

Kelunan dina are, ngahaʹ badaʹ puyan penyalaʹ de, sulo Yaya ngebatis ida kaʹ sungai Yardin.

LUKAS 14:23

Un dau laki bioʹ neng ulaʹ ina laʹa: ‘Tai ne ikoʹ kawang laʹa. Tai kaʹ janan penyada lepoʹ, ngan kaʹ sangat sangat te, ngan ngelapen mengin dulu nai kedalem, apan amin nceʹ sangan ʹo.

LUKAS 24:29

Kun nte dua mapo ia, kuma: “Ngelineʹ ne ngan meʹ baʹan le, moʹ tau lenca ketai mentem ne ini.” Kun ne ngelineʹ neng amin ina pemung ngan nte dua.

PEMUYAN 11:14

Ia ke badaʹ tiraʹ mikem iaʹ ke pudip ikem dalem Tuhan ʹo, peging ngan mung diaʹ neng pengamin ncem.’ Pekina dau melikat me Kurnilius ne.”

PEMUYAN 16:31

Un dau re dua: “Ngelan ne ikoʹ neng Tuhan Yesus, peging ngan diaʹ neng pengamin ncoʹ mung, ina le ikem ke un udip dalem Tuhan.”

PEMUYAN 16:33

Neng alem ina, kun laki bioʹ amin sepin ina ngkin ida dua tai muheʹ suhat de dua. Dalau ina pe laki bioʹ sihoʹ ngebatis, peging ngan mung nte panak neng amin nte.

PEMUYAN 16:34

Kun ne ngkin Paulus de dua Silas pejakaʹ kaʹ amin nte, penco ho naʹ penguman mida dua. Bangen seʹ de panak mung dalem amin nte, moʹ de ngelan Tuhan Allah.

PEMUYAN 18:8

Un Kerispus de panak, nai re ngelan Tuhan. Kerispus iaʹ tuʹa bioʹ mpun sebayang Yahudi dina. Ngan kadoʹ kenai diaʹ lepoʹ Kurintus ngeringa dau katuk Paulus, sulo nai re ngelan Tuhan ngan tai sihoʹ ngebatis.

PEMUYAN 8:12

Dalau re kenahan dau kenai Pilipus iaʹ badaʹ Denga Injil neng puyan pengaren Allah ngaren kelunan, ngan neng puyan ngadan Yesus Keristus ina, mung nte ngelan, peging ngan laki ngan leto. Sulo toʹ de sihoʹ ngebatis.

PEMUYAN 8:38

Penco ho cuk iaʹ ngkang kerita ina ngelineʹ. Sulo ketai re dua puno kedalem sungai, iaʹ ina Pilipus ngan laki bioʹ ina are. Penco Pilipus ngebatis ia.

RUM 16:23

Un Gayus, ia badaʹ tiga saheʹ e mikem. Ngan te meʹ neng amin. Kidi pe diaʹ ngelan Tuhan Pempun. Un Irastus iaʹ ngkang ligit lepoʹ, ia ca badaʹ tiga saheʹ e mikem, pekina pe cen Kuatus, cenganak le. [

2 KURINTUS 12:11

Puyan nceʹ koʹ baʹan kelunan apaʹ re, moʹ pejen tekaʹ keʹ kuʹun ncem. Di lareʹ tekep lete ikem diaʹ ke nyebelang akeʹ. Naʹ pe akeʹ abeʹ un inu inu, abeʹ keʹ tepa neng diaʹ lawa Injil diaʹ ca naʹan seʹ idai are.

2 KURINTUS 5:14

Mele inu pemuyan meʹ, abeʹ e tuman ban usa meʹ tengen. Moʹ Keristus malaʹ ameʹ, puyan pengemalaʹ a ina iaʹ ngaren usa meʹ, moʹ ameʹ lepa tisen ban ca usa iaʹ matai tuman ilu mung. Un sen ne, ilu mung kahum dalem puyan patai ie ina.

GALATIA 6:10

Moʹ ina, lemuto ilu alaʹ pengebiʹen ke uyan tiga me mung kelunan, diaʹ ading nge me diaʹ pemanak le dalem pengelan.

IPESUS 1:1

Cen Paulus, lawa Keristus Yesus kuʹun pengubaʹ kimet Allah: Palaʹ mung ikem diaʹ anun Allah kaʹ lepoʹ Ipesus, diaʹ tudep bayaʹ Keristus Yesus.

PILIPI 1:7

Tekep lete pekina kimet ceʹ neng ikem mung, moʹ kem lemuto un dalem penawai heʹ. Moʹ kem mung un pemung pebeka ngan nceʹ dalem pengelesau Allah iaʹ naʹ gayeng ini makeʹ, tiga ha dalau heʹ sepin naʹkini pe.

PILIMUN 1:17

Tuman ina, buk koʹ naʹ akeʹ ca usa diaʹ kuaʹ gayeng ngan ncoʹ, alaʹ ne ia uleʹ ngan selama, koʹ baʹan tekaʹ koʹ ke nyelama akeʹ ne.

IBERANI 13:2

Nawai ne nyelama alaʹ sakai kaʹ dalem amin ncem. Cen naʹaʹ un palai diaʹ ti pekina ngan nyelama alaʹ melikat petem nte abeʹ un tisen ida melikat.

1 PETERUS 5:12

Akeʹ uyan surat iaʹ buʹet ini palaʹ ikem man ujoʹ Suanus, moʹ keʹ kuma ia ca cenganak le iaʹ semamet. Kimet ceʹ ubaʹ ke petangen ikem, ngan badaʹ ban ini iaʹ lan lan ne pengelesau Allah. Tiga hem salet nekejeng kidi.

2 YAYA 1:10

Tuman ina, buk aheʹ kelunan iaʹ nai kata ikem, iaʹ abeʹ un ngkin katuk ini, ayen alaʹ ia kedalem amin ncem. Ayen selama dau neng ia.

3 YAYA 1:5

Ahaʹ cenganak keʹ iaʹ akeʹ malaʹ, temek ban gayeng ngkoʹ neng diaʹ cenganak le, naʹ pe ikoʹ abeʹ un tisen ida cen kena.

3 YAYA 1:8

Ina ukoʹ o tekep le diaʹ ngelan ke mepo kelunan diaʹ pekina, apan le petebulung ngan nte dalem gayeng iaʹ menco katuk iaʹ telit.