PEMUYAN 16:14 - Kenyah New Testament

¹⁴ Un ca leto neng ahang ida diaʹ ngeringa dau meʹ, iaʹ pebeli keluma diaʹ silem, ca usa lepoʹ Tatira, ngadan ne Lidia, ca leto iaʹ tudep lemameʹ palaʹ Allah bayaʹ Katuk Adet Musa. Tuhan iaʹ mesik penawai ie, ina ukoʹ o alaʹ dau katuk Paulus.

PEMUYAN 16:14 Iomraidhean Croise

LUKAS 24:45

Penco ho mesik penisen nte apan nte ke tisen neng isiu Kitap Tuhan.

YAYA 12:20

Un palai kelunan Gerika kahang dulu diaʹ tai lemameʹ tegoʹ Adet Bunut kaʹ Yerusalim re.

PEMUYAN 10:2

Ia ca laki iaʹ temek dalem Katuk Adet Musa, iaʹ tunuk neng Allah, peging ngan mung nte panak dalem amin nte. Lemuto ho lesau lepoʹ Yahudi diaʹ taru murip, ngan lemuto ho lemameʹ palaʹ Allah.

PEMUYAN 11:21

Moʹ ban un nyingan Tuhan luhaʹ tugung ida dina, ina ukoʹ kadoʹ laleʹ dulu diaʹ ngelan ngan pupa nai bayaʹ Tuhan.

PEMUYAN 13:43

Lepa ne mpun ina pasi, kenai kadoʹ lepoʹ Yahudi pemung ngan kadoʹ dulu diaʹ lepa alaʹ adet Yahudi dina, nai re bayaʹ Paulus de dua Barnabas. Kun nte dua penco tiraʹ mida, ngan petangen ida ke tudep dalem pengelesau iaʹ Allah lebang naʹ mida.

PEMUYAN 13:50

Un palai lepoʹ Yahudi pekana neng diaʹ lataʹ lepoʹ ina, peging ngan leto diaʹ paren lepoʹ ina diaʹ sebayang palaʹ Allah dina. Pekina seʹ tading nte ubaʹ ke nyakit Paulus ngan Barnabas, penco re muyung ida dua tai kelap cen lepoʹ de.

PEMUYAN 16:40

Lepa Paulus ngan Silas nai kawang cen amin sepin ina, penco tai re dua kaʹ amin Lidia. Kina re dua petegoʹ ngan mung diaʹ cenganak dalem Tuhan kina, kun nte penco katuk iaʹ petangen ida. Uʹo ina tai re dua puke pelaʹa.

PEMUYAN 18:7

Ina ukoʹ Paulus tai mecin ida. Tai kun ne pemung amin ngan ca laki ngadan ne Titius Yustus, ca laki iaʹ tahaʹ awang lepoʹ Yahudi iaʹ temek lemameʹ palaʹ Allah. Un amin ne petemping ngan amin sebayang Yahudi.

PEMUYAN 8:27

Penco Pilipus pedepa inu ue, tai ie puke. Un ca laki lepoʹ Itiupia iaʹ puntan, ca pegawai bioʹ, tai uleʹ bayaʹ janan ina. Laki bioʹ lepoʹ Itiupia ina iaʹ un penyukat ngkang mung bahan ligit Kandake, laja leto lepoʹ Itiupia ne. Laki ina nai ie uleʹ uʹo ho lemameʹ palaʹ Allah kaʹ Yerusalim.

RUM 9:16

Ina ukoʹ puyan ina abeʹ un pesente neng pengubaʹ kimet kelunan, pekina pe neng penyanget kelunan, bang neng pengelesau Allah le.

PILIPI 2:13

Moʹ lan ne Allah iaʹ lemuto pegayeng kedalem ikem ke payo kimet cem ngan ngepali ikem ke ti bayaʹ sedep pe.

PUYAN LUHA’ 1:11

Un dau ue: “Inu iaʹ ikoʹ taʹan, nyurat ne dalem ca Kitap. Ikoʹ ngatu ue me diaʹ tujoʹ Mpun diaʹ ngelan Tuhan, kaʹ lepoʹ Ipesus, ngan kaʹ Semirna, ngan kaʹ Pegamus, ngan kaʹ Tatira, ngan kaʹ Sardis, ngan kaʹ Piladipia, ngan kaʹ Ludikia ʹo.”

PUYAN LUHA’ 3:20

Ngeringa! Akeʹ nekejeng kaʹ lung pamen ngan megoʹ o. Buk aheʹ kelunan iaʹ kenahan dau heʹ, ngan mesik pamen makeʹ, atek ketai heʹ kedalem amin ne pemung uman ngan ne. Ngan ia pe pemung uman ngan nceʹ ʹo.

PUYAN LUHA’ 3:7

Un dau Yesus pelaʹa: “Nyurat ne me iaʹ tuʹa Mpun iaʹ kaʹ lepoʹ Piladipia: “Ini dau tiraʹ cen Laki iaʹ buheʹ ngan telit, iaʹ mampin kusi anun Daut cen naʹaʹ. Inu ia ke mesik, abeʹ un aheʹ iaʹ senteng mekep pe. Inu ia ke mekep, abeʹ un aheʹ iaʹ senteng ke mesik ke.