PEMUYAN 16:13 - Kenyah New Testament

¹³ Tegoʹ Tau Kelineʹ, tai meʹ kawang lepoʹ ina kaʹ sada bahi sungai. Kidi meʹ ngihoʹ ke un kukoʹ lepoʹ Yahudi lemameʹ. Penco meʹ madung pisiu ngan leto diaʹ pempun kina.

PEMUYAN 16:13 Iomraidhean Croise

MATIUS 13:2

Moʹ kadoʹ laleʹ dulu pempun teliling Yesus, ina tuman ne tai ngedung neng ca alut, ngan madung kidi. Dulu diaʹ kadoʹ un nekejeng kaʹ sada bahi kina.

MARKUS 16:15

Un dau Yesus neng ida: “Tai ne ikem penco badaʹ denga Injil me ketoʹ kelunan pa tipo usun tanaʹ ini.

LUKAS 13:10

Tegoʹ Tau Kelineʹ ca liwai ie, kun Yesus pekatuk dalem ca amin sebayang Yahudi.

YAYA 8:2

Mempam neng ke nempam me, tai Yesus uleʹ palaʹ Umaʹ Palan Allah. Mung dulu diaʹ kadoʹ dina nai pempun teliling ia. Penco ho madung ngan pekatuk ida.

PEMUYAN 13:14

Ketai Paulus ngan Barnabas penco masat cen Perga pa abeʹ kaʹ Antiukia kaʹ tanaʹ Pisidia. Sulo ketai re madung kedalem amin sebayang Yahudi tegoʹ Tau Kelineʹ.

PEMUYAN 13:42

Dalau Paulus de dua Barnabas mecin amin sebayang Yahudi dina, un dulu kina nyat ida dua nai pelaʹa tegoʹ Tau Kelineʹ iaʹ bayaʹ ʹo, apan nte dua ke badaʹ katuk neng puyan dini pelaʹa ʹo.

PEMUYAN 16:16

Ca tau ue laʹa dalau ketai meʹ kaʹ ukoʹ dulu lemameʹ ina, kun meʹ tegoʹ ca usa dekiʹit leto iaʹ un bali mencam ngelingai inu inu. Dulu diaʹ alaʹ ia ulaʹ, bioʹ bang nte neng ia kuʹun puyan ngelingai ina.

PEMUYAN 16:6

Ketai re pelibut tanaʹ Perigia ngan Galatia, uʹo ina Berua Buheʹ mulen nte tai badaʹ katuk Tuhan kaʹ dalem tanaʹ Asia.

PEMUYAN 17:2

Koʹ baʹan kelayan ne, tai Paulus kedalem pemung ngan nte kina. Dalem telu mingku, singket Tau Kelineʹ, Paulus pata petiraʹ ngan nte, mentung nge badaʹ katuk cen isiu dalem Kitap Tuhan.

PEMUYAN 18:4

Singket Tau Kelineʹ ne tai Paulus pata petiraʹ dalem amin sebayang Yahudi, moʹ o ubaʹ lepoʹ Yahudi ngan lepoʹ Gerika ke mayo nai ngelan.

PEMUYAN 20:7

Tai tahup Tau Kelineʹ, tai meʹ pempun ke pemung uman neng daya Tuhan. Petiraʹ ne Paulus me mpun nte kina ngan dadoʹ dau tiraʹ a, pa ketai ie beluaʹ alem, moʹ kaʹ kimet te ubaʹ ketai puke neng kenempam me.

PEMUYAN 21:5

Uʹo sukung tau meʹ ngelineʹ kina, tai meʹ ngeliwet kaʹ kapen idai pelaʹa. Mung nte, peging anak ngan leto re, nai matet ameʹ tai tahaʹ awang lepoʹ. Mung meʹ pat sutlep kaʹ sada bahi, sulo meʹ lemameʹ Tuhan.

PEMUYAN 9:20

Tegoʹ ina pe, ketai ie kedalem amin sebayang Yahudi. Kina Saul badaʹ denga Yesus iaʹ atek Anak Allah.

GALATIA 3:28

Tuman ina, abeʹ un tekajaʹ lepoʹ Yahudi ngan lepoʹ dulu diaʹ ca, pekina pe diaʹ ulaʹ ngan diaʹ abeʹ un ulaʹ, pekina pe laki ngan leto. Moʹ mung ngkem lepa pekuaʹ dalem pebeka penawai hem ngan Keristus Yesus.

KULUSE 1:23

Tuman ina, tekep lete ikem penco tudep neng usun tentan iaʹ salet ina. Ngan ayen ncem pedayo dulu ke ngala ikem neng tebelum ngkem iaʹ ikem lepa alaʹ tegoʹ kem kenahan neng tebelum ngkem iaʹ ikem lepa alaʹ tegoʹ kem kenahan dau Denga Injil ina are. Akeʹ ne Paulus iaʹ lepa tai nuyan ulaʹ ban tuman Denga Injil ina, iaʹ ina Denga Injil iaʹ lepa ban pedenga palaʹ kelunan kusun tanaʹ ini.