PEMUYAN 15:9 - Kenyah New Testament

⁹ Abeʹ Allah nekajaʹ ilu ngan nte. Lepa ne ia muheʹ kimet de moʹ kuʹun pengelan nte.

PEMUYAN 15:9 Iomraidhean Croise

PEMUYAN 10:15

Kun dau isiu ina pelaʹa iaʹ kuma ha: “Buk inu iaʹ Allah abeʹ un lemalan, ayen ncoʹ lemalan ne.”

PEMUYAN 10:28

Un dau Peterus neng ida: “Un te ikem tisen Adet Yahudi, abeʹ senteng diaʹ lepoʹ Yahudi tai pekelet ngan dulu diaʹ ca, pekina pe tai menoʹ ida. Lepa ne Tuhan Allah badaʹ makeʹ, ayen lemileʹ kelunan, ngan ayen naʹ dulu jaʹat.

PEMUYAN 10:34

Pekini dau Peterus nading tiraʹ a: “Iaʹ lan ne, naʹkini akeʹ tisen abeʹ Allah selepeʹ neng kelunan.

PEMUYAN 11:12

Un dau Berua Tuhan: ‘Ayen babak tai tugung ida, moʹ akeʹ iaʹ cuk.’ Un nem usa cenganak dalem Tuhan dini nai jahi akeʹ tai masat kaʹ lepoʹ Kaisaria. Mung meʹ tai kedalem amin laki bioʹ Kurnilius.

PEMUYAN 14:1

Kuaʹ koʹ baʹan puyan ina are pelaʹa kaʹ lepoʹ Ikunium. Tai Paulus de dua Barnabas kedalem amin sebayang Yahudi. Kun nte dua penco pekatuk kidi. Kadoʹ dulu nai ngelan Tuhan, un pe Yahudi, pekina pe lepoʹ diaʹ ca.

PEMUYAN 14:27

Lepa re abeʹ kaʹ lepoʹ Antiukia ina, kun nte pempun dulu diaʹ ngelan Tuhan kina. Penco re badaʹ mung ban pemuyan Allah kanan ida dua, ngan badaʹ ban kumpin diseʹ Allah mawang janan me dulu diaʹ tahaʹ awang Yahudi, apan nte nai ngelan Tuhan.

RUM 3:22

Allah ke peteneng ilu kelunan tai teneng ban kuʹun pengelan le neng Yesus Keristus. Pekina pemuyan Allah neng mung diaʹ ngelan Keristus. Abeʹ Allah selepeʹ neng kelunan,

RUM 3:9

Naʹkini kumpin tupe? Ilu lepoʹ Yahudi ne, pelapa tiga le neng lepoʹ diaʹ ca bʹan ncem? Nyahut te pekina ne. Moʹ lepa ne akeʹ badaʹ a neng surat ceʹ ini, pekuaʹ te lepoʹ Yahudi ngan lepoʹ diaʹ ca, moʹ mung le ban lenca kentaʹ pengaren penyalaʹ.

RUM 9:24

Ilu diaʹ ban ia mengin dini, abeʹ le pelaya lepoʹ Yahudi le, di lareʹ un pe palai lepoʹ diaʹ ca ngan le.

1 KURINTUS 1:2

Palaʹ Mpun iaʹ anun Allah, iaʹ un kaʹ lepoʹ Kurintus. Iaʹ ina palaʹ mung kelunan diaʹ lepa sihoʹ pengin ke tai nuyan kelunan buheʹ iaʹ Allah ke un. Allah iaʹ un ida moʹ kuʹun puyan nte pebeka tawai dalem Keristus Yesus. Ida iaʹ pebulung ngan kelunan diaʹ lemameʹ man ngadan Tuhan le Yesus Keristus ngalang kempi kempi kukoʹ de. Tuhan nte, ia lete Tuhan ne.

1 KURINTUS 7:18

Buk ca kelunan iaʹ lepa sihoʹ adet sunat kenai bayaʹ pengin Allah, ayen janga ke sau ban adet sunat ina. Ngan laʹa buk ca kelunan ke sihoʹ pengin Allah, abeʹ lepe ia sihoʹ adet sunat, ayen ncem nyunat ia.

GALATIA 3:28

Tuman ina, abeʹ un tekajaʹ lepoʹ Yahudi ngan lepoʹ dulu diaʹ ca, pekina pe diaʹ ulaʹ ngan diaʹ abeʹ un ulaʹ, pekina pe laki ngan leto. Moʹ mung ngkem lepa pekuaʹ dalem pebeka penawai hem ngan Keristus Yesus.

GALATIA 5:6

Moʹ dalau le pebeka tawai ngan Keristus Yesus, diaʹ un sunat ngan diaʹ abeʹ un sunat, abeʹ un ca inu inu ue. Di lareʹ iaʹ atek bioʹ, iaʹ ina pengelan iaʹ menco gayeng man seʹ puyan malaʹ.

IPESUS 3:6

Pekini sen sedep pe: bayaʹ dau Denga Injil ini, lepoʹ diaʹ ca pemung ngan lepoʹ Yahudi, kuaʹ le pemung nganun peniga Allah. Pemung le nganun ca le usa. Ngan pemung le nganun mung iaʹ Allah petuket kedalem Keristus Yesus.

KULUSE 3:11

Tuman ina, abeʹ un aheʹ iaʹ ilu ke kuma lepoʹ dulu diaʹ ca ngan lepoʹ Yahudi; laʹa diaʹ un sunat ngan diaʹ abeʹ un sunat; diaʹ penan ngan diaʹ aloʹ; diaʹ panyen ngan diaʹ paren. Di lareʹ Keristus ne iaʹ toʹ o mung, ngan Keristus ne iaʹ un dalem ida mung.

1 PETERUS 1:22

Naʹkini seʹ kem lepa muheʹ penawai hem uban ncem tudep bayaʹ katuk iaʹ telit, ngan tisen pengemalaʹ iaʹ abeʹ un nyelibo neng cenganak kem dalem Tuhan. Moʹ ina, tiga hem pali kuʹo malaʹ neng ikem selepeʹ, man mung tekaʹ keluʹung kimet cem.