PEMUYAN 15:4 - Kenyah New Testament

⁴ Abeʹ ne ida kaʹ Yerusalim, kenai Mpun diaʹ ngelan Tuhan kina, peging diaʹ tuʹa Mpun, ngan diaʹ lawa Injil dina, nyelalang ngan nyelama ida pat. Kun nte badaʹ mung ban pemuyan Allah kanan ida.

PEMUYAN 15:4 Iomraidhean Croise

MATIUS 10:40

“Aheʹ iaʹ alaʹ ikem ngan selama dau, atek ke alaʹ akeʹ lete ngan selama dau. Ngan aheʹ iaʹ alaʹ akeʹ ngan selama dau, atek kelunan ina ke alaʹ ia iaʹ cuk akeʹ lete.

PEMUYAN 11:30

Pekina pe ida pempun inu re, sulo re katu ligit de tugung Barnabas ngan Saul me diaʹ tuʹa Mpun diaʹ ngelan Tuhan kaʹ tanaʹ Yudia.

PEMUYAN 14:27

Lepa re abeʹ kaʹ lepoʹ Antiukia ina, kun nte pempun dulu diaʹ ngelan Tuhan kina. Penco re badaʹ mung ban pemuyan Allah kanan ida dua, ngan badaʹ ban kumpin diseʹ Allah mawang janan me dulu diaʹ tahaʹ awang Yahudi, apan nte nai ngelan Tuhan.

PEMUYAN 15:12

Mung nte dina beringa tuaʹ ne ida, sulo re ngeringa dau Barnabas ngan Paulus badaʹ neng mung tedanaʹ bulen ngan puyan nyingan iaʹ ban Allah uyan neng ahang dulu diaʹ tahaʹ awang Yahudi kuʹun nte dua.

PEMUYAN 15:2

Nai luhaʹ ne tekajaʹ tiraʹ neng puyan ini. Tai paseʹ ngan pesakat dau re ngan Paulus de dua Barnabas dalau ina. Ina ukoʹ dulu mung tai payo cuk Paulus de dua Barnabas, pemung ngan palai dulu diaʹ cen lepoʹ Antiukia ne, tai kaʹ Yerusalim, tai palaʹ diaʹ lawa Injil ngan diaʹ tuʹa Mpun kina, lemutu neng puyan ina.

PEMUYAN 15:22

Uʹo ina, mung diaʹ lawa Injil ngan diaʹ tuʹa neng Mpun, peging ngan mung Mpun diaʹ ngelan Tuhan ina, pebetep kimet ke lemileʹ palai neng ahang ida dina ngan cuk ida tai kaʹ Antiukia serengan ngan Paulus de dua Barnabas. Kun nte lemileʹ Yudas, iaʹ dulu naʹ Barsabas ina, ngan Silas. Mung diaʹ cenganak dalem Tuhan dina selum nte neng ida dua.

PEMUYAN 15:3

Pekina Mpun diaʹ ngelan Tuhan cuk ida telu tai puke. Ketai re masat ngalang dale Penisia ngan dale Samaria, mentung nte badaʹ ban dulu diaʹ tahaʹ awang Yahudi lepa pupa kimet de palaʹ Allah. Denga ini iaʹ ngkin bioʹ bangen tawai me mung diaʹ cenganak dalem Tuhan dina.

PEMUYAN 15:6

Un diaʹ lawa Injil dina, ngan diaʹ tuʹa Mpun, tai re pempun ke pekimet puyan ina.

PEMUYAN 16:4

Jinan nte telu masat singket singket lepoʹ, kun nte badaʹ me diaʹ ngelan Tuhan dina tiraʹ diaʹ lawa Injil ngan diaʹ tuʹa Mpun ban pebetep kaʹ Yerusalim are, cuk ida kanan dau tiraʹ ina.

PEMUYAN 18:27

Un Apulus ubaʹ ke tai tahaʹ dipa kaʹ tana Gerika. Mung diaʹ ngelan Tuhan kaʹ lepoʹ Ipesus dina pebioʹ saheʹ e tai, mentung nte naʹ surat palaʹ cenganak de dalem Tuhan kaʹ tanaʹ Gerika, apan nte nyelama kenai ie. Uʹo ho abeʹ, bioʹ laleʹ seʹ e mepo pekatuk dulu diaʹ ban ngelan kuʹun pengelesau Allah.

PEMUYAN 21:17

Tagoʹ meʹ abeʹ kaʹ Yerusalim, mung diaʹ cenganak dalem Tuhan dina alaʹ ameʹ ngan bangen tawai re.

PEMUYAN 21:19

Kun Paulus badaʹ saheʹ tawai ie palaʹ ida, penco ho nepuʹun badaʹ tahaʹ ca tahaʹ ca, mung puyan iaʹ Allah uyan cen ban gayeng nge neng ahang dulu diaʹ tahaʹ awang Yahudi.

RUM 15:18

Abeʹ keʹ tempa ke pisiu neng inu puyan diaʹ ca, buk are neng puyan iaʹ ban Keristus uyan kanan akeʹ, iaʹ ina ke payo dulu diaʹ tahaʹ awang Yahudi tunuk bayaʹ Allah.

RUM 15:7

Moʹ ban pekina, tiga hem nyelama ikem selepeʹ koʹ baʹan Keristus ban nyelama alaʹ ikem are, apan ne nai luhaʹ serema peniga Allah.

1 KURINTUS 15:10

Un sepuʹo puyan iaʹ nuyan neng akeʹ naʹkini un nuyan kuʹun pengelesau Allah iaʹ ia lebang naʹ milu. Ngan pengelesau iaʹ ia naʹ makeʹ, abeʹ e tai bura tuaʹ le, di lareʹ akeʹ iaʹ tangen pegayeng lapa neng ʹo puyan lawa Injil diaʹ ca. Iaʹ lan ne, abeʹ e puyan pemuyan nceʹ tengen, di lareʹ pengelesau Allah iaʹ ia lebang naʹ milu iaʹ pegayeng ngan nceʹ.

2 KURINTUS 5:19

Pekini tiraʹ ameʹ pedenga: Allah iaʹ kanan Keristus man ne uyan udip me mung kelunan. Abeʹ e peremun cap salaʹ de. Kun ne naʹ mameʹ tiraʹ iaʹ badaʹ kumpin seʹ e uyan udip, apan nte tai pepanak ngan ne ʹo.

2 KURINTUS 6:1

Ina ukoʹ ameʹ diaʹ pemung pegayeng ngan Allah taten dau nyat ikem: alaʹ ne pengelesau Tuhan Allah, iaʹ ia lebang naʹ ina, ngan ayen peterai ie pelo-lo.

KULUSE 4:10

Aristakus iaʹ pemung ngan nceʹ dalem amin sepin, badaʹ tiga saheʹ e palaʹ ikem, ngan pekina pe Markus iaʹ pepadeʹ pesak ngan Barnabas. (Ameʹ lepa badaʹ mikem apan ncem alaʹ ia ngan selama dau, buk ke nai palaʹ ikem.)

2 YAYA 1:10

Tuman ina, buk aheʹ kelunan iaʹ nai kata ikem, iaʹ abeʹ un ngkin katuk ini, ayen alaʹ ia kedalem amin ncem. Ayen selama dau neng ia.