PEMUYAN 15:36 - Kenyah New Testament

³⁶ Kudaʹ tau cen uʹo ina laʹa, un dau Paulus neng Barnabas: “Baka, tiga tua tai menoʹ diaʹ cenganak le dalem Tuhan kaʹ singket singket lepoʹ iaʹ kukoʹ ban tua badaʹ tiraʹ Tuhan are. Tai naʹat ida, kumpin seʹ ban puyan nte.”

PEMUYAN 15:36 Iomraidhean Croise

MATIUS 25:36

Tegoʹ ke ugai are, ikem iaʹ ban naʹ gelam makeʹ. Tegoʹ keʹ sakit are, nai kun ncem petubo akeʹ. Ngan pekina pe tegoʹ keʹ neng amin sepin, nai kun ncem naʹat akeʹ.’

MATIUS 25:43

Akeʹ ca sakai, abeʹ kem nyelama ngkin akeʹ kaʹ amin ncem. Ngan tegoʹ keʹ ugai, abeʹ kem naʹ gelam makeʹ. Ngan tegoʹ keʹ kaʹ dalem amin sepin, ngan sakit, abeʹ kem ubaʹ nai nubo akeʹ.’

PEMUYAN 13:12

Kun laki bioʹ gebenur ina taʹan diseʹ puyan ina, ngelan ne gebenur neng Yesus, mentung nge salam laleʹ tekaʹ a neng katuk Tuhan ne.

PEMUYAN 13:4

Ban Berua Buheʹ iaʹ cuk ida dua, ina ukoʹ de dua tai kaʹ bahi kaʹ lepoʹ Selukia. Cen ina tai re ngedung neng kapen ia tai kaʹ tanaʹ Siperus.

PEMUYAN 13:51

Kun nte dua lawa Injil dina nekaʹ abu taket de, uyan ca tedanaʹ neng lepoʹ ina, penco tai re kaʹ lepo Ikunium.

PEMUYAN 14:1

Kuaʹ koʹ baʹan puyan ina are pelaʹa kaʹ lepoʹ Ikunium. Tai Paulus de dua Barnabas kedalem amin sebayang Yahudi. Kun nte dua penco pekatuk kidi. Kadoʹ dulu nai ngelan Tuhan, un pe Yahudi, pekina pe lepoʹ diaʹ ca.

PEMUYAN 14:21

Kun Paulus de dua Barnabas pedenga Denga Injil kedalem lepoʹ Derbe. Kadoʹ dulu diaʹ nai ngelan bayaʹ katuk Tuhan. Uʹo ina, tai re dua ngeliwet kaʹ Listera, ngan kaʹ Ikunium, ngan Antiukia tanaʹ Pisidia are.

PEMUYAN 14:6

Tai tisen ne ida dua neng puyan ina, penco ketai re dua kelap kaʹ lepoʹ Listera ngan Derbe kaʹ tanaʹ Likunia, ngan dale teliling lepoʹ dina.

PEMUYAN 7:23

“Lepa pat puloʹ uman udip Musa, un tekaʹ a pekimet ubaʹ ke tai naʹat diaʹ cenganak ke diaʹ kuaʹ lepoʹ Israil ngan ne.

RUM 1:11

Moʹ keʹ bampa tekaʹ ubaʹ ke taʹan ikem, apan nceʹ senteng naʹ pengencai udip berua mikem, idi hem tai salet.

2 KURINTUS 11:28

Puyan diaʹ ca abeʹ keʹ pisiu pit puyan iaʹ mincaʹ akeʹ singket tau ne, iaʹ ina puyan pubo singket Mpun diaʹ ngelan Tuhan.

PILIPI 1:27

Iaʹ tekep laleʹ neng pengudip kem, bayaʹ ne kuaʹ ngan katuk Denga Injil Keristus are. Buk pekina, abe kudaʹ keʹ tepahoʹ nai naʹat ikem, naʹ pe ilu pecoʹ, senteng te akeʹ kenahan denga puyan salet tekejeng ngkem, moʹ ban tengangan ca le ilu dalem Berua Tuhan. Kuaʹ kuaʹ le pepatai ngan bali, nbang ca pengubaʹ le ke pekateng pengelan le neng katuk Injil ini.

1 TESALUNIKA 3:6

Naʹkini lepa ne Timutius nai ngeliwet cen ikem, nai ie palaʹ ameʹ. Ia ngkin denga iaʹ tiga dau, iaʹ badaʹ puyan pengelan ngan puyan pengemalaʹ kem. Un pe ia badaʹ mameʹ ban lemuto hem petawai ameʹ, ngan ubaʹ ke petegoʹ ngan meʹ, koʹ baʹan tekaʹ meʹ ubaʹ ke petegoʹ ngan ncem lete.

2 TIMUTIUS 1:4

Moʹ keʹ petawai luloʹ koʹ, tai bampa ne tekaʹ keʹ ubaʹ ke taʹan ikoʹ, apan bioʹ tekaʹ saheʹ keʹ ʹo.