PEMUYAN 15:3 - Kenyah New Testament

³ Pekina Mpun diaʹ ngelan Tuhan cuk ida telu tai puke. Ketai re masat ngalang dale Penisia ngan dale Samaria, mentung nte badaʹ ban dulu diaʹ tahaʹ awang Yahudi lepa pupa kimet de palaʹ Allah. Denga ini iaʹ ngkin bioʹ bangen tawai me mung diaʹ cenganak dalem Tuhan dina.

PEMUYAN 15:3 Iomraidhean Croise

LUKAS 15:32

Tekep te ilu tiga saheʹ ngan bangen tawai, moʹ sadin ncoʹ ini seleket ban matai, ngan nai ie ngeliwet mudip pe ini laʹa. Lepa tutang ne ia are, belekaʹ nai ie luhaʹ pe ini laʹa.’ ”

PEMUYAN 1:15

Kudaʹ tau pe ʹo ina, kenai re pempun mung diaʹ ngelan Tuhan, kihoʹ kihoʹ ca ato dua puloʹ usa kadoʹ de. Dalau ina kenai Peterus nekejeng. Un dau ue:

PEMUYAN 13:48

Tai bangen diseʹ dulu diaʹ tahaʹ awang Yahudi, moʹde kenahan dau tiraʹ ina, mentung nte pada katuk Tuhan Allah. Un kudaʹ kadoʹ ne ida nai penco ngelan Tuhan, moʹ de lepa tenup tekaʹ ke alaʹ udip saheʹ kelineʹ iaʹ ngeriman cen Tuhan.

PEMUYAN 13:52

Toʹ de diaʹ bayaʹ katuk Tuhan kaʹ lepoʹ Antiukia ina sangan kuʹun bangen ngan Berua Buheʹ.

PEMUYAN 14:27

Lepa re abeʹ kaʹ lepoʹ Antiukia ina, kun nte pempun dulu diaʹ ngelan Tuhan kina. Penco re badaʹ mung ban pemuyan Allah kanan ida dua, ngan badaʹ ban kumpin diseʹ Allah mawang janan me dulu diaʹ tahaʹ awang Yahudi, apan nte nai ngelan Tuhan.

PEMUYAN 15:1

Nai palai dulu cen tanaʹ Yudia nyabeʹ kaʹ lepoʹ Antiukia. Pekini dau katuk de neng cenganak dalem Tuhan dina, kun dau re: “Buk kem are sihoʹ sunat bayaʹ Katuk Adet Musa, abeʹ kem senteng ke alaʹ udip iaʹ ke pudip ikem dalem Tuhan ʹo.”

PEMUYAN 15:12

Mung nte dina beringa tuaʹ ne ida, sulo re ngeringa dau Barnabas ngan Paulus badaʹ neng mung tedanaʹ bulen ngan puyan nyingan iaʹ ban Allah uyan neng ahang dulu diaʹ tahaʹ awang Yahudi kuʹun nte dua.

PEMUYAN 15:22

Uʹo ina, mung diaʹ lawa Injil ngan diaʹ tuʹa neng Mpun, peging ngan mung Mpun diaʹ ngelan Tuhan ina, pebetep kimet ke lemileʹ palai neng ahang ida dina ngan cuk ida tai kaʹ Antiukia serengan ngan Paulus de dua Barnabas. Kun nte lemileʹ Yudas, iaʹ dulu naʹ Barsabas ina, ngan Silas. Mung diaʹ cenganak dalem Tuhan dina selum nte neng ida dua.

PEMUYAN 15:32

Un Yudas ngan Silas, pegawa Tuhan nte dua. Majan nte pekatuk diaʹ cenganak dalem Tuhan kina, mentung nte dua petangen ngan ngepali pengelan nte.

PEMUYAN 15:4

Abeʹ ne ida kaʹ Yerusalim, kenai Mpun diaʹ ngelan Tuhan kina, peging diaʹ tuʹa Mpun, ngan diaʹ lawa Injil dina, nyelalang ngan nyelama ida pat. Kun nte badaʹ mung ban pemuyan Allah kanan ida.

PEMUYAN 17:15

Ida diaʹ tai matet Paulus dina, tai ngan ne pa abeʹ lepoʹ Atina. Uʹo ina kenai re uleʹ kaʹ lepoʹ Beria ngkin tiraʹ Paulus iaʹ ke cuk Silas ngan Timutius sangkit tai ngan ne.

PEMUYAN 20:38

Pasak bihe re ban kenahan dau tiraʹ Paulus iaʹ badaʹ ida abeʹ un ke taʹan ia laʹa ʹo. Pekina ketai re matet ia ka kapen.

PEMUYAN 21:5

Uʹo sukung tau meʹ ngelineʹ kina, tai meʹ ngeliwet kaʹ kapen idai pelaʹa. Mung nte, peging anak ngan leto re, nai matet ameʹ tai tahaʹ awang lepoʹ. Mung meʹ pat sutlep kaʹ sada bahi, sulo meʹ lemameʹ Tuhan.

PEMUYAN 28:15

Moʹ diaʹ cenganak meʹ dalem Tuhan dina kenahan dau denga meʹ nai, kenai re kaʹ pasen Apius, ngan nai pe palai laʹa kaʹ lepoʹ iaʹ ngadan ne Telu re Kedai. Kun nte petegoʹ ngan meʹ kaʹ ina. Dalau Paulus taʹan ida, penco ho nyuaʹ tiga saheʹ palaʹ Allah, mentung nge ngepali tekaʹ penawai ie laʹa.

PEMUYAN 8:14

Un diaʹ lawa Injil kaʹ Yerusalim kenahan dau denga puyan lepoʹ Samaria lepa ngelan tiraʹ Tuhan Allah. Kun nte cuk Peterus ngan Yaya tai naʹat ida.

RUM 15:24

Akeʹ nebelum kenai liwai ini ʹo. Mentung ngkeʹ ketai kaʹ tanaʹ Sepaniul, ubaʹ keʹ ke taʹan ikem moʹ keʹ ubaʹ ikem ke mepo matet akeʹ ketai kina. Kena ketai heʹ kina, ubaʹ keʹ ke peteto tawai heʹ ngan ncem kaʹ lepoʹ Rum ne, mele pe kudaʹ majan nceʹ ngan ncem ʹo.

1 KURINTUS 16:11

Tuman ina ayen buhaʹ aheʹ kelunan muau neng ia. Un sepuʹo tekep kem pepo ngan ne, apan ne ke metuk pengasat te ngan saheʹ saheʹ tekaʹ, sulo ho nai uleʹ palaʹ akeʹ. Moʹ akeʹ ke pekena kenai ie pemung ngan diaʹ cenganak didai.

1 KURINTUS 16:6

Kimet ceʹ ke ngelineʹ majan kediʹut de ngan ncem, masaʹ pe ngajan awang sengim ini ʹo. Uʹo ina ikem senteng pepo ngan nceʹ neng puyan pengaset ceʹ, mele kempi ketai heʹ masat laʹa ʹo.

2 KURINTUS 1:16

Dalau idai are, un kimet ceʹ ubaʹ ke menoʹ ikem dalau ketai heʹ kaʹ tanaʹ Makedunia are, ngan pekina pe dalau heʹ nai ngeliwet laʹa. Uʹo ina senteng ngkem pepo ngan nceʹ ke mejo asat ceʹ kaʹ tanaʹ Yudia.

TITUS 3:13

Tiga ne ikoʹ nengayet mepo Sinas iaʹ tudi man adet perinta ina, ngan pekina pe Apulus diaʹ ke nading pengasat de. Nawai ida dua tiga tiga apan nte un mung inu penenup de ke tai menco asat de ʹo.