PEMUYAN 15:25 - Kenyah New Testament

²⁵ Ina ukoʹ meʹ pebetep dau, kuaʹ ayo meʹ lemileʹ kudaʹ usa iaʹ ameʹ cuk nai palaʹ ikem, serengan ngan Barnabas de dua Paulus diaʹ ameʹ selum ini.

PEMUYAN 15:25 Iomraidhean Croise

MATIUS 11:26

Ahaʹ Amai, puyan ini ne bayaʹ pengubaʹ koʹ, ngan iaʹ sihoʹ neng kimet coʹ tengen.

LUKAS 1:3

Ahaʹ Tiupilus, lepa ne akeʹ nyituk ngetisen mung puyan dina, pa tai heʹ tisen ne cen penading nte. Ina ukoʹ keʹ ubaʹ nyurat te mikoʹ ngan tepuʹun le dau tai ie.

PEMUYAN 1:14

Mung nte lemuto pempun ke lemameʹ neng ca le penawai re. Un pe kudaʹ usa leto ngan nte. Un pe Mariam ueʹ Yesus, ngan diaʹ sadin laki neng Yesus.

PEMUYAN 15:2

Nai luhaʹ ne tekajaʹ tiraʹ neng puyan ini. Tai paseʹ ngan pesakat dau re ngan Paulus de dua Barnabas dalau ina. Ina ukoʹ dulu mung tai payo cuk Paulus de dua Barnabas, pemung ngan palai dulu diaʹ cen lepoʹ Antiukia ne, tai kaʹ Yerusalim, tai palaʹ diaʹ lawa Injil ngan diaʹ tuʹa Mpun kina, lemutu neng puyan ina.

PEMUYAN 15:22

Uʹo ina, mung diaʹ lawa Injil ngan diaʹ tuʹa neng Mpun, peging ngan mung Mpun diaʹ ngelan Tuhan ina, pebetep kimet ke lemileʹ palai neng ahang ida dina ngan cuk ida tai kaʹ Antiukia serengan ngan Paulus de dua Barnabas. Kun nte lemileʹ Yudas, iaʹ dulu naʹ Barsabas ina, ngan Silas. Mung diaʹ cenganak dalem Tuhan dina selum nte neng ida dua.

PEMUYAN 15:35

Paulus ngan Barnabas ngelineʹ pelaʹa kaʹ Antiukia pemung ngan kadoʹ dulu diaʹ ca pe, mentung nte dua pekatuk ngan badaʹ tiraʹ Tuhan.

PEMUYAN 15:6

Un diaʹ lawa Injil dina, ngan diaʹ tuʹa Mpun, tai re pempun ke pekimet puyan ina.

PEMUYAN 2:1

Tegoʹ tau tai sihoʹ neng adet Pentakusta, ketoʹ diaʹ ngelan Tuhan pempun pebulung neng ca le ukoʹ de.

PEMUYAN 2:46

Singket tau ne, tudep seʹ de tai pempun kaʹ Umaʹ Palan Allah, ngan ca le penawai re. Kun nte pemung uman kedalem amin nte, mentung nte uman ngan bangen saheʹ ngan libaʹ seʹ kimet de,

RUM 16:12

Badaʹ tiga saheʹ keʹ me Teripina ngan Teripusa, leto diaʹ pegayeng dalem gayeng Tuhan. Badaʹ tiga saheʹ keʹ me Persis iaʹ akeʹ malaʹ, iaʹ seriteng diseʹ pegayeng me Tuhan.

1 KURINTUS 1:10

Ahaʹ cenganak cenganak keʹ, ngan taten dau heʹ ke pisiu ikem man ngadan Tuhan le Yesus Keristus. Mung ngkem alaʹ ne ca le tiraʹ, apan ncem abeʹ un paseʹ neng ahang ikem. Pedaʹam ne puyan ncem pebeka tawai man ca le kimet cem, ngan man ca le jo sedep kem.

GALATIA 2:9

Yakup, Peterus, ngan Yaya, iaʹ dulu kuma ha diaʹ lataʹ, ida lepa nugen moʹ Allah lepa naʹ tulat gayeng ini makeʹ kuʹun ban pengelesau ue. Ina tuman nte alaʹ ameʹ dua Barnabas ngan selama dau. Mentung kuaʹ dau ayo meʹ pemung pegayeng ngan nte, iaʹ ina akeʹ ngan Barnabas tai mejo gayeng ina neng ahang lepoʹ dulu diaʹ ca, ngan ida tai palaʹ kelunan lepoʹ Yahudi.

IPESUS 6:21

Kenai Tikikus, cenganak iaʹ ilu malaʹ, iaʹ semamet petubo gayeng Tuhan, nai palaʹ ikem. Ia ke badaʹ mung denga heʹ mikem, ina le ikem tai tisen diseʹ keʹ, ngan kumpin puyan nceʹ.

KULUSE 4:7

Cenganak le Tikikus iaʹ ilu malaʹ, ca usa iaʹ tudep, ngan iaʹ kuaʹ ulaʹ ngan meʹ dalem gayeng Tuhan. Ia ke badaʹ mung denga heʹ palaʹ ikem.

KULUSE 4:9

Serengan ne, un pe kenai Unisimus, cenganak le iaʹ ilu malaʹ, ngan iaʹ tudep. Ia ca usa diaʹ anun ncem lete. Ida ke badaʹ mikem mung puyan iaʹ lepa nuyan kini.

PILIMUN 1:16

Naʹkini abeʹ ne ia bang ca ulaʹ tuaʹ le, di lareʹ naʹkini lapa tiga ne ia neng ʹo ca ulaʹ. Ia ne iaʹ cenganak le iaʹ ilu malaʹ dalem Keristus. Bioʹ kimet ceʹ malaʹ ia. Nco pe ia neng ikoʹ laʹa. Abeʹ e bang ca ulaʹ iaʹ ikoʹ ke malaʹ, un sepuʹo ca usa iaʹ cenganak dalem Tuhan.

2 PETERUS 3:15

Tiga hem ngetisen pengedadoʹ tawai Tuhan, ca pengebiʹen ncem ke pigai katuk udip dalem Tuhan. Pekina lete dau cenganak le Paulus iaʹ ilu malaʹ, dalem surat katu ue mikem, bayaʹ ban penisen iaʹ Allah naʹ mia.