PEMUYAN 15:22 - Kenyah New Testament

²² Uʹo ina, mung diaʹ lawa Injil ngan diaʹ tuʹa neng Mpun, peging ngan mung Mpun diaʹ ngelan Tuhan ina, pebetep kimet ke lemileʹ palai neng ahang ida dina ngan cuk ida tai kaʹ Antiukia serengan ngan Paulus de dua Barnabas. Kun nte lemileʹ Yudas, iaʹ dulu naʹ Barsabas ina, ngan Silas. Mung diaʹ cenganak dalem Tuhan dina selum nte neng ida dua.

PEMUYAN 15:22 Iomraidhean Croise

PEMUYAN 1:23

Penco re pekenyeng dua usa kata ida: Yusup iaʹ dulu naʹ Barsabas, (iaʹ un ngadan ketelu Yustus), ngan Matias.

PEMUYAN 11:19

Mung diaʹ ngelan Tuhan tai petat kuʹun penaru iaʹ nai dalau dulu lematai Stipanus are. Un palai mida tai kelap pabeʹ dale Penisia ngan tanaʹ Siperus, mentung nte bada tiraʹ Allah me diaʹ lepoʹ Yahudi tengen le.

PEMUYAN 11:20

Un palai diaʹ ngelan Tuhan ban cen lepoʹ Siperus, ngan lepoʹ Kirini, tai re abeʹ kaʹ lepoʹ Antiukia. Kun nte badaʹ Denga Injil Tuhan Yesus me dulu diaʹ tahaʹ awang Yahudi.

PEMUYAN 11:22

Kenahan kun Mpun diaʹ ngelan Tuhan kaʹ Yerusalim dau denga ina, penco re cuk Barnabas tai kaʹ Antiukia.

PEMUYAN 11:27

Dalau ina un palai pegawa Tuhan nai cen Yerusalim puno kaʹ Antiukia.

PEMUYAN 15:23

Kun nte naʹ ca surat katu tugung ida, pekini dau ue: “Ameʹ diaʹ lawa Injil, peging ngan diaʹ tuʹa Mpun diaʹ ngelan Tuhan, ameʹ diaʹ cenganak kem ke badaʹ selama tawai meʹ palaʹ diaʹ cenganak meʹ dalem Tuhan neng ahang ikem diaʹ tahaʹ awang lepoʹ Yahudi kaʹ lepoʹ Antiukia, ngan dale Siria, ngan Kilikia.

PEMUYAN 15:25

Ina ukoʹ meʹ pebetep dau, kuaʹ ayo meʹ lemileʹ kudaʹ usa iaʹ ameʹ cuk nai palaʹ ikem, serengan ngan Barnabas de dua Paulus diaʹ ameʹ selum ini.

PEMUYAN 15:27

Ina ukoʹ meʹ cuk Yudas ngan Silas nai naʹat ikem, apan ida dua ke badaʹ sen surat meʹ ini.

PEMUYAN 15:3

Pekina Mpun diaʹ ngelan Tuhan cuk ida telu tai puke. Ketai re masat ngalang dale Penisia ngan dale Samaria, mentung nte badaʹ ban dulu diaʹ tahaʹ awang Yahudi lepa pupa kimet de palaʹ Allah. Denga ini iaʹ ngkin bioʹ bangen tawai me mung diaʹ cenganak dalem Tuhan dina.

PEMUYAN 15:30

Sulo re pawang ida diaʹ ngkin surat idai tai puke. Tai re puno kaʹ Antiukia. Kaʹ ina re pempun ketoʹ kadoʹ de diaʹ ngelan Tuhan, kun nte badaʹ surat ina mida.

PEMUYAN 15:32

Un Yudas ngan Silas, pegawa Tuhan nte dua. Majan nte pekatuk diaʹ cenganak dalem Tuhan kina, mentung nte dua petangen ngan ngepali pengelan nte.

PEMUYAN 15:40

Kun Paulus mengin Silas. Kena re ke puke, un diaʹ cenganak dalem Tuhan dina lemameʹ pelek ida dua palaʹ pengelesau Allah iaʹ ke petubo ida dua.

PEMUYAN 16:19

Tisen kun dulu diaʹ ban alaʹ leto ina ulaʹ are, ban pesau ne bali neng leto idai cen ukoʹ tebelum nte alaʹ ligit are. Penco re dakep Paulus de dua Silas, mihit ida dua kaʹ beluaʹ lepoʹ tai ngejuma diaʹ paren.

PEMUYAN 16:25

Kena beluaʹ alem, kun Paulus ngan Silas lemameʹ, mentung nte dua dayung pempau Allah. Mung diaʹ dalem amin sepin ina ngeringa dau re dua.

PEMUYAN 16:29

Kun laki bioʹ iaʹ ngkang amin sepin ina nyat titiu, mentung tai ie ngasa ngan ngeregen diseʹ e, penco ho muʹup nusau taket Paulus de dua Silas ne.

PEMUYAN 17:10

Kiʹan ketai tahup kun diaʹ cenganak le dalem Tuhan dina cuk Paulus ngan Silas tai kaʹ lepoʹ Beria. Dalau tai re abeʹ kaʹ Beria, penco ketai re kedalem amin sebayang Yahudi.

PEMUYAN 17:14

Nyangkit kun diaʹ cenganak le dalem Tuhan dina cuk Paulus puke, tai kaʹ sada bahi banget. Un Silas ngan Timutius, ngelineʹ de dua kaʹ Beria.

PEMUYAN 17:4

Un palai cen ahang ida dina ubaʹ ke kanan dau ue, penco re pepanak ngan Paulus de dua Silas. Pekina pe kadoʹ kenai lepoʹ Gerika diaʹ temek lemameʹ Allah bayaʹ Katuk Adet Musa, ngan pekina pe kadoʹ leto diaʹ mencam peteneng dalem lepoʹ nai ngelan.

PEMUYAN 18:5

Tegoʹ kenai Silas ngan Timutius abeʹ cen tanaʹ Makedunia, un Paulus abeʹ un kelineʹ kelineʹ e penco tiraʹ Tuhan, mentung tugen dau ue badaʹ me lepoʹ Yahudi ban Yesus ina lete iaʹ atek ngkang pungu udip ne.

PEMUYAN 8:14

Un diaʹ lawa Injil kaʹ Yerusalim kenahan dau denga puyan lepoʹ Samaria lepa ngelan tiraʹ Tuhan Allah. Kun nte cuk Peterus ngan Yaya tai naʹat ida.

2 KURINTUS 1:19

Moʹ ameʹ telu Silas ngan Timutius lepa pedenga Yesus Keristus Anak Allah neng ahang ikem. Abeʹ e Yesus iaʹ kuma ha “ahaʹ ngan naʹun” are. Di lareʹ ia ne seleket isiu Allah iaʹ pisiu “ahaʹ” milu.

1 TESALUNIKA 1:1

Cen Paulus, Silas, ngan Timutius: Palaʹ mung kelunan dalem Mpun diaʹ ngelan Tuhan kaʹ Tesalunika, diaʹ anun Allah, Amai Bioʹ le, ngan Tuhan Yesus Keristus. Awaʹ pe pengelesau ngan udip iaʹ tadan un neng ikem.

2 TESALUNIKA 1:1

Cen Paulus, Silas, ngan Timutius: Palaʹ mung kelunan dalem Mpun diaʹ ngelan Tuhan kaʹ Tesalunika, diaʹ anun Allah iaʹ Amai le, ngan Tuhan le Yesus Keristus.

1 PETERUS 5:12

Akeʹ uyan surat iaʹ buʹet ini palaʹ ikem man ujoʹ Suanus, moʹ keʹ kuma ia ca cenganak le iaʹ semamet. Kimet ceʹ ubaʹ ke petangen ikem, ngan badaʹ ban ini iaʹ lan lan ne pengelesau Allah. Tiga hem salet nekejeng kidi.