PEMUYAN 15:20 - Kenyah New Testament

²⁰ Bang iaʹ tiga, uyan surat mida iaʹ pekini dau: ‘Ayen tai uman liwa iaʹ dulu mencai me bali, moʹ puyan ina ke ngejameng pengudip le. Ngan ngecoʹ usa hem cen puyan pemung nyelem. Ngan ayen uman pun iaʹ matai ban kalen dahaʹ, pekina pe neng dahaʹ.’

PEMUYAN 15:20 Iomraidhean Croise

PEMUYAN 15:29

iaʹ pekini dau: Ayen uman penguman iaʹ liwa dulu mencai me bali, ngan ayen uman dahaʹ, pekina pe ayen uman pun iaʹ matai kalen dahaʹ. Ngan pekina pe ngecoʹ usa hem cen pemung nyelem. Buk kem jagaʹ usa hem neng mung naʹan puyan ini, ina le puyan ncem tai teneng ʹo. Nyaheʹ ne ikem.”

PEMUYAN 21:25

Un sepuʹo, neng dulu diaʹ tahaʹ awang Yahudi diaʹ ngelan Tuhan, lepa ne ameʹ naʹ surat pebetep dau, mulen ida uman penguman diaʹ liwa iaʹ ban dulu mencai me bali, pekina pe dahaʹ, ngan pun diaʹ matai kalen dahaʹ, ngan pekina pe ngecoʹ usa re cen pemung nyalem.”

1 KURINTUS 5:11

Sen isiu heʹ ina are, ayen tai pekejahi ngan kelunan iaʹ badaʹ ia iaʹ cenganak le dalem Tuhan iaʹ caʹ un puyan petaro, pekina pe tutun, ngan ngelan uyat, ngan pejaʹat dulu, mabuk, ngan pekina pe ngelau. Ayen peletoʹ kem tai pemung uman ngan kelunan diaʹ pekina.

1 KURINTUS 6:13

Un dau palai laʹa kuma ha: “Penguman iaʹ utung batek, ngan batek iaʹ utung penguman.” Ahaʹ lan lete diaʹ pekina, un sepuʹo dua dina ketai salai kuʹun Allah ʹo. Usa le kelunan abeʹ e tekep ke uyan puyan petaro, di lareʹ usa le kelunan tekep ukoʹ senganan Tuhan. Ngan laʹa Tuhan iaʹ tekep ke kanan usa kelunan.

1 KURINTUS 6:18

Kelap ne cen puyan petaro. Singket naʹan penyalaʹ diaʹ ca iaʹ kelunan uyan, abeʹ e sihoʹ usa ha tengen koʹ baʹan ini are. Un sepuʹo kelunan iaʹ pemung nyelem ina, ia ne iaʹ uyan penyalaʹ neng usa ha tengen.

1 KURINTUS 6:9

Tisen te ikem tupe? kelunan diaʹ uyan jaʹat, nyahut de ke kahum dalem peniga pengaren Allah ne. Ayen ncem lemalo usa hem tengen. Kelunan diaʹ pemung kena re ke pepeto, pekina pe diaʹ ngelan uyat, pekina pe diaʹ petaro, pekina pe leto diaʹ taro neng leto, pekina pe laki diaʹ taro neng laki,

1 KURINTUS 7:2

Naʹ pe lan diaʹ pekina, un sepuʹo kadoʹ dulu diaʹ aleʹ aleʹ petaro, ina ukoʹ o tekep le laki un ca le leto, ngan pekina pe leto un ca le laki.

1 KURINTUS 8:1

Laʹa neng puyan penguman iaʹ dulu mencai me bali uyat. Dalau palai neng idi: “Ilu mung un penisen.” Lan te dau re. Un sepuʹo penisen pekina iaʹ ke ngelatup kimet kelunan pa re tai mpau kimet. Di lareʹ puyan malaʹ iaʹ ke pedengkep kelunan.

2 KURINTUS 12:21

Akeʹ malap tekaʹ selu tegoʹ kenai heʹ ca liwai laʹa masaʹ Tuhan Allah heʹ ke ngelibaʹ akeʹ neng juma ikem, pa heʹ ke nange tuman kelunan kadoʹ diaʹ uyan penyalaʹ cen kena, ngan abeʹ lepe ida nyepuleʹ kimet de cen puyan jameng nte, ngan puyan pemung nyelem, ngan puyan selabu iaʹ ida malai uyan are.

GALATIA 5:19

Pemuyan penyaheʹ usa kelunan ina lepe luhaʹ dalem puyan pemung nyelem, puyan jameng, ngan puyan selabu,

IPESUS 5:3

Moʹ ikem kelunan diaʹ anun Allah, ayen tai pemung nyelem, ngan ayen uyan diaʹ mano, ngan pekina pe neng puyan tutun. Mung dina, abeʹ ne ia tekep ikem ke pisiu ngadan ne laʹa neng ahang ikem.

KULUSE 3:5

Tuman ina, tiga hem lematai penyaheʹ usa hem iaʹ ngala dalem ikem, koʹ baʹan puyan pemung nyelem, puyan iaʹ deram, pengubaʹ iaʹ jaʹat, kimet jaʹat, ngan tutun, (moʹ tutun ina koʹ baʹan ca pemuyan iaʹ ngelan uyat).

1 TESALUNIKA 4:3

Ini ne pengubaʹ kimet Allah mikem. Ia ubaʹ ikem ke mudip buheʹ, abeʹ un laki ngan leto pemung buk are pepeto lan ading.

IBERANI 12:16

Pekimet tiga tiga malap ca usa neng ahang ikem ketai nuyan koʹ baʹan Isau iaʹ abeʹ un nyingo adet buheʹ kahang laki ngan leto, pekina pe abeʹ e nyingo udip berua ha. Moʹ Isau iaʹ matu puyan ngadan ne anak ading suaʹ ca kiut lekai.

IBERANI 13:4

Tekep le mung ke pubo puyan pepeto ngan iaʹ selumuk. Tekep ne laki ngan leto, diaʹ lepa pepeto, ngkang ca le kimet neng ida semaheʹ. Moʹ Allah iaʹ ke metep ukum neng kelunan iaʹ abeʹ un nyingo adet buheʹ kahang laki ngan leto, pekina pe neng kelunan iaʹ pemung nyelem.

1 PETERUS 4:3

Moʹ sukat majan ne ikem lepa penco pemuyan adet dulu diaʹ muau Tuhan, udip kem dalau hem ban mudip dalem puyan pemung nyelem, ngan asam pengubaʹ usa, mabuk, ngan penta neng iaʹ jaʹat, ngan betisep, ngan ngelan palaʹ uyat.

PUYAN LUHA’ 10:2

Un pe ca lelen surat iaʹ iʹut pe pebejo neng ujoʹ o. Taket te iaʹ tahaʹ taʹu cut banget, ngan taket te iaʹ tahaʹ kabing cut usun tanaʹ.

PUYAN LUHA’ 10:8

Penco dau iaʹ akeʹ ban kenahan pisiu cen langit ina, un dau ue neng akeʹ pelaʹa: “Tai ne ikoʹ, alaʹ lelen surat iaʹ pebejo ina, iaʹ un neng ujoʹ melikat iaʹ nekejeng neng usun banget, ngan neng usun tanaʹ ini.”

PUYAN LUHA’ 2:14

Ia iaʹ, un pe dau tiraʹ keʹ ke pesalaʹ ikem kediʹut, uban un palai mikem kina diaʹ bayaʹ dau katuk Bilam. Moʹ Bilam iaʹ lepa pekatuk Balak kumpin ne ke pelaboʹ lepoʹ Israil neng penyalaʹ cen naʹaʹ, man puyan uman penguman iaʹ dulu mencai me bali uyat, ngan puyan pemung nyelem.

PUYAN LUHA’ 2:20

Un sepuʹo ini tiraʹ keʹ iaʹ ke pesalaʹ ikem, moʹ kem pedayo leto iaʹ ngadan Isibil, iaʹ kuma ia tengen ca pegawa Tuhan Allah. Ia pekatuk ngan pelingu diaʹ pegayeng makeʹ ke tai bayaʹ puyan pemung nyelem, ngan uman penguman iaʹ dulu mencai me bali uyat.

PUYAN LUHA’ 9:20

Mung kelunan diaʹ ca, diaʹ abeʹ un matai kuʹun layu telu dini, abeʹ pe ida nyepuleʹ kimet de cen puyan pemuyan nte. Abeʹ de tai pekenaʹ puyan lemameʹ palaʹ bali, ngan uyat mat, ngan uyat pirak, ngan uyat temaga, ngan batu, ngan kayu. Abeʹ pe uyat dina taʹan. Abeʹ pe ida kenahan. Abeʹ pe ida tai masat pe.