PEMUYAN 15:13 - Kenyah New Testament

¹³ Lepa ne ida dua pisiu ʹo, kun Yakup pisiu pelaʹa. Un dau ue: “Ahaʹ cenganak keʹ mung, ngeringa hem dau heʹ.

PEMUYAN 15:13 Iomraidhean Croise

MARKUS 15:40

Un pe kudaʹ usa leto diaʹ naʹat seʹ puyan ina cen coʹ. Neng ahang ida un Mariam Madalina, pekina pe Mariam ueʹ Yakup iaʹ iʹut, de dua Yusis, un pe Salume.

PEMUYAN 12:17

Kun Peterus pekata seʹ man ujoʹ o ke peberinga ida. Penco ho badaʹ mida kumpin ban Tuhan ngkin ia kawang cen amin sepin ina. Kun Peterus cuk ida badaʹ puyan ina me Yakup ngan diaʹ cenganak de diaʹ ca dalem Tuhan ne ʹo. Uʹo ina kun ne mecin ngan tai kaʹ ca te.

PEMUYAN 15:14

Lepa ne Simun Peterus badaʹ kumpin ban tading Allah petubo dulu diaʹ tahaʹ awang neng ilu Yahudi, cen puyan Tuhan Allah ban alaʹ palai mida, nuyan ida diaʹ anun ne tengen.

PEMUYAN 2:14

Nai Peterus nekejeng pemung ngan diaʹ puloʹ ca usa diaʹ lawa dina, penco bioʹ dau ue: “Ahaʹ cenganak keʹ lepoʹ Yahudi, mung ngkem diaʹ ngelineʹ kaʹ Yerusalim tiga hem ngeringa dau heʹ ini, ngan petawi ne dau tiraʹ keʹ.

PEMUYAN 2:22

Sulo dau Peterus laʹa: “Ahaʹ mung cenganak keʹ lepoʹ Israil, kudaʹ pe ikem ngeringa dau isiu heʹ ini. Un ban Yesus, lepoʹ Nasarit idai, ca laki iaʹ Allah atek ban naʹ mikem. Un iaʹ peluhaʹ Yesus, ina puyan penyukat bioʹ, ngan puyan nyingan, ngan tedanaʹ bulen, iaʹ Allah lepa ban uyan kuʹun Yesus ina. Ikem tengen iaʹ tisen kidi, moʹ mung puyan ina lepa luhaʹ neng ahang ikem.

PEMUYAN 2:29

Un dau Peterus laʹa: “Ahaʹ cenganak keʹ mung, melai melai dau heʹ pisiu ikem neng puyan tepun le Daut. Lepa ne ia matai. Lepa dulu nanam ne ia. Liang nge un ngan le pabeʹ tau ini ne.

PEMUYAN 21:18

Neng kenempam me ketai Paulus ngkin ameʹ naʹat Yakup. Mung diaʹ tuʹa Mpun diaʹ ngelan Tuhan un kina.

PEMUYAN 22:1

“Ahaʹ pui, amai, ngan cenganak, ngan tepat mung, ngeringa hem dau heʹ ke mipa ikem ading.”

PEMUYAN 7:2

Kun Stipanus mipa ia: “Ahaʹ pui, ngan cenganak cenganak keʹ mung, tiga hem ngeringa dau heʹ. Ban Allah iaʹ un serema peniga lepa nai luhaʹ palaʹ tepun le Ibrahim dalau ue caʹ un kaʹ tanaʹ Mesuputami, kena ha ke tai paso kaʹ tanaʹ Haran cen naʹaʹ te are.

GALATIA 1:19

Abeʹ keʹ un petegoʹ ngan lawa Injil diaʹ ca, pit Yakup iaʹ cenganak Tuhan le ina.

GALATIA 2:12

Moʹ kena kudaʹ usa kelunan, iaʹ Yakup ban cuk, nai abeʹ kaʹ lepoʹ ina, Peterus lepa pemung uman ngan cenganak le diaʹ tahaʹ awang lepoʹ Yahudi. Un sepuʹo lepa kelunan dina abeʹ, sulo tai Peterus ngerada ngan abeʹ e pemung uman ngan nte laʹa. Peterus takut kelunan Yahudi dina, moʹ ida diaʹ menco katuk iaʹ ke nyunat kelunan diaʹ tahaʹ awang lepoʹ Yahudi.

GALATIA 2:9

Yakup, Peterus, ngan Yaya, iaʹ dulu kuma ha diaʹ lataʹ, ida lepa nugen moʹ Allah lepa naʹ tulat gayeng ini makeʹ kuʹun ban pengelesau ue. Ina tuman nte alaʹ ameʹ dua Barnabas ngan selama dau. Mentung kuaʹ dau ayo meʹ pemung pegayeng ngan nte, iaʹ ina akeʹ ngan Barnabas tai mejo gayeng ina neng ahang lepoʹ dulu diaʹ ca, ngan ida tai palaʹ kelunan lepoʹ Yahudi.

YAKUP 1:1

Cen Yakup iaʹ ulaʹ Allah, ngan ulaʹ Tuhan Yesus Keristus: Akeʹ badaʹ tiga kimet palaʹ mung kelunan diaʹ anun Allah, diaʹ ban purat tipo kusun tanaʹ ini.

YAKUP 1:19

Cenganak cenganak diaʹ akeʹ malaʹ, nawai ne ini. Tekep ilu mung sangkit ke ngeringa dau. Un sepuʹo tekep le ayen busak ke pisiu, ngan ayen laho miʹa.