PEMUYAN 15:12 - Kenyah New Testament

¹² Mung nte dina beringa tuaʹ ne ida, sulo re ngeringa dau Barnabas ngan Paulus badaʹ neng mung tedanaʹ bulen ngan puyan nyingan iaʹ ban Allah uyan neng ahang dulu diaʹ tahaʹ awang Yahudi kuʹun nte dua.

PEMUYAN 15:12 Iomraidhean Croise

YAYA 4:48

Un dau Yesus neng ia: “Pabeʹ ca usa mikem pe abeʹ un ngelan buk kem abeʹ un taʹan puyan nyingan ngan iaʹ salam diseʹ.”

PEMUYAN 14:27

Lepa re abeʹ kaʹ lepoʹ Antiukia ina, kun nte pempun dulu diaʹ ngelan Tuhan kina. Penco re badaʹ mung ban pemuyan Allah kanan ida dua, ngan badaʹ ban kumpin diseʹ Allah mawang janan me dulu diaʹ tahaʹ awang Yahudi, apan nte nai ngelan Tuhan.

PEMUYAN 15:3

Pekina Mpun diaʹ ngelan Tuhan cuk ida telu tai puke. Ketai re masat ngalang dale Penisia ngan dale Samaria, mentung nte badaʹ ban dulu diaʹ tahaʹ awang Yahudi lepa pupa kimet de palaʹ Allah. Denga ini iaʹ ngkin bioʹ bangen tawai me mung diaʹ cenganak dalem Tuhan dina.

PEMUYAN 15:4

Abeʹ ne ida kaʹ Yerusalim, kenai Mpun diaʹ ngelan Tuhan kina, peging diaʹ tuʹa Mpun, ngan diaʹ lawa Injil dina, nyelalang ngan nyelama ida pat. Kun nte badaʹ mung ban pemuyan Allah kanan ida.

PEMUYAN 21:19

Kun Paulus badaʹ saheʹ tawai ie palaʹ ida, penco ho nepuʹun badaʹ tahaʹ ca tahaʹ ca, mung puyan iaʹ Allah uyan cen ban gayeng nge neng ahang dulu diaʹ tahaʹ awang Yahudi.

RUM 15:18

Abeʹ keʹ tempa ke pisiu neng inu puyan diaʹ ca, buk are neng puyan iaʹ ban Keristus uyan kanan akeʹ, iaʹ ina ke payo dulu diaʹ tahaʹ awang Yahudi tunuk bayaʹ Allah.