PEMUYAN 15:11 - Kenyah New Testament

¹¹ Abeʹ nyatan ne ke pekina. Moʹ le ngelan Tuhan Yesus, penco ho pudip ilu ban kuʹun pengelesau ue iaʹ ia lebang naʹ milu, pekina pe mida.”

PEMUYAN 15:11 Iomraidhean Croise

RUM 3:24

Un ʹo Allah mencai tuaʹ le pengelesau ue me ilu kelunan, ina ukoʹ le mung tai teneng ngan ne ban kuʹun Keristus Yesus, iaʹ nakau ilu cen penyalaʹ le.

RUM 5:15

Un sepuʹo tekajaʹ laleʹ de dua. Moʹ pengencai Allah iaʹ ia lebang naʹ ina, abeʹ e koʹ baʹan penyalaʹ Adem are. Lan te kadoʹ kelunan ban matai kuʹun penyalaʹ ca usa tuaʹ le. Di lareʹ bioʹ neng ʹo ina pelaʹa pengelesau Allah iaʹ ia lebang naʹ milu are, pekina pe pengencai ie iaʹ ia lebang naʹ me kadoʹ kelunan, iaʹ nai kuʹun pengelesau ca usa kelunan le, iaʹ ina Yesus Keristus.

RUM 6:23

Moʹ suaʹ penyalaʹ, ina ne patai; un sepuʹo pengencai Allah, ina ne udip saheʹ kelineʹ iaʹ ngeriman, iaʹ pebulung dalem Keristus Yesus, Tuʹa le.

1 KURINTUS 16:23

Pengelesau Tuhan Yesus un ngan ncem.

2 KURINTUS 8:9

Moʹ ikem tisen puyan pengelesau Tuhan le Yesus Keristus, naʹ pe leto pengudip pe, ia nengangan tai kasip tuman ikem, apan ikem ke tai nuyan kelunan iaʹ mudip lento kuʹun pengekasip pe.

GALATIA 1:6

Muʹo ne tawai heʹ neng ikem, moʹ jelarai laleʹ le ban ncem tai nyelikut ia iaʹ lepa mengin ikem man pengelesau Keristus ina. Belekaʹ kem tai bayaʹ denga injil diaʹ ca.

GALATIA 2:16

Naʹ pia pekina, ameʹ tisen moʹ ca kelunan ketai teneng ngan Allah, abeʹ e kuʹun pemuyan ne bayaʹ Katuk Adet, di lareʹ bang kuʹun pengelan ne palaʹ Yesus Keristus le. Lepa ne ameʹ ngelan palaʹ Yesus Keristus apan meʹ sukat tai teneng ngan Allah kuʹun pengelan meʹ neng Keristus ina, abeʹ e kuʹun pemuyan meʹ bayaʹ Katuk Adet. Moʹ kuʹun Katuk Adet ina, ca kelunan pe abeʹ un sukat ketai teneng ngan Allah.

TITUS 2:11

Allah lepa peluhaʹ pengelesau ue iaʹ ia lebang naʹ milu ina iaʹ senteng ke pudip mung kelunan.

PUYAN LUHA’ 5:9

Penco re ti ca belian iaʹ mading. Pekini dau ue: “Ikoʹ iaʹ tekep alaʹ lelen surat ina, ngan ke lemasi penyalet te. Moʹ ikoʹ iaʹ lepa sihoʹ tebek ngan matai. Ngan kuʹun dahaʹ koʹ, ikoʹ lepa nyuaʹ kelunan me Allah, cen singket naʹan puhoʹ kelunan, cen singket naʹan isiu, ngan singket naʹan gaham perinta, ngan singket naʹan lepoʹ ne.