PEMUYAN 15:1 - Kenyah New Testament

¹ Nai palai dulu cen tanaʹ Yudia nyabeʹ kaʹ lepoʹ Antiukia. Pekini dau katuk de neng cenganak dalem Tuhan dina, kun dau re: “Buk kem are sihoʹ sunat bayaʹ Katuk Adet Musa, abeʹ kem senteng ke alaʹ udip iaʹ ke pudip ikem dalem Tuhan ʹo.”

PEMUYAN 15:1 Iomraidhean Croise

YAYA 7:22

Musa iaʹ cuk ikem ti adet sunat neng anak laki hem. (Naʹ pe ia pekina, abeʹ e Musa iaʹ nading nge, un sepuʹo tepun ncem cen naʹaʹ te iaʹ nading adet ini me ikem.) Ina ukoʹ kem uyan adet sunat me anak laki hem tegoʹ Tau Kelineʹ.

PEMUYAN 1:15

Kudaʹ tau pe ʹo ina, kenai re pempun mung diaʹ ngelan Tuhan, kihoʹ kihoʹ ca ato dua puloʹ usa kadoʹ de. Dalau ina kenai Peterus nekejeng. Un dau ue:

PEMUYAN 15:22

Uʹo ina, mung diaʹ lawa Injil ngan diaʹ tuʹa neng Mpun, peging ngan mung Mpun diaʹ ngelan Tuhan ina, pebetep kimet ke lemileʹ palai neng ahang ida dina ngan cuk ida tai kaʹ Antiukia serengan ngan Paulus de dua Barnabas. Kun nte lemileʹ Yudas, iaʹ dulu naʹ Barsabas ina, ngan Silas. Mung diaʹ cenganak dalem Tuhan dina selum nte neng ida dua.

PEMUYAN 15:23

Kun nte naʹ ca surat katu tugung ida, pekini dau ue: “Ameʹ diaʹ lawa Injil, peging ngan diaʹ tuʹa Mpun diaʹ ngelan Tuhan, ameʹ diaʹ cenganak kem ke badaʹ selama tawai meʹ palaʹ diaʹ cenganak meʹ dalem Tuhan neng ahang ikem diaʹ tahaʹ awang lepoʹ Yahudi kaʹ lepoʹ Antiukia, ngan dale Siria, ngan Kilikia.

PEMUYAN 15:24

Ameʹ kenahan ban un palai kelunan diaʹ nai cen Mpun meʹ, diaʹ nai ngkin tiraʹ bareng iaʹ ngasing kimet cem. Iaʹ lan ne, abeʹ meʹ cuk ida nai pekina.

PEMUYAN 15:3

Pekina Mpun diaʹ ngelan Tuhan cuk ida telu tai puke. Ketai re masat ngalang dale Penisia ngan dale Samaria, mentung nte badaʹ ban dulu diaʹ tahaʹ awang Yahudi lepa pupa kimet de palaʹ Allah. Denga ini iaʹ ngkin bioʹ bangen tawai me mung diaʹ cenganak dalem Tuhan dina.

PEMUYAN 15:32

Un Yudas ngan Silas, pegawa Tuhan nte dua. Majan nte pekatuk diaʹ cenganak dalem Tuhan kina, mentung nte dua petangen ngan ngepali pengelan nte.

PEMUYAN 15:5

Un palai diaʹ Perisi diaʹ lepa ngelan, nai beteʹ. Un dau re: “Abeʹ senteng are ke nyunat ida dina, ngan cuk ida bayaʹ Katuk Adet Musa.”

PEMUYAN 21:20

Lepa re kenahan dau puyan ina, penco re pempau Allah. Kun dau re neng Paulus: “Ahaʹ cenganak, tisen ne ikoʹ ban kudaʹ ibu diaʹ lepoʹ Yahudi diaʹ lepa ngelan Tuhan Yesus di lareʹ mung nte caʹ tudep lepe ida kanan Katuk Adet Musa.

PEMUYAN 6:14

Moʹ lepa ne ameʹ kenahan dau Stipanus kuma ban Yesus lepoʹ Nasarit ina, ia ke pemapeʹ Umaʹ Palan ini, ngan ke nyaliu adet iaʹ Musa lepa naʹ palaʹ ilu.”

GALATIA 2:1

Puloʹ pat uman ʹo ina, tai heʹ ngan Barnabas ngeliwet kaʹ Yerusalim. Pekina pe Titus un pemung ngan meʹ.

GALATIA 5:6

Moʹ dalau le pebeka tawai ngan Keristus Yesus, diaʹ un sunat ngan diaʹ abeʹ un sunat, abeʹ un ca inu inu ue. Di lareʹ iaʹ atek bioʹ, iaʹ ina pengelan iaʹ menco gayeng man seʹ puyan malaʹ.

GALATIA 6:12

Kelunan diaʹ ubaʹ ke pincung ngadan re tengen, ngan pada penyaheʹ usa kelunan, ida diaʹ taten ke lemejen ikem alaʹ adet sunat. Ida uyan puyan diaʹ pekina, malap dulu nyakit ida buk de menco katuk neng puyan Keristus neng usun kayu tecek are.

KULUSE 2:16

Tuman ina, ayen ncem pedayo ca kelunan mele aheʹ aheʹ pe iaʹ ke uyan palan neng penguman ncem, ngan neng inu iaʹ ikem nisep, ngan pekina pe neng tau bioʹ, ngan puyan adet neng bulan mading, ngan pekina pe neng Tau Kelineʹ.

KULUSE 2:8

Tuman ina, tiga hem jagaʹ tiga le, apan mele aheʹ aheʹ pe abeʹ un sukat ke ngebabak ikem man penudi tiraʹ kelunan iaʹ palo, ngan iaʹ abeʹ un semantet. Ngan tiraʹ ina abeʹ e nai cen Keristus, di lareʹ tiraʹ ina nai cen katuk adet kelunan, peging ngan bali jaʹat diaʹ ngaren beluaʹ awang.